Чисто онака пред некој ден ставив 1 пакет индоми инстант нудли во 1 пакет швајцарска супа на подравка. Ми се чинеше генијално а и вкусно. Повеќе тестенини.
Овој гулаш ми е останат во памет уште од дете, добар ли е ко што беше порано? Не сум купила, а го меркам. На тема тортиљи: 1. Динстам свежи печурки додека да испари водата, ставам павлака и зачини и кога ќе се згусне ја тргам тавата на страна (ако павлаката е по водеста ставам многу малку брашно колку да згусне). Некогаш за шмек ставам исецкано пушено месо, ама и не мора. Зимам тортиља, во средина ставам парченца кашкавал и после од филот со печурки. Виткам како палачинка и ги ставам малку во микро колку да се растопи кашкавалот. 2. Гиро - од вечер маринирам мисиркино месо. Го сецкам на ленти, ставам малку масло, сенф, оригано, сол....стои преку ноќ. Кога ќе се приберам од работа само го ставам да се пропржи на тава, во меѓувреме ставам компири во ер фраер, маж ми сецка зеленчук и секој си го прави гирото по желба, со тортиља нормално
Јас ги правам со тиквица и модар. Пропржувам кромид, морков и месо (можеш замена печурки или па без тоа), после додавам тиквица и модар на коцки, доматно пире, ливчиња магдонос и целер, зачини по желба. Не ставам секогаш ама, ако ставам ориз или просо го оставам да се динста на шпорет. Откако ќе се зготви ги полнам пиперките и после ги печам со минимално вода колку да не загорат од доле, околу 20 мин со фолија и 10 без, да омекнат и да се запечат од горе, може и помалце ако се потенки помали пиперки.
Макарони во тавче ...поклопени Пржиш..кромод не многу лук пиперка и морков...од кога ке се подпржи му истураш томатело..се стоплува томатателото..го тргаш од оган. Паста по избор...претходно малку подварена. Ја ставаш пастата во тавичката ...го истураш сосот....на средна темшература готвиш. Ко ке се готови,му ставаш рендан кашкавал одозгора Се стопува и тоа....вадиш од рерна.. Иии јадеш.
Пилешко месо (или може и друго) се сецка на коцки и му се става сенф и зачини и така да одстои. Настрана се мешаат карфиол, праз и печурки во еден сад заедно и исто им се додаават зачини. Во тавче прво се пропржува пилешкото колку да не е живо и после се додава другово. Кога ќе се пропржи се заедно, се поклопува така да се динста малку. Искрено не знам колку време оти јас од око правам Отприлика пилешкото да е зготвено и карфиолот омекнат. Коа ќе биде убаво зготвено, се додава доматен сос и уште малку се пропржува со сосот па се трга. Може да се јаде или вака или во комбинација со тестенини или ориз.
Ред глупи прашања. Оризот неварен се динста? Мислам, ставаш вода во прженото, оризот, па така се проварува? Пиперките во тава со вода и покриени одозгора со алуминиумска фолија? Многу буквално, ама ако не знам една точка, ми отиде целото јадење.
Мусака со тиквичка Процедурата е иста ко за обична мусака, само место компир, се реди свежа тиквичка. И најбитно, пред да се редат состојките во тавчето, се фрла само пола рака ориз, за да ја упие водата од тиквичките.
Да, не варен, се вари во динстањето. Е сега по некое правило 1:3 е ориз со вода, ако е само ориз, не ставам толку. Ама овде зеленчукот пушта течност, плус патлиџан ако ставиш, отприлика да има течност колку да покрие, не повеќе, ако треба дотурам. 15 мин му треба на оризот да се свари. Е сега пошто оризот е варен, месо ако има е зготвено, зеленчукот исто, печењето е само колку пиперките да се запечат, нема ништо плус што треба да се доготви во рерна. Во тава наполнети пиперките ги ставам (можеш со тиквица или патлиџан да ги затвориш дупките) 1 шоља вода истурам во тенџерето каде што се готвеле да дособерам што останало и таа вода ја истурам врз пиперките, толку 1 шоља, затварам со алуминиумска фолија печам затворени дур омекнат и ги отварам да се запечат.
Рецептов ми го кажа пријател и лесно и брзо се приготвува. Во тавче со зејтин се става ситно сецкан кромид и се попржува, се додава мелено месо( отприлика колку сакате), се остава да се попржи и се додава малку вода, па се поклопува тавчето со капаче. После се додава златна мешавина,зачини,сенф, може и малку павлака да се измеша убаво се и да се добие на боја и вкус. Е сега ако немате златна мешавина можете да исецкате сланина и пармезан да се додаде, зачини и сенф исто по вкус. Јас си додавам и црвен пипер, малку BBQ сос колку да добие вкус. Пробајте мене и двете верзии ми се допаѓаат и се превкусни.
Полнети пиперки исто и сарма посна кога правам на ист начин:пропржувам кромид, додавам рендан морков, печурки сецкани, ориз, зачини. А може и кромид, ориз и сецкани ореви, така е најубаво а посно.
Правам пиле едно цело( за неколку дена ручек имам) Во длабока тава пржам лукче кромидче па ставам хопла и чаша вода и сецкано пилешко и макарони. Посолуваш и јадеш. Следна варијанта вариш компир морков брокула . За сос пропржуваш печурки, кромид и лук откако се ќе се испржи ставаш коцка за супа и вода. Оставаш малце да прокрчка у меѓувреме 1 павлака и 1 лажица брашно( мешаш у посебен тањир) , тргаш на страна и полека мешаш се додека не стане хомогено. Оставаш да прокрчка убаво да биде густо. И ставаш малку пилешко , варен зелечук и сос. Полнети кори од хељда , смесата е 1 јајце урда и маслинки. Корите ги мачкаш со вода масло и ставаш од смесата одлично иде со јогурт. Полнети пиперки со ориз и соини трошки. Пропржуваш лук кромид, рендаш морков пиперка и ставаш соини трошки( предходно пптопени во вода), ставам сол бибер и малце димена пиперка зачин. Полниш пиперките затвараш со компирче редиш и доматно пире и вода потопуваш. Манџа од грашок и мелено месо . Плус правам пире и ставам во тањирот. Плескавици од леќа Варам леќа, рендам кромид, лукче, морков, пиперка 1 јајце и чаша лебни трошки. Формирам топчиња и пржам плус правам пире, или плескавици од тиквици . Море огладнев
@RainBow можеш да пробаш за полнети пиперки ориз и печурки, киноа, зеленчук (тиквичка, пиперка, морков) па затворни со круг компир или домат. Мене пролет и лето ми се омилени поради зеленчукот, па има исецкан зеленчук во тава, зачинет и потпечен. Бамји со пржени или печени пиперки, печурки ми е новата омилена "зелена" комбинација. Ќофтиња од зеленчук - рендана тиквица, морков, брокула, пиперка, јајце и презла за да сврзе. 20/30 мин потпечени во рерна после во комбинација со павлака се фантазија. Манџи сами што се варат за грашок само пропржувам кромид, мелено месо, додавам грашок, зачини и поливам со вода. Еден компир ставам да се вари, пред крај го пасирам за да згусне малце манџата да не биде ретка. Тава ориз со парче пилешко. Додека се пропржува кромидот и оризот, стекот ќе се свари. Во тава "се заборава" 30тина минути. Тестенини или ориз со морски плодови и сос од домати. Тестенини со парче сирење, доматен сос и чешниња лук во рерна да се испече. Немам желба ниту време за готвење, така што темава супер ќе се најде за иде.
Фала ви, утре ќе ги правам пиперките, купив што треба, па ќе пишам за резултатот. Ако не пишам, немало ручек. Ај пиши подетално рецепт.
