Ања, Олга, Мина , Елена, Марија, Каја, Јана Софија е секое второ женско дете овој период во моето окружување
Од предложениве, Маја е многу убаво име. Подзаборавено, ама убаво. Би ти ги предложила Ана (класика, никогаш не излегува од мода) Ева и Марта.
Мене Софија ми е безвременско, секогаш ми е модерно а и преубаво. Маја ми е некако заборавено, и ме потсеќа на 80тите генерации. Теа ми е баш сега овој период модерно. Јас би Софија или Теа. Ако решам второ и пак е девојче, Софија ми е во потесниот избор.
Од предложениве ми се свиѓа Теа е сега христијанско е и Дора ама не е православно во Грција мн го користат. Некако овие месеци мн другарки ми се породија и ставија се кратки именца, Ана, Ена, Лена, Леона
Лена, Елени, (Ника, Кира и Миа ми се убави ама секое второ е со тие имиња, барем во моја околина), Бисера ми е преубаво, Роса, Дена скратено од Деница; ми се во тесен избор ако имам некогаш девојче, здравје; Нина, Ина, Ена, Дина. Сирма старо македонско име, мене ми е преубаво.
Не е кратко, ама Дениција. Сретнав девојче со имево и одма Петре М. Андреевски со Дениција ми дојде пред очи. Моќ, љубов, нежност, сила. Се собрано во името на едно девојче. Си викам зошто не ми текна на имево за малово, ама па добро неа сестра и и избра име и баш и прилега.
Тука ќе ви пишам пошто нај активни сте. Другарка е 7ми месец трудна. Машко. Цела бременост и помина во нервози зашто свекорот напиња детето да биде крстено по него. Разговаравме многу пати, и во повеќе наврати и кажав дека треба да си одлучат тие со маж и. Е сега проблемот е тоа што и маж и сака да се вика бебето како татко му. Јас веќе не знам што повеќе да ја советувам, ѕвони, се нервира, не сака да се кара со свекор и, и некако има страв да му се спротистави. Тука и не е крив свекорот, али ајде.
Наместо да се радуваат за внучето они за името напнале, толку проста работа. Другарка беше во буквално истата ситуација, не прифаќаа ни друго име на истата прва буква. По многу нервози попушти и го крстија по свекорот. Иако е во океј односи сега уште има омраза спрема начинот на кој се понашаа. Ај ќе речеш како и да се вика нека е живо и здраво, ама мајката е таа што го раѓа, го гледа, се жртвува, па уште стрес за името. Мажот е крив во ситуацијата, како сега му е сеедно што гледа жената негова како се нервира во најранливиот период. Срам да им е. Иначе ако не е толку старовремско името нека попушти друго не знам, не верувам на крај да излезе со такви луѓе или нека направат компромис по првата буква…
Старовремско име или најмодерно на свет, зошто да попушта жената ако не сака? Немам намера да долевам масло на огнот, ама јас овие наметнувања ги доживувам многу навредливо кон жената. И тоа како е крив и свекорот што подбуцнува, а за сопругот немам збор кога не сака да ја слушне жената. Јас би била во состојба да се разведам ама нема да им го направам меракот ако и мене не ми се допаѓа името и немам симпатии кон него. Познавам семејства со пресмешни старски имиња ставени на дечиња само да се истера таа патријархална традиција. Ужас, остави ги младите да му се радуваат на животот бе...ц.ц.ц...
Леле какви се приказни има.. Јас познавам една мајка која само што дозна дека е бремена свекорот им кажа дека ако е машко ќе го носи неговото име, ако не нема да разговара со нив повеќе.. И што се случи, новиот татко рекол океј супер, еве не мора да чекаме да се роди уште од сега не мора повеќе да комуницираме.. Ама тука треба да настапи сопругот кој треба да си ја заштити бремената сопруга и своето неродено дете како пријателов.
Колку вакви приказни имам чуено. Дури има ситуации каде што се подмитува синчето. Ќе ти оставиме куќа и стан ако внучето се вика како свекорот. Не знам искрено што е со стариве. Тие кога биле млади си го направиле нивниот избор, остави ги сега младите тие да си го живеат животот како што сакаат. Бидејќи здравјето, почитта и взаемното разбирање се многу побитни од тоа како ќе се вика внучето.
Факт е дека родителите се тие што треба да го изберат името, без никакви притисоци од ничија страна. Сепак, мене лично не ми се допаѓаат новите, ултра модерни имиња па кога ќе слушнам какви се нови имиња има си мислам подобро името на свекорот и свекрвата него тоа. Јас сум такво дете што го добило името што го избрал свекорот по неговата мајка и иако ми е жал што мајка ми немала право ни каже што сака (ниту пак ја прашале ) не би си сменила името. Јас си сакам стари, традиционални, баш да звучи на име, а не некоја кратенка од нешто. Женски: Васка ( Василија), Кира (Кирјана), Мира, Љиљана, Рајна, Сирма, Ленка, Елена. Машки: Виктор, Петар, Милан.
А може да се изведе некоја верзија од името, да е помодерна а сепак слична? Веќе кога е отидена работава натака бар така да си истера некоја нејзина желба. Или две имиња да му дадат на детето, името на дедото како средно име.
