Игра на тронови (Game of Thrones) [2011]

Го најде сега човекот
Ако ми веруваш од тој жанр ништо, ама ни еден филм немам изгледано, (уствари еднаш почнав лотр ама заспав) ни авенџери ни аватари ни па стар ворс уште не ми е јасно што има во франшизава за да се снимени преку 10 филма, и уште снимаат
Ама баш ништо не гледам што би ме привлекло во филмовиве...

 

Рр Мaртин си гo гледa пoследнoтo крaлствo, ептен дoбрa серијa.

 

Дајнерис пред тронот се окези ко јас ко ќе видам хамбургер од 7 ца. Од уво до уво

 

Leave one wolf alive and the sheep are never safe - Arya Stark.

Спојлер

Дечки, тоа е тоа. Играта за престолот заврши, победници се Старк, како и што се очекуваше.
2011 кога почна, знаев дека ќе биде нешто големо од сето ова.
Но, не можам да се помирам со смртта на Дајнерис. Сцената Дрогон како го топеше престолот и како си ја зема со ноктето, еве уште урлам ко нездрава.

 

Јас сабајле кога станав веднаш си исчитав спојлери, да не ги мислам

Може и "Арја на Дивиот Запад" да испадне, па Џон и Гоуст во лов на пингвини" итн

Јас мислам дека му се готови книгите одамна, и дека на друг начин се одвива дејството таму, само било договорено да заврши серијата пред да излезат во продажба.

 

Добро, само мене ли сржта на крајов ми изгледа... kinda right? Како фрик се осеќам ко што читам тотално разочарани фанови насекаде, мајке ми

Спојлер

Океј, си стојат промашените пророштва, теории, и ликови на кои изгледа како да заборавија сценаристите. Последнава сезона ми беше во доста моменти мех, со ups and downs, посебно претпоследната епизода со крајот на Џејми и Серси не можам да ја оправдам - ама со финалето барем мене ми се искупија.

Почетокот на епизодата ми беше катастрофа и ветуваше никаков крај, Џон изгледаше ко скроз изгубен со неодлучноста и покорноста кон Дени, но почнувајќи со онаа сцена кога ја уби - имаше доста поетични и идеалистички моменти.
Дени, како што кажав, премногу избрзано ја трансформираа во делузионален тиранин. Но кога веќе тоа го направија, не знам каков по bittersweet крај би очекувале за неа од тоа токму љубениот, Џон, да ја убие.

Како што прочитав во една анализа, приказните на Џон и Дени баш ги завршија како на прави трагични херои. Дени заврши така како што заврши... Џон повторно со љубената мртва во раце како и Игрит претходно, но сега убивајќи ја токму тој за the greater good - си заминува на север. Колку што разбрав јас, тој отиде да живее со Free Folk, бидејќи Night's Watch логично веќе нема цел да постои. И кога ќе видиш подобро, не ми изгледа тоа како character development фрлен во вода, туку како баш таму да припаѓа. Џон ко особа е премногу pure и скромен за во политикиве и кралствава, сетете се на колажот што се врти баш сега по фб и инста од сите негови "I don't want it" низ минатите сезони - кога го назначија за Lord Commander, преку King in the North, па се до железниот трон. Плус и повторно Ghost го сретна, our boy finally got those pets he deserved, doesn't that feel right?

Го заборавив Дрогон во сцената кога Џон ја уби Дени, и моментот кога го изгоре тронот, причината за целиот раздор, крв и смрт во серијата (иако можело ете и вака површно да се сфати тоа).
Од тогаш почна сето она *преминување од тиранија во... донекаде, демократија*.
Брен на тронот, искрено, и јас само во шала и mocking го замислував - но по говорот на Тирион (патем, конечно добивме пак добри монолози, па и дијалози со хумор, на негово ниво - алелуја! ) за она со значењето на знаењето на сите приказни и грешки во минатото... почна да прави смисла. Плус, иако on screen ми/ни изгледаше толку бескорисен како лик (посебно во битката со Night King), всушност има простор за доста теории што всушност направил и во битката со неговите способности, а сценаристиве го оставија необјаснето и неоткриено.

Санса исто сосема satisfying ја заокружија како лик, од иритантно наивна девојка со желба да се омажи за крал и да му роди принцови - до Queen in the North.

Од пропусти - за Арја не сум баш задоволна, посебно што способноста за менување лица и сето она со Џакен го заборавија.
И најнелогично беше со Греј Ворм и Unsullied, како толку лесно се повлекоа и си заминаа, наместо да се одмаздат за Дени којашто ја гледаа како месија.

И така... мене вака добиен *мир*, и не ми е толку слаб крај за серијава - па и не ми беше предвидливо ова, на сето очекување на тотално devastating крај...
Можеби доста политички и идеалистички гледам, барем @WildMk очекувам да ме сфати од тоа што ја читав и за минатата недела

 

Секoгaш кoгa ќе се случи нештo вaквo oчекувaм oдгoвoрните дa излезaт бaрем дa кaжaт декa јa зaебaa рaбoтaтa... Бaр тoa...
Нaвистинa мислaм aкo oдбереa бaрем еден чoвек oд улицa штo јa прaтел серијaвa ќе нaпишел пoдoбaр крaј.

 

Да ви се претставам во темава
I am Miss from house Dior, firstborn of my name, sunburnt , breaker of chairs, mother of toddler

прилично сум погодила, не бев одушевена со последната епизода и воопшто цела сезона ликовите не изгледаа автентично. Се изгуби квалитетот на сценариото, ама затоа имаше многу добри сцени и музика. На крај секој го доби заслуженото, единствено очекував дека ќе има уште некој plot twist. Got заврши it’s end of an era

 

Спојлер

Осум години... ОСУМ!
Се потсетив на муабет што го правевме со колеги за време на првите сезони од серијава. Колку само теории сме измислувале уште тоа време за тоа кој ќе седне на тронот и како ќе заврши се, па колку ќе биде спектакуларна последната битка за тронот, па како ќе се разрешат сплетките... и на крај еве што се деси. Дизни крај.

Тирион, Џејми, Џон и Серси тотално упропастени ликови на крајов. Отиде во вода се што направија во претходните сезони. Старкс имаа најголем карактерен развој, сите тројца и Брен и Санса и Арја. Двеве станаа посилни, посамоуверени, помоќни. Брен отсекогаш бил само тивок набљудувач во серијава уште како дете од S01E01 кога посматраше од кулата. Многу работи останаа недокажани за него, за 3ER, за поврзаноста со Најт Кинг, за визиите што ги имаше...

Крајот беше до некаде очекуван, се знаеше уште од почеток на серијава дека Старкс се најпоштена куќа на чело со Нед и дека од тука ќе произлезе наследникот на тронот само прашање беше кој ќе биде тоа.

Ме чуди од каде се појавија дотраките во толкав број, па уште и тие неколкумина што први кинисаа во бој за време на битката во Винтерфел.

А за ѕидот искрено, најискрено во крајната сцена кога Џон тргна со Тормунд на север очекував ептен мајндфак кадар кај што некое од тие бебињата што ги земаше Најт Кинг, сега пораснато дете ѕирка од позади некое дрво во шумата, да се затвори серијата со истата сцена како што почна кога девојчето им се појави во шумата на тие од ноќната стража. Чисто заради новата серија што ја спремаат за белите, за да кажат дека можеби не е се завршено како што си мислат во Вестерос. Можеби се почнува од почеток.

Убава серија како и да е, каква - таква мислам дека беше епска и сите ќе ја памтиме за цел живот.

 

МИ ЗЕ РИ ЈА, помизерно е и од тоа што очекував.

 

Е слатка е фотелјата

 

Две години го чекавме ова....мех...

 

Спојлер

Во прв поглед кога почнав да ја гледам серијата добив впечаток дека не знаат кој за кого се бори, не се знае кој е кој и не се знаеше ни текот. Потоа некако се изгуби текот.
Овде прочитав дека авторот престанал да ги пишува книгите и се било оставено на режисерски раце и мисли, а добро знаеме дека режисерските мисли на еден режисер се многу далеку од еден реномиран писател кој издал бетселери.

1. Покољот
Невообичаено за Денерис, што му требаше тоа на режисерот? Се обиде да ја прикаже Денерис во најлошо светло, демек една дама прави покољ во душата. Едно срце и душа стануваат камен кој се крши, а срцекршачот е Џон. Омразена ја направи, а таа имаше цел да го ослободи народот од страдањата. А всушност го прати во смрт и сега наеднаш сите се слободни освен недопрените.

2. Тирион
Очекував смрт на Тирион, кога го фрли обележјето очекував еден Дракарис од Денерис, зашто го чуваше толку долго кога знаеше дека кога тогаш ќе ја предаде, го чуваат за на крај како smart mind на Брен. И сега тој е казнет, цел живот да биде намесник и да ги исправа грешките? Кои грешки? Што веруваше во правда или грешките во кои ги уби својот татко, свршеницата и што го ослободи брат му. Требаше да му се даде земја и еден дворец па да живее без жена цел живот. Наместо тоа, го ставија намесник на Брен. Да не заборавиме дека е и манипулатор. Бараше од Џон да ја убие не со помисла да го спасат светот туку како одмазда за покољ. Глупо и површно.

3. Брен
Брен престана да биде Брен кога стана гавран, а патот до гавран му беше тежок. Нели се бореше за тоа? Не дошол да биде крал, сега наеднаш е крал. Безмислено, прашува за Дрогон и тоа останува неодговорено и вели дека може да го најде.... и ништо не дадоа околу тоа. Глупо.

4. Дрогон
Мислев дека ќе може да го запали Таргеријанецот што ја уби Дени ама не може. Таа може е неговата мајка, но тој е татко. Се сеќавате кога Дрогон го немаше неколку епизоди поназад, и како сега исчезна со Денерис во неповрат. Всушност, јас не добив таков впечаток.
Сепак сцената со запалувањето на проклетиот трон кој многумина ги закопа беше една од најдобрите во цела епизода.

5. Денерис и Џон.
Таа му веруваше, беше спремна на се за него, го сакаше. Малку претераа во преовеличувањето на
тоа дека се во роднинска врска, можеби ако имаше пресврт и не се дознаеше од Санса вистината за Џон би било подобро и двајцата да владеат, па можеби со тек на времето ќе се сменеше мислењето на Дени за ослободување на светот. Но, Џон ја уби кога најмалку очекуваше. И не постигна ништо со тоа, ја уби за да го спаси светот од војна и мислеше дека тој ќе биде крал, а него го протераа и го казнија. Со најстрогата казна, на куќата Старк и е судбина да биде Кралебран.

Всушност јас и мислев дека ќе има кралства и на сите кралства по еден крал, но на чело со една кралица. Да го немаше убивството на Мисандеи ќе беше поразлично се.
Како и да е, оваа епизода не ми остави впечаток.
Но да не заборавам. каде замина Дрогон и зошто неподрените се одлучија за островот Нат? Се тоа остана длабока мистерија.

 

Малце ја подоправија сезонава со последната епизода. Не претерано многу, сепак не можат некои глупости да се средат, ама колку-толку. Не ми беше толку лоша, како претходните 5.

Спојлер: Импрешнс

Бидејќи го мразам начинот на кој загина Серси (а нејзиниот лик доби мала предност од Најт Кинг), не ми се допадна сцената на почетокот каде што Тирион им ги најде телата. Толку лесно ги откопа, телата им лежеа врз купот цигли, покриени со неколку. Подобро да ја завршија сцената со тоа како му ја наоѓа златната рака.

Како се одвиваа работите, се знаеше дека Џон ќе ја убие Дени. Искрено, не очекував на друг начин. Најлогично ми беше вака како што прикажаа. Да не беше она толку вљубена во него и да не беше толку слаба единствено само пред него, немаше да може ни да и' се доближи за да ја убие. А бидејќи тој момент траеше 3 секунди, ја зголемија драмата со Дрогон. Каде ја однесе, може само да претпоставуваме.

Ми се допадна каде заврши Џон. Не ми се свиѓаше тоа што трчаше ко мува без глава во претходните 5 недели, многу му го ослабеа ликот на тој начин. Но, до крај остана жртвеник, херој кој разумно го прави тоа што мора да се направи за доброто на сите. И како и во реалниот живот што многу често се случува, така и тука најправедниот лик навидум доби казна, а според мене слобода. Едноставно таму припаѓа, сезони уназад стана дивјак и сега ја има приликата без заканата од Најт Кинг, да може да си живее слободно.

Ми се допадна и како заврши Тирион. Низ сите сезони уназад, во колку гомна и да бил, секогаш успеал да се извлече. Ништо ново. Не само што се врати таму каде што беше, односно да биде Рака на кралот, туку реално он е најискусниот и политички најподкован лик што остана жив и кој би можел да биде на таа позиција. Патем, сцената на состанокот ми беше одлична. На масата седнаа ликови кои не се растени во политика, не им е дрвено за политики и тактики за водење на држави и одржување на тронот од само раѓање, туку ликови кои беа само борци, војници. Токму затоа и не идеше состанокот подмачкано, барем не од формален аспект. Но, веднаш се фатија за работа и почнаа да работат на своите задачи. Со самото тоа што не седнаа луѓе родени во кралска фамилија, туку луѓе кои се бореле и опстанале и на тој начин го заслужиле нивното присуство, покажаа уште подобро дека повеќе нема да биде исто како што беше.

Само отткако ја изгледав 5тата епизода од последнава сезона почнав да мислам дека можеби Брен ќе заврши на тронот. Има логика. Го знае сето минато, може да учи од туѓите грешки и туѓите успеси и многу паметно да владее. Буквално, знае се' што било и тоа може да го искористи. Исто како и со Џон, така и со Брен не ми се допаѓаше неговото речиси непостоење во претходните 5 епизоди, но крајот има логика. Патем, 3ER значи дека освен што има 2 очи како стандардно битие (и гледа сега што се сличува, метафорички гледа пред себе), има и 3то око преку кое гледа во минатото. Она што најмногу не ми се допаѓа е што не објаснија зошто толку време се буљаа со Најт Кинг пред да го убие Арја.

Ми се допадна и каде заврши Арја. Храбра продолжува напред. Храбро иде во непознати води. Да не требаше да стане домаќинка со Гендри? Не, не. Таман. Бидејќи очигледно никој го нема направено тоа, логично е некој храбар лик како Арја да го истражи остатокот од светот. Не само што ја донаправија fearless, туку и' дадоа предност да открие нешто многу добро и да биде единствена со тоа знаење или поседување.

За крај, не ми се допадна крајот на Санса, иако се наговестуваше сезони уназад, односно отткако се отараси од Ремзи. Ама тоа е зошто не ми се допаѓа нејзиниот лик. Девојче што влезе у милион гомна од сопствена алчност и лигавење, за на крај друг да ја избави (Џон) и да си дојде дома и да глуми кралица. Нема ништо вредно за почит или љубов или барем страв во нејзиниот став за да биде кралица. Буквално, од што нејзиниот лик нема никаква корист, ја зацементираа таму и ете, на крај ја оставија зошто нема кој друг да владее таму уствари.

У принцип, порака дека тркалото секогаш се врти. Старкови на почетокот беа во најужасната ситуација, за на крајот да ги преживеат и Најт Кинг и Серси и Денерис и да завршат на моќни позиции.


Се' на се', една од најдобрите серии што некогаш постоеле. Серија која ја гледам буквално од самиот почеток во април 2011. Серија која иако имаш многу фалинки, има уште повеќе интересни заплети, дијалози, ликови и филозофии. Убава опсесија за да си потрошиш дел од речиси една деценија. Се' што ќе извадат у иднина, ќе го гледам. До сега потврдена е spin off за Најт Кинг, а и уште 2 некои за кои немам дознаено што ќе биде plot-от. Претпоставувам едната ќе биде со млади Нед, Роберт, Лиана, Раегар, Мед Кинг, итн. Можеби третата ќе биде патешествието на Арја.

 

Спојлер

Заврши, ете толку, тажен крај но мислам дека на вистински начин. Жал ми е за Калиси но ако останеше жива ќе направеше пусто се како и досега, а беше толку убедена дека сето тоа е правилно.
Џон постапи правилно според мене, некако цела сезона беше како потрчко и освен "I love you, you're my queen" ништо друго не знаеше да каже, сега се искупи.
Старкс, е за нив плачам, ги чекавме 7 сезони да се најдат едни со други и пак се разделија, секој по својот пат отиде
Брен си знаеше се батето, дојде да си биде крал
И на крај најмногу ми беше жал за Греј Ворм, остана без Калиси и Мисанде, душичка

 

На imbd епизодава има оцена 4.5.
Ако беше барем СОЛИДНА ќе имаше најмалку 8...Ете колку паднала...Од најјака серија, до обично ѓубре.

Немам ништо да искоментирам за епизодава.

Дури сега најдов време да ја гледам, а цел ден бегав од спојлери. Уствари не знам ни зошто бегав. Ништо не можеше веќе да ме изненади пошто серијава одамна е уништена.

Крајот е како што им кажал Мартин. Значи тие што ги читаат книгите од самиот почеток, замислете колку се чувствуваат предадено кога веќе виделе што ќе се случи на толку глуп начин.

Никаква емоција не ми се разбуди, ни солза, ни насмевкa.
Ќе речеш финале Повеќе емоции ми се јавија на реклами за памперс отколку на епизодава.

Веќе се беше очекувано.
Да не беше уништена од порано, сега епизодава ќе изгледаше баш кул, ама...Одамна е пропадната.

Не за џабе сите актери беа разочарани.

Но на крај краева дефинитивно ќе ја паметам серијава. Ќе излажам ако речам дека не ми остави голем впечаток.

Тоа е дечки...Се читаме во поубави серии.