@theowndemon, само сакав еден совет да ти дадам да не јадеш соја и производи од соја. Избегнувај и млечни производи колку можеш. Друго не ти мрчам, гледам многу убаво и здраво се храниш.
Јас ги земам често како замена за пилешко. Значи или во грашок манџа или во тава ориз. Се што би правела всушност со пилешко правам со нив. Немам некој посебен рецепт
Јас си имам една листа со 50 60 јадења и линкови од рецепти и така кога немам идеја си ја отварам си барам, и си ги менувам, пример место ориз, кус кус. Ова е најчесто што правам кога немам идеја Крем супа Буквално од секаков зеленчук што ми се наоѓа. Прво кромид да се пропржи, па зеленчукот, па два компира. Му ставам коцка супа и малку бело вино. Дури се вари сецкам леб на коцки го зачинувам и го ставам во ер фраерот да излезат кубети. Ја блендирам сварената супа и додавам од кубетите, лимон и маало од тиква. Вакви супи имам правено од брокули, грашок, ротквци, тиква.
Печурките можеш во сос. Ставаш да се пропржи кромид, додаваш печурки, кога ќе омекнат, ставаш павлака или крем за готвење. Јас знам да додадам и пилешка коцка за супа место зачини и така го вариш сосот уште 10-15 минути и после го ставаш на тестенини.
Јас денес правев полнети печени компири. Ги исеков на пола и ги ставив да се варат. Ги оставив да омекнат, ама да не се раскашават. Ги тргнав да се ладат, за тоа време пропржив кромид, лукче, пиперка, додадов телешко мелено месо. Откако се оладија компирите им ја извадив средината, ја ставив во посебен сад, додадов павлака и сол, промешав, на тоа го додадов месото со зеленчуците и све добро се спои. Ги ставив компирите издлабени на хартија за печење, ги наполнив со смесата и ги ставив да се печат. Попрскав после одозгора со малку пармезан. Превкусни испаднаа.
Вок нудли правев денес. Нудли со јајца, морков, зелена пиперка бабура, виолетов кромид, ананас, сосот го направив помешано соја сос со масло од сусам, малку лимон, малку вода. Прво нудлите ги ставив во зовриена вода неколку минути да омекнат само, потоа зеленчукот во тава со малку масло, прво кромидот минута, па морковот, пиперките на крај, после се додаваат нудлите, сосот и ананасот, све се промешкува неколку минути. Може и со пилешко, нешто морско, како сакате. Битно превкусно испадна и дефинитивно влегува во менито.
Кај мене денес посно леќа со спанаќ. Нема некој посебен рецепт. Јас вака правев 1 кромид 2 парченца лук 1 морков Една чаша леќа Еден благ компир Два грста спанаќ Доматно пире 2 лажици (моево е ептен густо ко паста) Сол, вегета црн бибер, црвен пипер Се запржуваат зеленчуците на масло (прво кромидот, па лукот на крајот спанаќот и морковот), после се додава леќата која предходно одстоела неколку часа во вода. Се додаваат 3 чаши вода (иста чаша за мерка ко леќата) се додаваат сите зачини и се вари околу 45 минути.
Исто како обичниот грав го правам ,само што од конзерва го провривам 10 мин. и зависно од желбата дали е манџа или тавче.За пола саат готов ручек имам.
Пропржуваш кромидче, и колбаси ако сакаш, го ставаш гравчето, го вариш неколку минути , му додаваш зачини, ако е многу водено јас и запршка му додавам, и готово. @Bubiška , како го праиш тавче?
Исто како обичниот грав,во тавката прпржувам кромид,додавам скроз малку брашно и црвен пипер како за запршка ,гравот малку вода ,зачини и во рерна.
