мојата покојна лепотица, имаше учествувано само на 1 изложба и го доби второто место во нејзината класа. Имаше и роковник, и пасош и се но едноставно јас не сакав да ја шетам по изложби не ми беше земено кучето за да ја изложувам, тука да биде дел од семејството. За жал некои идиоти и пресудија пред време и ја отруја.
Хмм.. Незнам, Доберман, но не е секогаш така како што велиш: `факт е дека кога ќе го платиш кучето, ќе се подразмислиш малку дали да го оставиш на улица, барем за парите што си ги дал ќе ти биде криво.` Зошто, татко на моја другарка, имаше Германска Дога, му здодеа, и го подари кучето (а, како што ми кажуваше другарка ми кучето било 300-400 евра ), по тоа како завршило кучето Господ и газдата знаат
Хм, дали твојот миленик ќе влегува во приплод? Доколку да, тоа не е миленик, како 99% од македонските "миленици", кои сепак се парат. Кучето на изложба не го тераат да се тркала и да покажува трикови, во голема грешка си. На многумина не им е јасно што се изложбите. Доколку сите кучиња одат во приплод, најмногу ќе се потпомогне за да има повеќе кучиња на улиците, што и се случува, кај нас. Изложбите се вид селекција, одредување кое куче треба да оди во приплод а кое не. Се што треба е кучето да има педигре, да се пријави. Кучето се учи на ринг дресура, која патем може да биде и забавна. Тоа не се трикови, туку гледање заби без покажување отпор (доколку е мажјак и тестиси), трчање круг или напред-назад еднаш до два пати, стоење во став. Се што треба да имаш плус е изложбен поводник и пристојност (да не одиш со 'рѓосани синџири и исфлекани тренерки како повеќето). Не може да се каже дека е бизнис. По мене вистинскиот одгледувач своите кучиња ги храни правилно, им овозможува доволна физичка активност, убаво сместување и љубов. Ги тестира на болести на кои е склона таа раса, ги носи на изложби и ги пари со проверени и квалитетни примероци. А, да, и според мене, вистинскиот одгледувач не ги продава своите кучиња откако ќе завршат со приплодната и изложбената кариера. Тука зборам за вистинските, тие другите ги сметам за фармери. Кој ти е тој познаник што има куче Европски шампион, ако не е тајна? Јас познавам само еден или двајца такви, и баш е одлично доколку се познаваш со нив, бидејќи спаѓаат во вистинските одгледувачи, а не фармери. Од мене "ЗА". Освен селекцијата, оценките и работите кои ги набројав, изложбите се добро место за учење и нови пријателства.
Изложбите на кучиња не се некој бизнис што ти си земаш пари од него. Поточно, да, заштедуваш со тоа што ти даваат кучешка храна како награда, а, вие сигурно нема да си ја чувате храната за вас. Само што, кинолошкиот сојуз ги расипа кучињата како што спомнав во темата „Што направија кинолошките натпревари!“. Сега тие раси на кучиња имаат повеќе неизлечиви генетски проблеми поради измените што им се случија.
Против. Животните не се предмети, туку живи суштества кои треба да живеат достоинствено според својот вид и раса а не според замислата и поради гордоста на луѓето. Лично сум против избор и на мис и мистер универзум и сл. но разликата е што кај последниве, луѓето доброволно се вклучуваат во такви глупости и имаат некаква лична корист можеби, што не е случај со животните.
Оценети кучиња носени на изложби можат да бидат поизолирани од генетските болести. Лабрадорот, може да добие искривување на колкот, или како што викаат дисплазија на колк. За тоа е потребно снимање, а за снимање треба педигре и оценка на родителите. Изложбите не се за да се фалиме со кучињата, туки и за нивно здравје. Исто така, со награадата вообичаено оди и Ројал канин храна и е помал трошокот на сопственикот, а поголем добиток на лучето, што е корисно за него.
Ние со дечко ми секоја година одиме на изложбите што ги организира нашиот Кинолошки сојуз. Баш денес се организираше изложбата во Кисела Вода. Мене ми е интересно, јас обожавам кучиња и сакам чисто да прошетам и да видам различни раси. Има учесници не само од Македонија, туку доаѓаат и од Србија и Грција. Има многу убави кучиња, одлично чувани и издресирани, да ти е мерак да ги гледаш. Ете, јас на пример не чувам расно куче, ама па не сум против вакви изложби. Јас ги гледам како прилика да видам различни раси и да споредам различни претставници од иста раса, кои инаку можеби не би ги сретнала. Единствено жал ми паѓа за ши тцу кутрињата, многу ги чешлаат и малтретираат Штета што дечко ми не сака да го пријави неговото, а има прекрасен мажјак хаска. Огромен е и има многу убав став, без никој да му ги подместува задните нозе.
Денес бев со Беки на ЦАЦИБ изложба, супер си поминавме, ги изнагушкав коргијата (имаше 2 пемброук и 2 кардиган) и го изнагалив Шиба инуто. Беки во меѓувреме си бендиса еден кокер. А да напоменам, премногу Шарпланинци имаше. Со Беки во публика бевме, не ја носам неа на изложби, не е она за шампион (не дека не е одличен примерок, ама не е дисциплинирана како за на изложба.. Едино што касот и' е добар).
Здраво. Сакам да прашам ако некој од вас знае бидејќи имам само слушнато дека може да се добие оценка и без да се оди на изложба? Искрено ние не сме за на изложба не слуша ич команди ама сакам да има барем една оценка за да може кога ќе го парам да имаат неговите деца педигре. Ви благодаран однапред. Поздрав
Како мислиш команди? Кучето треба да стои мирно за минутка две и да трча во ринг. Можеш и да задолжиш професионален хендлер да го изложува.
