Дали може да се запише детето во друга општина, а живеалиштето да е во друга? И на кој начин, врски или? Или па да се запише прво на едно место, после може да се премести? @LadyR ние сме во слична ситуација. Поблиску ми е градинка во Карпош ама зградава е под Ѓорче :/ Ја запишавме во Ѓорче кај мирче, каде ја запишавте вие?
Можеш со врски само јаки да запишеш во друга општина, инаку за трансфер од една во друга се почнува процес од почеток, на листа на чекање
Не можеш во Карпош да ја запишеш ако сте по ЛК во Ѓорче. Јас лично сум од Карпош ама другарка е од Ѓорче сакаше да го запише во Карпош, со врски на највисоко ниво, не успеавме да го запише. Инат е Стефчо, треба нешто од корист да си му, за да попушти.
5 деца од Ѓорче ги знам, што се во вашата градинка. Со адреси во Ѓорче, ама со ,,мито” запишани се. Две ги знам и после градинка, што се во школо веќе, исто во Карпош.
Страшно, не сум била во овие работи запознаена.. пред да се роди џивџанов јас муабет за деца избегнував си викав ќе си мачам ум кога ќе дојде време. А сум слушала муабети незнаев дека треба врски за градинки... ама еве имам кума и кумашинка 40 год во градинка работеа двете, ова е заради пренаселување на Скопје, порано не било проблем толку за градинки како сега. А и многу родители знам во близина што фаќаат место и може буквално цела година да не пуштат дете значи дојде следна година уписи, незнам и тоа колку е фер да не навлагаме. Ќе се бара чаре некое.
Ама изгледа зависи од општина до општина и веројатно бројот на деца. Ние во центар двете деца без никаков проблем без врски ги примија во градинка во Корчагин.
Колку млади со мали деца има што живеат во Центар, а колку во Карпош, Аеродром, Ѓорче? И во една од центарските градинки, јасли е 15 деца, во Хром се 34.
Ама затоа реков зависи од општина до општина, само споделив искуство. Корчагин јасли не знам колку ќе се точно ама се над 20 мислам.
Ја читам темава и просто не можам и не можам да поверувам. Прво, да не се разбереме погрешно. Немам апсолутно ништо против врски. Ама ... Како бе мајки ?! Врски да се фаќа за детето да ви го запишат во градинка?! И добро , што ви велат кога ќе одите да го запишете?! Нема место ви кажуваат? Ви нудат ли барем друга градинка, некое решение ви понудуваат ли ?! Озбилно не ми е верно што читам дека има родители кои не можат детето да си го запишат во градинка. Па и дебели врски требало. И што испаѓа ова?! Нема место регулар, ама ако фатиш врски ќе најдат. И како го наоѓаат тоа место ?! Ставаат појќе деца во групата од што е регуларно , или како?! Пак да повторам, воопшто не ве осудувам вие што фаќате врски. Сигурно и јас ќе сум барала такво решение. Ама нели е жално бре да не можеш дете да запишеш у градинка. Ми се плаче, сериозно ми се плаче
Да жално е ама нема избор, борба за опстанок буквално. Еве јас со врски ја запишав од денес за утре и веќе знам дека е примена. За сметка на мојата и на такви како мене ете биби е одбиена ама.. Што да правам, нема кој да ми ја чува треба отказ да си дадам. Никој не ми кажа нема место, знаев дека ми требаат врски се јавивме и толку беше.
Во Аеродром, Ѓорче и Кисела Вода баш така ти викаат, нема место, 100 деца на листа на чекање, барај си врски. И рачунај секој преку некого се знае и кој ја фати појаката врска, тоа дете го примаат. И да, ги полнат групите повеќе од дозволеното, затоа во јасли во Аеродром се 30 деца, а во Карпош се 15.
Во градинка кај нас хром 200 деца чекале на список и во ѓорче општо све е полно и мн чекаат. Од ѓорче идат во хром, од хром во карпош. Може да се запише дете во др оштина ако двајцата родители работат пример во центар или карпош. Катастрофа е жива. Сестрами и за аеродром врски фаќаше. Се реновираат некои па хаос нема све се напикани во една. Мора да се фаќаат врски затоа што приватните се мн скапи, жена да најдеш исто... а нема кој да чува дете.
А од тие 100 што се на листа на чекање ако некој родител е согласен детето да му оди во Карпош, а они се од Аеродром , ќе им дозволат ли ( без врски ) ?
