Книгава ја зедов ко на шала. Во библиотека немаше ниедна од тие јас што ги барав, и се изнервирав ја видов оваа, и ја зедов. Насловот ми изгледаше примамвило. Другарките мислеа дека се шегувам кога видоја која книга сум ја зела. Но, книгава е полна со изненадувања, јас не ни очекував дека ќе биде толку интересна. Додека ја читате книгата ќе се запрашате дали некогаш би сакале да откриете тајна која никогаш не требала да биде откриена, дали би сакале да прочитате писмо кое никогаш не требало да биде прочитано и дали би знаеле да се соочите со последиците од тоа? Спојлер Ноел, Тара и Емерсон веќе долги години се најдобри пријателки и ги делат сите свои тајни, барем веруваа дека е така. Тара е прекрасна жена која го изгубила својот сопруг Сем и останала да живее со својата ќерка Грејс, која за неа е целосен странец со кој само го дели својот дом. Емерсон има совршен живот - го има својот сопруг Тед и својата ќерка Џени. Ноел нема свое семејство, освен мајка ѝ, која е сместена во старечки дом и која всушност и не е нејзината биолошка мајка. Таа е акушерка, но веќе неколку години не се занимава со својата професија. Тајните од минатото започнуваат да се откриваат со ненадејното самоубиство на Ноел. Помеѓу нејзините работи Емерсон пронаоѓа едно недовршено писмо адресирано до Ана, во кое Ноел признава дека при едно пораѓање во несреќен случај убила бебе и од болницата во која била Ана го земала нејзиното штотуку родено бебе, но притоа ја известува дека нејзината ќерка е во добро семејство и добро се грижат за неа. Тара и Емерсон се згрозени од суровата вистина за нивната пријателка која мислеле дека добро ја познаваат. Тука во приказната се појавува и Ана која долги години тагува по своето исчезнато бебе, а нејзината втора ќерка Хејли се бори за својот живот. Кое е всушност исчезнатото бебе на Ана? Тајните од минатото се откриваат, но за да ги дознаете ќе морате да го прочитате ова преубаво дело кое мене многу ми се допадна и верувам дека нема да ве остави рамнодушни.
Кога беше попустот од матица ептен се запнав како пијана да ја купам и наеднаш се премислив... сакав повеќе впечатоци да прочитам и ништо од тоа...ја баталив некако
Ја прочитав ова лето. Ми ја препорачаа. Не очекував дека би ме заинтересирала на почетокот, но ова е нешто феноменално. Ме воодушеви.
Прво ја прочитав Загубената ќерка од истата авторка и потоа барав друга од неа.. летото на одмор ја најдов на попуст, ја купив веднаш почнав да ја читам.. Предобра книга! Мистерии, неизвесност.. повеќе ми се допадна оваа од првата.. штета што само овие две се преведени
Дали ја има некој оваа книга во електронска форма на македонски или српски? Ако ја имате ве молам пратете ми ја во лп. Поздрав!
Баба ми ја читаше и памтам ми рече кога ќе потпорасниш да ја прочитав.Влевам во библиотека и онака викам дајде ми нешто интересно и ми ја дадоа...Тие 400тини страници во еден здив отидоа.Колку пресврти,навистина интересна книга