Сакам од некој поискусен од вас да добијам "упатство" за кога ќе одам на исповед, здравје Боже. Првпат ќе ми биде. Ми дадоа број да се јавам на отецот, ама како треба - јас да закажам термин или тој ми кажува? Ми одговара викенд да биде, бидејќи сум бремена тешко ќе ми биде одење натаму сама. Затоа со сопругот. Друго. Кога ќе се сретнам, му кажувам дека ми е првпат? Како да се однесувам не знам. Колку трае исповедта? Како се одвива, јас кажувам, тој ме слуша сѐ додека да кажам? Сѐ треба да кажам или моментално што ме мачи? Грев ли е што одам на исповед без да сум постела, а и воопшто не постам? И на крајот, да го прашам него за колку пари да оставам?
Кажи му дека сакаш да биде за викенд па ќе се договорите, ќе ти предложи време. Можеш да му кажеш дека прв пат се исповедаш. Добро е пред да одиш, да ги запишеш на лист своите гревови што треба да ги кажеш. Секој грев на кој можеш да се сетиш. И таму да си го отвориш листот пред тебе и да се потсетуваш што да кажеш. Не треба да објаснуваш многу зошто си направила нешто, само направив тоа и тоа, јасно и едноставно. Тој те слуша и ти дава совети за секој грев. Ако има нешто што посебно те мачи, ќе му го кажеш и тоа. Исповед е секогаш убава работа, и кога не постиш. Не се плаќа за исповед. Можеш да оставиш пари во црквата ако сакаш.
Фала ти многу! Може да ти пишам порака, да те прашам нешто поконкретно за тој дел што велиш дека не треба да се објаснувам многу. Сакам да ти кажам за која постапка ми доаѓа да му раскажам преку објаснување, бидејќи поинаку и не ни можам. А главно за тоа одам.
Ако не ти е проблем штом имаш одговори за тоа да ми пишеш и мене, и мене ме интересира истото да се исповедам
Ако нешто баш те мачи, можеш и само тоа да го исповедиш. " Оче, дојдов да исповедам една грешка за која се каам "....па кажи ја, без објаснувања и самооправдување... Тој ќе те запраша понатаму,ако смета дека треба и ќе ти ги каже следните чекори... Ако ти одреди пост и причест,послушај го...секако ќе има во предвид тоа што си бремена...
Исповедаш само она за што искрено си се покајала и не го правиш повеќе...полека,дел по дел...секако нема волшебно безгрешна после исповед да станеш, но олеснување добиваш , па чекор по чекор...
ех па така, ништо немам сум си рекла, шо сум напраила сум напраила, пошо ако почнам да осеќам каење, ќе ме изеде совеста
Се исповедаат сите гревови, кои сме ги направиле. Исповед значи - признавање и е дел од светата тајна покајание. Оти можи да појдеме да се каеме, дека на птиците не им фрламе храна, а да сме ги отруле комшиите.
Вистина,но духовните почетници и не знаат што се е грев, туку обично едно две покајанија имаат, нешто што ги мачи и прогонува....поради тоа и напишав така....прво она најголемото за кое се покајале....
Затоа постои катехизисот, кој меѓу другото не` учи и што е грев. Мора да знаеме што е грев. Долги години на пример секој поп, имаше наредба од епископатот да прашува по 10 пати дали некој/а извршиле или поттикнувале на абортус, зашто тоа не го сметаа луѓето за грев...
Хај Убаво ти објасни членкава. Јас буквално така направив, ден пред тоа размислував мнг за мојот живот и за сите работи за кои се каам и ми тежат, ги напишав на лист. Отидов до црква, ја прашав жената која продава свеќи да ме упати кај свештеник сакам да се исповедам. Се запознав со свештеникот, зборувавме, ги набројав гревовите а не ситуациите кои доведоа до тие гревови или детали во врска со нив, едноставно знаеш кога нешто лошо си направил. Ми даде совети, ми кажа да го скинам листот и во сето тоа бунило заборавив да прашам дали треба да платам и ете сега прочитав дека не се плаќало.... И така....после година дена од мојата исповед по случајност повторно имав контакт со истиот свештеник (не верувам дека се сеќава на мене) овој пат за мнг поубава работа и така... Господ ми го смени животот и мнг сум благодарна. Со среќа и се најдобро
Поминав на исповед денес. Сани, ако мислеше за објаснувањето, му кажав дека поинаку не можам да се исповедам, дека морам да се навратам наназад малце, за да ме разбере зошто направив некои постапки. Конкретно станува збор за забременување. Не ме прекина, ме ислуша, и после ми даде поука. Кити, фала ти на убавите зборови. Убаво чувство навистина. Наредната недела, здравје Боже на причесна ќе одам.