Пармиџаната е следна за ручек. Откако и ја спомнав не престанува да прашува кога ќе ја правиме, па кога ќе ја правиме. Инаку ставив доматно пире, ама не нè бендисува, има премногу вкус на кечап некако. Или сме се научиле манџите така, вода само да ги јадеме. Не ми јаде варени јајца, па земам ги ставам во корпички за мафини, истурам внатре јајце, му ставам малку вегетичка и откако ќе се запече кашкавал рендан. Тоа со таратор, предобро е. Плескавичките од тиквица и зеленчук исто предобри, се најдоа на менито. Направив и тортиља, ама не и се допаѓа, и мене ми е некако тешка, што знам.
Е да @RainBow, густината лична преференца си е, а и вкусот. Ма да, во други манџи ставам многу помалку колку да не е само вода и не се ни осеќа. Во црвената леќа оди повеќе зашто неа си ја сакаме баш како густа крем-чорба. Од тортиљите виткам триаголни тостови, внатре полни со моцарела, авокадо на тенки кришки како листови и црвено песто. Со јајце не ми се свиѓа, па или виткам буритце или тост. Мафин јајцето ќе го пробам печено, не јадам варено јајце ни јас.
нешто слично сум правела. Пропржува исто зеленчуци, кромид морков пиперка малку лук потоа додавам грашок и компир (демек манџа со грашок и компир да дојде) зачинувам најчесто само со вагета и сол, сечкан магдонос турам вода и вари. Гулашот го ставам веќе кој крајот на варењето бидејќи нели конзервата е готова храна. Ама еве добра идеа денес да го направам тоа.
Пробав пред некое време мусака со пилешко и печурки. Во тавче се става кромид да се пропржи, па се додаваат пилешко сецкано на коцки и сецкани печурки. Се остава да се динста додека се зготви пилешкото па се додава павлака и вода (зависно колку е густа павлаката и колку сакате густ сосот) и една коцка за супа. Се вари сосот сосе пилешкото на тивко додека се раствори убаво коцката. Јас тука во меѓувреме ставив компири сецкани на кругови да се сварат. Па после како обична мусака. Прво ред компири, па пилешкото со сосот и пак компири и одозгора матено јајце. Кратко се пече да фати коричка од јајцето. Поубаво ми беше од обична мусака со мелено.
Aj neka napise nekoj recept so modar patlidzan pecen vo rerna no bez meso da e receptov.mesyo meso so sto da go pecam.da bide vkusno?
Со ориз и соини трошки, плус додади внатрешноста( пошо нели го длабиш модрите) после додај кашкавалче
Мене ми е убав прво на кругови пропржен млаку па се реди во тавче со кисело млеко и урда или сирење и зачини врз секој ред и најгоре јајце полеваш. И така потпекуваш.
https://instagram.com/healthyfoodbreak?igshid=MzRlODBiNWFlZA== Секогаш кога немам идеја го отварам профилов. Знам дека е на турски но си стегам на See translation. Некако баш ми е по кејф.
Темава е за рецепти повеќе, не за профили и страници. Слободно сподели некој твој омилен рецепт за ручек овде.
Важи, нова сум, се извинувам ! Поховани тиквички ми беа омилени ова лето. Рецепт: Измијте и исечете ги на долги парчиња тиквичките без да ги лупите. Осолете и оставете околу 10 мин. да си го пуштат сопствениот сок. - Измешајте ги пармзанот и лебните трошки, јајцата сматете ги. - Во кеса ставете брашно, исцедените парчиња тиквички ставете ги внатре, протресете да се залепи брашното по нив. - Вадете од кесата од тиквичките, валкајте ги во јајцата, па во сувите состојки - лебните трошки и пармезанот. Редете ги во тавката во која ќе ги печете. - Откако ова сте го направиле со сите тиквички врз нив малку полејте зејтин и ставете на висок степен вклучена веќе рерна да се печат. Готови се кога ќе ја добијат посакуваната румена боја. - Извадете и потоа останува да уживате во нивниот вкус. - Многу вкусни кога во придужба ќе биде и сосот спрема од кисело млеко или павлака, лукче, солца, копар.... милина е, - Во кеса ги ставив за валкање во брашното исто како кога спремам ситни риби, најлесно е така. Исто така обожавам Телешка чорба по често додавам и други работи внатре. 300 гр телешко месо 1 главица кромид 1 чешне лук 2 моркова 2 компира ловоров лист црн пипер сол Начин на подготовка: Во тенџере ставете го телешкото месо да се вари на тивок оган околу час и половина. Во меѓувреме во друг сад пропржете го кромидот, па додадете ги лукот и исечканите компири и моркови и оставете ги да се динстаат со малку вода, исто така на тивок оган. Кога ќе омекнат, изблендирајте ги во блендер заедно со водата во којашто се вареле. Извадете го месото од тенџерето и оставете го малку да се олади за да можете да го иситните. Во водата во која го варевте месото додајте го изблендираниот зеленчук. Откако ќе го иситните месото ставете го во тенџерето со зеленчукот, додадете еден ловоров лист, сол и црн пипер и оставете го да зоврие. Кога ќе зоврие, ставете една китка сечкан магдонос и исклучете ја ринглата. Чорбата сервирајте ја топла. Исто така кога ме мрзи да готвам подолго го правам ова. Салата со макарони туна и зеленчук. Едноставно сварете ги макароните, а краставички и марула исецкајте ги . Додадете ја туната сосе маслото, па мајонез (по избор) . Посолете, зачинете и промешајте. Сервирајте во длабики чинивчиња.
Ги сечам на половина и правам мали засеци со нож во нив и на тоа место ставм чешниња лук. Наросувам сол, бибер и малку маслиново. Ги печам така во рерна и кога се скоро готови ги вадам и врз нив ставам томатело, па во зависност што имам дома ставам некогаш сирење, некогаш урда или кашкавал и на крај сецкан магдонос.Ги враќам назад во рерна уште 5,6 минути да се запечат и тоа е тоа. Многу се вкусни и не се воопшто тешки.
Полнети тиквици со печурки (длабиш, пропржуваш од печурките со смесата од тиквици, томатело малку, полниш и потпекуваш), леќа манџа, кинески микс некој со соја, ориз со зеленчук микс…
денес ќе се кади ориз со спанаќ и јајце во вода ставам ориз-ќисне дробам кромид , рендам морков -запржувам додавам спанаќ,сол,црн пипер,ваѓета - запржувам додавам ориз -запржувам ставам во плех ма 200-220° при крај кога е капам јајца и чекам да се испечат. Јадеме со кисело млеко
За денес имав стек запржен додадов габи запржив зденки се стопија кисело млекце оригано ваѓета сол црн пипер ставив во тепсија врз тоа кашкавал се запече ммм
