Кога ги хранат со кашичка, им даваат на едно по едно? Како се снаоѓаат со многу бебиња, секоја им чест.
Мајки, кравјо млеко немам дадено на бебе. Дали да му дадам деновиве пред да почне во градинка? Моево бебе не јаде кашички, туку само парчиња. И тоа сам јаде. Дали им даваат парчиња или сепак кашички на сите?
јас на големата и дадов пред да почне во градинка, во кашичка, сега на малово исто и она ќе почне сега од наредна недела. иначе мојата исто јадеше парчиња, таму сите јадат каша и пасирано, дома праи си ти како шо си праиш , мојата дома јадеше парчиња, малово јаде комбинирано, јаде и парчиња и каши
И мојата не јадела каши, ама во градинка немаше избор и јадеше. Во јасли само каши даваат. Дај да видиш реакција млеко. Им прават каши со кравјо млеко.
Здраво , следна недела малата почнува со адаптација во 13ноември објект Парк во Дебар масло градинката. Дали имате искуства? колку се бебиња во група дали сте задоволни , како иде со спиење јадење и слично. Се ќе се распрашам но сепак сакав да слушнам мислења. дали јасли се посебна група од 9-12месеци или ? Фала ви
Јас бев да ги земам документите, има согласност за сликање, уплатница, пријава пак да се потполнува со понов датум треба, од вакцинален пункт треба да земеш доказ за примени вакцини, потврда од матичен доктор дека детето е здраво и договор, едниот за тебе, а другиот за нив го потпишуваш таму.
Дали се прави интервју при влез, во смисла да им објасниш за тертипите, табиетот на бебето, likes/dislikes, навики од дома за заспивање, итн, или јок?
Во градинка со сите деца е исти принцип. Може една недела да одат по тертип на бебе/дете, ама во принцип со сите е исто.
И ние почнуваме ама од Октомври.. почнете па сподели искуства.. од тоа последен пат што бевме ништо не ни кажаа, вика мајка тебе не ти е прво многу си загрижена.. загрижена не сум, ама се грижам да.. голема разлика
Здраво мајки, моето малечко (има 11 месеци) тргна во јасли пред три дена. Адаптацијата ми изгледа доста чудна, па сакав да прашам дали е нормално она што се случува. Три дена го носам по еден саат, првиот ден кога го зеде негователката детето не плачеше, беше љубопитно, разгледуваше наоколу. Но кога се вратив липаше од плачење и беше црвен во очите (имаше цуцла во устата за да го смират). Ми рекоа дека цело време плачел. Вториот ден почна да плаче уште на предавање, исто еден час беше таму и кога го земав ми рекоа дека имало моменти кога се смирувал, па потоа пак си продолжувал да плаче. Инаку, ми го враќаат со цуцла, најверојатно уште на сам старт му ја стават. Третиот ден истата песна. Ги прашав на кој начин пробуваат да го смират, им кажав дека дете сака да се движи, сака да е на под, сака да лазе, да се исправа. И добив одговор дека не смееле на под да го оставаат бидејќи можел да се повреди, (значи цел час е во креветче???), хм. Инаку оди во државна градинка во Штип, во група од 6 дечиња. А две жени ги чуваат. Како две жени да не можат да постигнат со 6 дечиња од кои 3 им се веќе адаптирани, а 3 нови??? Кога кажав дека дома не го имам ставано во дубалка, негователката ме гледаше дискутабилно, како прва мајка да сум што се придржува на советите од ортопедите. Доколку цело време е во креветче, дете нема да се адаптира ниту за 3 месеци. Како да постапам?
Ќе им кажеш дека немаш време за адаптација. Во креветче знам дека им е пракса непроодени деца да чуваат бар така прават во некои градинки..
Ние сме таму веќе 9 месеци, мојот е година ипол. Адаптацијата одеше првата недела по саат-два, втората по четири па се разболе. Две недели дома и пак од почеток. Ама после еден месец им реков дека се враќам на работа и немам кој да го чува, дека ќе остане цел ден, и си остана ништо не пререкоа. Кај него во група се мислам дека околу 30 деца официјално. Обично секогаш е најаден и наспан, не ми се јавувале за ништо освен кога се разболувал, една пд учителките беше многу достапна на вибер па со неа си пишував ако ми требаше нешто… се на се океј искуство сега ги сменија учителките месецов во нова група е, ќе видиме како ќе му биде. Инаку од 9 месеци па до сега си беше со едни исти учителки
Мајки здраво, бебе почна денес прв ден во градинка, половина час. Влезе насмеан, излезе црвен во очите бидејќи цело време плачел. Учителката рече дека сите нови бебиња денес плачеле и тоа било нормално. Не ми е јасно..... може да ме утешите? До кога ќе трае плачењево? Кога обично се привикнуваат да седат без плачење? Како ги чуваат таму?
Зависи од бебето кога ќе прекине да плаче претпоставувам. И ние бевме денес прв ден, плачел нормално, сите што беа на адаптација плачеа, црвени и мрсулави излегуваа. Ги чуваат во креветчиња претежно..
