Да, ти велам пошто гледам дека немаш појма, ставај самјлиња и сарказазм колку сакаш. Ајде да најдам и ќе поставам.
Вака како си напишал делува како вистина со која би се согласила во делот каде пронаоѓаш духовна позадина за сите овие војни. Само нема тоа врска со учењето на Христос, бидејќи нивните креатори свесно на најголемиот Христов противник се поклонувале. На страна што православието не е ни вмешано.
Спојлер: . 1. Тогаш Исус му проповедаше на народот и на учениците Свои, 2. говорејќи: „На Мојсеевото седиште седнаа книжниците и фарисеите. 3. Затоа, сè што ќе ви кажат да пазите, пазете и извршувајте; а според делата нивни не постапувајте, оти тие говорат, а не извршуваат; 4. врзуваат бремиња тешки и мачни за носење и ги клаваат врз плеќите на луѓето, а сами не сакаат ни со прст да ги помрднат; 5. и сите свои дела ги прават, за да ги видат луѓето; ги истакнуваат своите записи од законот и прават големи поли на својата облека; 6. сакаат прво место на гозбите и предни места во синагогите, 7. и поздрави по улиците, и да им велат луѓето »учителе, учителе!« 8. А вие, немојте да се наречувате учители, зашто еден е вашиот Учител – Христос, а вие сте сите браќа; 9. и никого на земјата не викајте го свој татко, оти еден е вашиот Отец, Кој е на небесата; 10. и наставници немојте да се именувате зашто, еден е вашиот Наставник – Христос. 11. Но поголемиот меѓу вас да ви биде слуга; 12. зашто, кој се воздига, ќе биде понизен; а кој се понизува, ќе биде воздигнат. 13. Тешко вам, книжници и фарисеи, лицемери, затоа што го затворате царството небесно пред луѓето; оти, нити вие влегувате, ниту ги пуштате да влезат оние, што сакаат да влезат. 14. Тешко вам, книжници и фарисеи, лицемери, оти ги подјадувате домовите на вдовиците и лицемерно долго се молите; заради тоа ќе добиете поголема осуда. 14. Тешко вам, книжници и фарисеи, лицемери, оти ги подјадувате домовите на вдовиците и лицемерно долго се молите; заради тоа ќе добиете поголема осуда. 15. Тешко вам, книжници и фарисеи, лицемери, зашто обиколувате по море и по копно за да добиете еден последовател, и кога ќе успеете во тоа, тогаш го правите син на пеколот, двапати полош од вас. 16. Тешко вам, водачи слепи, кои велите: »Ако се заколне некој во храмот, не е ништо; но ако се заколне некој во црковното злато, виновен е.« 17. Безумни и слепи! Што е поголемо, навистина: златото или црквата, која го осветува златото? 18. Исто така велите: »Ако некој се заколне во жртвеникот, ништо не е; но, ако некој се заколне во дарот што е на него, виновен е« 19. Безумни и слепи! Што е, навистина, посвето: дарот или жртвеникот, што го осветува дарот? 20. А кој се заколне во жртвеникот, се колне во него и во сè што е врз него; 21. и кој се заколне во црквата, се колне во неа и во Оној, Кој живее во неа; 22. и кој се заколне во небото, се колне во престолот Божји и во Оној, што седи на него. 23. Тешко вам, книжници и фарисеи, лицемери, оти давате десеток од нане, копра и кимин, а сте го оставиле најважното во Законот: праведноста, милоста и верата; ова требаше да го правите, а и она да не го оставате. 24. Водачи слепи, вие комарецот го цедите, а камилата ја проголтувате. 25. Тешко вам, книжници и фарисеи, лицемери, зашто ја чистите чашата и чинијата однадвор, додека внатре тие се полни со грабеж и неправда. 26. Слепи фарисеју, очисти ја чашата и чинијата најнапред внатре, за да бидат чисти и однадвор. 27. Тешко вам, книжници и фарисеи, лицемери, оти многу личите на варосани гробови, што однадвор изгледаат убаво, а внатре се полни со мртовечки коски и секаква нечистотија; 28. така и вие, однадвор им се покажувате на луѓето како праведни, а внатре сте полни со лицемерност и беззаконие. 29. Тешко вам, книжници и фарисеи, лицемери, оти ѕидате гробници за пророците и ги украсувате спомениците на праведните, 30. па велите: »Ако живеевме во дните на нашите татковци, немаше да станеме нивни соучесници во крвта на пророците«. 31. А со тоа сведочите сами против себе, дека сте синови на оние, што ги убиле пророците. 32. Дополнете ја и вие мерата на татковците ваши. 33. Змии и породи аспидини, како ќе побегнете од пресудата за во пеколот? 34. Затоа, ете, Јас праќам при вас пророци и мудреци и книжници; едните ќе ги убиете и распнете, а другите ќе ги биете по синагогите и ќе ги прогонувате од град во град; 35. за да падне врз вас сета праведна крв што е пролеана на земјата, од крвта на праведниот Авел па до крвта на Захарија, синот Варахиин, кого го убивте меѓу храмот и жртвеникот. 36. Вистина, ви велам: сето тоа ќе падне врз овој род. 37. Ерусалиме, Ерусалиме, што ги убиваш пророците и со камења ги засипуваш испратените при тебе! Колкупати сакав да ги соберам чедата твои, како кокошка што ги собира пилињата свои под крилја, а вие нејќевте. 38. Ете, ви се остава вашиот дом пуст. 39. Оти, ви велам: нема да Ме видите отсега дури не кажете: »Благословен е Оној, Кој иде во името Господово!«“ https://www.sveto-pismo.mk/nov-zavet/sveto-evangelie-matej/
Тој што краде,лаже,тепа и сл....а притоа и оди во цркква е човек кој е во борба. Можеби ќе успее да го пронајде еден ден Бога и ќе се покае. Верата помага да се исправаш и безброј пати ако паднеш. Никој никогаш не рекол дека е најдобар бидејќи оди во црква.
Жено, Библијата ми е прочитана неколку пати, не ми требаат цитати да поставиш. Читам Библија и духовна литература, одам во црква и сум православен христијанин, не ми требаат од тебе лекции. Јас моето го кажав, ти горделиво тврдиш дека моето нема смисла, твоето има. Во ред е, уживај, те оставам да мислиш така. Не ти е прв пат, поштеди ме...
Имаме слободна волја, така? Е, па никој не ве тера присилно да одите кај поп да се исповедате, дека нели попот пушел цигари, грешник бил и не знам ти што. Да, и тој е грешник, колку и да влегува во олтар, колку и да носи света облека, ама на крај на денот, истиот тој поп, како и сите ние, го носи својот крст, и одговара пред Бог, и него му е, и ќе му биде судено со иста мера како нас.
Вака гледано и има некаква смисла. Со разлика само што психолозите не инсистираат да ти водат рачуна за секој аспект од животот неповикани и започнуваат војни ширум светот ако некој не се согласува со нивните начини и методи. Нека прави кој што му носи мир ваљда. ( ова од прееска сум заборавила да пратам) Во постот @Rama имаше спомнато и направено паралелеа со психолози и психо-терапија, сега е избришано.
Јас не избришав ништо... Реин ми го едитираше постот за да не замине дискусијата офтопик. Кажав тоа што имав да кажам, не наметнувам ништо, сите имаме право што сакаме да правиме и кај што сакаме да ги исповедаме нашите гревови, тешкотии и проблеми
Since when верник се поистоветува со почитување на поп? Какви примери ни даваат поповите....ретко за кого имам добро мислење. За исповед и покајание,можете да се покаите било каде и во било кое време и да го смените начинот на живот,да се извините на тие спрема кои сте биле неправедни,да ги поправите грешките доколку е возможно,со дела,зошто исповед? Јас пре би отишла на психолог или психијатар. Верувам во Бог,одам во црква,ама за попови малку морген,уште помалку да се исповедам пред нив.
Џабе барате логика во религијата, а особено во црквата. Смешно ми е шо овде многумина се прават на тошо и повикуваат на индивидуалистички пристап кон религијата, а всушност црквата е една од најголемите и најмоќните организации со огромен број на приврзаници. Оттука, ќе кажам дека црквата, а воопшто и “христијани кои не се дел од црквата” ја користат религијата како оправдување за еден куп дискриминаторни, стереотипични мислења и демагогии шо нив им одговараат, т.е. шо за нив се “морални”. Се надевам, ќе дојде ден кога сето ова ќе се гледа ИСКЛУЧИВО од историски и никаков друг аспект.
Можеш ти да не ги почитуваш поповите, ама во православниот свет се знае на исповед се иде кај поп/монах
Туку кога сме кај исповед, денес за прв пат во живот се имам исповедано. После години лево-десно лутање, и после месец и кусур обид за исповед, конечно се исповедав, фала му на Бога. За оние упатените во вера, верувам знаат какво е тоа олеснување и што тоа значи, а за оние кои се по „тумачење“ на работите, ако смеам така да се изразам без да ми скокнете пола форум , да ви кажам нема поарен reality check. Колку и да си мислите дека знаете што е и како е и си тумачиме тука од страна, кога ќе си застане човек, ќе си осети. Ова ви го кажувам како некој кој уште каде ли ти не лутал и на крај вистината и мирот си ги најдов дома, во православието.
Јас на поп не би му кажала се`. Ќе падне во несвест. Ама пред спиење на Господ знам да му се исповедам, додуша што ќе исповедам кога гледа и знае се`. Само си кажувам зошто сум напраила итн
Не треба пред Бога да ,,се објаснуваш'' зошто си згрешила. Треба само искрено покајание, тоа објаснување значи дека се оправдуваш за сторениот грев. Да, знае Бог што си направила, само чека покајание, сите сме грешни, само покајанието е разликата меѓу грешниците. За делот со попот, тој е само посредник меѓу тебе и Бога. Ти не му се исповедаш на попот, туку на Бог, попот само те слуша и нема ниту па смее да те осуди. И мене ми беше срам да кажам се' што сум згрешила првиот пат ама после тоа какво чувство на олеснување имав... Само се кажуваат грешките, без никакво објаснување зошто се сторени. Попот ги слуша и не' советува, спрема тоа што ќе го слушне. Во мојот случај, кога отидов прв пат, ме успокојуваше велејќи ,,Сум слушнал секакви работи, не се срами, не се плаши, што е кажано останува тука''. Исповедувањето пред поп плус ни помага да го скршиме тоа его, суета, тој штит што го имаме пред сиот свет па не сакаме да си ги признаеме грешките пред друг човек.
Да ова е мнг точно, колкава храброст и сила треба да имаш за да си ги признаеш сите гревови пред поп, баш да ги кажеш работите какви што се, не да се правдаш не да ги смалуваш твоите грешки туку да си ја признаеш вистината на глас пред непознат сведок беше една од најважните работи што ги направив и мене лично многу ми помогна. Голема почит кон секој што се има исповедано
