@worrieddd и за мене е неприфатливо да ги поставуваме светците пред Бога. И не можам да кажам дека тоа не се случува во пракса кај одредени верници, но тоа не значи дека е исправно, напротив неисправно е. Светците без Бога се ништо. Како што и Месечината и планетите кои на вечер ги гледаме како светли тела се ништо без Сонцето кое ги осветлува, така и светците, па дури и Мајка Богородица се ништо без Христа Бога. Но, како што и планетите и Месечината примаат светлина од Сонцето и ја предаваат на земјата, така и светците на луѓето им даваат дел од светлината Божја. Да не се лажеме, доколку не беше Христос света Петка немаше да биде светица. Светецот нема автономија да помага без дозвола од Христа Бога, но може да Го измоли Бога, и тука е помошта. Доколку човечкиот живот завршуваше со смртта, тогаш кому Христос проповедаше во темницата (адот)? Видете за тоа во посланијата на светиот апостол Петар. Како му се јави свети пророк Самуил на Саула и му предвиде дека ќе загине во борбата? Како богатиот го молеше светиот патријарх Авраам да го прати сиромашниот Лазар кај живите браќа за да им каже какви маки ќе ги чекаат ако продолжат да живеат како него?
Некои одговори зависат од тоа кого прашуваш Во случајов, ако ги прашаш тие од црквата - секако дека ќе ти речат дека се осветени. Ако ги прашаш другите, ќе ти речат дека тоа е обична уметничка слика како и секоја друга слика. Дозволи ми од сигурни извори да ти кажам како се врши „осветувањето“ на иконите. Се земаат иконите, се ставаат во подрумскиот дел од црквата да „отстојат“ 40 дена и луѓето веруваат дека на тој начин тие се „осветуваат“. Човек што има барем просечна интелигенција, знае дека тие икони се исти како и иконите што не стоеле 40 дена во црква - обични уметнички творби во византиски стил. Вторo, во повеќе од 85% примероци од т.н “осветената вода” од црквите, пронајдени се инфективни фекални бактерии (Escherichia Coli,Enterococcus, Campylobacter) во број далеку поголем од дозволениот за исправна санитарна вода. Да,таа вода со која попот не прска по облеката, главата, лицето, таа иста вода која луѓето ја купуваат или земаат од црква мислејќи дека има некои „магични“ својства. Епа магијата всушност се горните фекални бактерии Еве ти линк од студијата: https://abcnews.go.com/Health/study-holy-water-harmful-health/story?id=20257722 Совет: Не верувај во „осветени предмети“. Такво нешто нема во Светото Писмо (Библијата). Верувај во Бог, Тој е свет, а и ти можеш да се осветуваш доколку го читаш Светото Писмо, го водиш својот живот согласно учењето на Исус и редовно се молиш.
Нема каде нема бактерии друже, кај се фати баш за тоа, туку тебе православието те чешка. Иначе земи ти освети вода ти дома и види што ќе се случи после некој ден. Ќе смрди како канализација, што не е случај со осветена вода од свештеник. Испробано иначе..
@worrieddd Сакам на дечко ми да му купам за св. Никола икона со светецот, ама никогаш претходно не сум купувала и затоа прашав тука што и како со иконите. Не сум многу запознаена со тоа што значи всушност "осветувањето" - мислев дека иконите во црквите сите се осветени со вода.
За мене не значи ништо, бидејќи јас не верувам во осветување на икони и воопшто во икони, немам ни потреба да ги имам. Јас во Бог верувам. Светците биле обични луѓе како нас. Ама не можам да те посоветувам , ако мислиш дека треба купи ја, тоа за мене не е свето нешто туку обична слика.
Не се согласувам со мислењето на @EvAngelos Демек иконите се чуваат по подруми и се нечисти и обични??? Не,не...се што е во Црквата внатре,во двор,па и во подрум нека е,се е свето... Голем дел од иконите за продажба скоро во секоја Црква или Манастир се изложени во самиот ходник пред да влезеш во самата Црква или пак во убави и заградени простории,надвор во дворт,не во подрум. А со самото тоа се свети,кога се одржува служба знаеме дека Светиот Дух се спушта во Црквата и во се околу неа
И после ова твое мислење, што да кажам за крштевањето на мали деца...значи со фекалии ги полеваат!? Ја претера работата сега!!!
1. Зошто јас ја претерав? Јас не ја правев студијата, туку само приложив линк од неа: https://abcnews.go.com/Health/study-holy-water-harmful-health/story?id=20257722 2. Сигурна си дека децата ги крштеваат во „осветена“ вода? Искрено се надевам дека не.
Прекрасен подарок. Ако сакаш може да го замолиш свештеникот да направи чин на осветување, иако не мора. Како сакаш ти. Нека е на помош свети Никола.
Касно одговарам, ама да си кажам Некои икони се осветени, а некои не се. И јас купував икона за блиска личност и попот ми кажа дека не е осветена , ја оставив иконата за време на служба во црква и ми ја осветија . Ако прашаш , ќе ти кажат.
А што значи за вас осветено и со што библискиможе да го поткрепите вашето тврдење за иконите и нивната светост?
Библиски не можам да ја потврдам светоста точно е, ама тоа не значи дека не постои...аман, по кој пат не знам се објаснувам дека за нас православните неспорна е целата Библија, но дека веруваме и почитуваме голем број на работи кои не ги пишува во истата, и не дека така ни текнало ами дека тоа го кажуваат Светите Отци на црквата преку разни посланија и преданија. Значи ништо не е погрешно, 2000 години вакви се темелите на православието, знаеме дека Библијата е пишувана пред 2000 години и просто не било можно да биде вметнато се она што се практикува денес, така да тоа е тоа..... А кога сме кај осветеното за се што е во црква, на секоја служба или литургија, Светиот Дух слегува на се она што е во и на Светиот Храм, така учи православито, и јас одбирам да верувам во тоа, поздрав!
И јас имам размислувано за иконите ,и ми е некако чудно да ги поврзам со Бог.Инаку,зошто има пишано во библијата дека , цитирам,му служеа на создаденото наместо на создателот?Нарекувајќи се разумни станаа безумни.Иконата е нешто создадено па ме асоцира и на неа ова.Бог сака да му се поклонуваме во дух и во вистина
Тоа е многу различно и многу важно. Дали веруваш на православието или веруваш на Светот Писмо, на Светите отци или на Светот Писмо? Кој има поголем и неоспорен авторитет? "Но ако и ние, или ангел од небото, ви проповеда друго евангелие, различно од она што ви го проповедавме, да биде проклет!" -Галатите 1.8
Да, баш така пишува и на повеќе места и многу е јасно. Јас друг авторитет поголем од Светото Писмо кое е од Бог дадено неможам да прифатам.
Времето ќе покаже што и како, на крајот сите ќе си имаме суд и казна според тоа.... Верувам со цело срце во Бог, иако сум грешна до срж, ама ко што кажав и покрај основите на Библијата и Божјиот збор, покрај Светците во православието се внесувани многу други основи кои се практикуваат илјадници години...
