Моите деца се година и девет месеци разлика. Со ќерка ми имавме многу проблеми за да се фати. Сакавме деца со мала разлика, и штом добивме зелено светло за второ дете одма се фрливме на работа. Мислевме дека ќе треба барем 5-6 месеци, не знам од каде ни се напика тоа правило во глава, за на крај јас да останам бремена на првиот роденден на ќерка ми. Не се намачивме баш. Децата се сакаат премногу, никаква љубомора не сме поминале, додека се дома играат заедно нон стоп. Не да не се каам, туку најдобрата одлука на свет ја донесовме. За тешко, не е тешко туку е папсувачка. Но, си вреди.
Mozno e toa.Oti kako sto vikas i vo skolo ne sporeduvaa duri i nastavnicite,oti bevme mala razlika i ne poznavaa.A, ne negiram deka i vospituvanjeto na roditelite vlijae vrz celokupniot rezultat. Koga ke se navratam vo minatoto lesna im zemja na moite,no navagam i greski vo pristapot na majka mi i tatko mi kon nas. Nesakam da gi spomnuvam za loso,zatoa i ke se vozdrzam od ponatamosno pisuvanje.Ke se potrudam da ne se povtori istoto i so moite deca.
Јас со брат ми сум разлика 1 год. и 2 месеци. Како мали се тепавме многу, ама па и многу си игравме заедно. Си бевме сложни, ама како што пораснавме многу осеќам дека сме различни. Јас сум избувлива, тој е смирен. Тој не знае да си го организира времето како што треба, за разлика од мене. Активен е навечер. Со сестра ми сме разлика 8 години и 6 месеци. Нормално е љубомора на почеток, ама сега не можам животот без неа да си го замислам.
Многу е глупава генерализацијата за се и сешто, па така и за ова. Имам пишано на темава но со тек на време сфаќам дека идеална разлика нема. Не разбирам зошто повеќето мислат дека помала разлика е подобра кога еве повеќе членки се изјаснија дека и кај помалите деца се јавува љубомора, а и кај поголемата разлика децата знаат да се сакаат и дружат заедно. И јас и брат ми многу сме си играле заедно, а сме три години и кусур разлика. Многу зависи од карактерот на детето а уште поважно како родителот ќе се постави, како ќе му се зборува на поголемото, и како ќе биде воспитано.
Јас по статии имам прочитано дека идеална разлика било над 4год., во смисла дека постарото дете ќе разбира и нема да чуствува љубомора, ама од свое искуство и од луѓето околу мене најбитно е компатибилност помеѓу карактерите и хармонијата во семејството. Јас и брат ми сме 5 години разлика и како помали воопшто не бевме блиски. Бевме во различна возраст и различни работи не интересираа. Ама првенствено причината беше што имаме многу различен карактер. Сега како стануваме повозрасни сеуште сме такви - различни, ама се менуваат работите, се повеќе си се обраќаме еден на друг за помош и за поддршка оти сепак како и да е family comes first.
Моиве се 2 и пол години разлика. Мислев дека е океј оваа разлика во години. Ама сега се големиот 11, а малиот 7 и пол. Едниот пубертет го фаќа, ова другово па со неговите бубачки. Во фаза се кога ни се тераат ни се водат. Секој со своето.
Не постои ниту идеална разлика во години, ниту идеални години во кои треба да роди жената. Битно е бременоста да е посамувана и децата да ги научите на љубов и почитување мегу себе.
Идеална разлика? Како што дал Господ или со други зборови како сакала судбината! Јас „планирав“ и сакав разликата да биде 3-4 години но проблеми со запослување, приправнички стаж и сл па така се направи 5 години разлика до следното забременување но ништо, не било пишано - го изгубив бебето во шестиот месец во бременоста, после 2 години пак се обидовме и повторно разочарување, ќерката веќе голема, ја разбра нашата мака и веќе не спомена братче или сестриче! Кога наполни 10 години, непланирано сосем случајно останав бремена повторно! Разликата меѓу девојчињата ми е 11,5 години! И тинејџер и бебе има дома! Прекрасно ни е! И јас и големата ќерка уживаме со бебето! Здравје, понатаму незнам колку ќе бидат блиски но секогаш настојувам да им укажам дека нивната врска е посебна, силна и нераскинлива, дека секогаш треба да се сакаат и почитуваат!
Татко ми и чичко ми се толкава разлика, секаде го носел со него, го шетал и се почитувале и сакале.. Само татко ми е помалиот, многу мазено дете... поради тоа малку грешки во животот направил... Мислам тоа треба да се пази во таа голема разлика... Сеуште се почитуваат, јас и сестра ми сме во супер однос со децата на чичко ми
Според мене 18 години. Сериозна сум. Со една нога во лудница сум, ако тргне и вторава... си велам подобро едно со здрава мајка отколку две со болна. Не сум јас за ова.
Моите се 2г и 7м скоро, среќа златни деца мирни ми се погодија, па за 3,4год во план ми е уште едно 25год имам сега, па таму на 30 да си родам уште едно
Добро утро Добар ден. Се мислев каде да го поставам прашањево а од вчера го мислам.. Што мислите, колкава разлика во години меѓу деца е најдобра?
Мене ако ме прашуваш, кога ќе биде мајката најспремна за второ дете Според искуства од страна, гледам дека е многу индивидуално и повеќе зависи од карактерот на детето, отколку од возраста. Гинекологот мој вели од здравствен и психолошки аспект, најдобро е околу 2-3 години разлика да бидат.
