Исхрана од 4 месеци па нагоре

Hipp кашите се сосема сигурни, не се секирај. Понесигурно е она што ќе го купиш на пазар, верувај, прскано со секакви пестициди, без никаква контрола, и кој знае на какво земјиште раснето... Имам позната на пазар што продава и знаеше дека имам бебе кога воведувавме храна и безброј пати ми има кажано, дури и кога сакав да купам нешто, „За бебето земаш? Немој, не е добро за бебе“. Да не зборувам за потврдената штетност на разните пестициди кои со кофи се тураат само за родот да биде покрупен и да не гние лесно. Со Хип барем некој контролира и производство и потекло. Зборував со човек кој бил во фабриката на Хип, импресиониран беше, буквално. Огромна контрола имаат, тоа е факт.

 

Дали на дете од неполни 4 месеци се дава купено благо млеко?

 

^Не се препорачува да се дава кравјо млеко на дете испод 1 година, така на неполни 4 месеци воопшто не е добро да се дава кравјо млеко.
Во случај да се нема млеко си има вештачко млеко кое до некаде може да го замени мајчиното млеко.

 

Фала.Иначе не беше за мене братушетка ми му дава на малото а знам дека не е убаво му дава и краво и вештачко

 

Сега зависи кај кој како,јас ќе си кажам мене што ми се случи,почна моето млеко да не му стига на моето малечко и нон стоп плачеше,во болницата прво ми кажаа да пробам со вештачко млеко,ги купив сите можни што ги имаше во аптеката ниту едно не сакаше да го прифати,потоа ги купив сите можни шишиња мислејќи дека е до шишињата,на крај самиот педијатар ми рече да пробам со кравјо разредено млеко и тоа од прво го прифати да го пие од 4 месеца почнав со него

 

Педијатер што препорачува кравјо млеко за бебе од 3 месеци треба да му се забрани да работи.

Кравјото млеко е повеќекратно штетно да се дава на толку мало бебе, може да дојде до сериозно нарушување на здравјето, единствената предност на кравјото млеко во однос на вештачкото е во цената, литар млеко е 30 денари а кутија вештачко млеко 700-800 денари.

Главните негативни работи на кравјото млеко:
1.Во кравјото млеко нема доволно железо кое што е неопходно за развојот на бебето.
2.Високиот процент на калциум во кравјото млеко не му дава на организмот на бебето да го апсорбира и малиот процент на железо што го има кравјото млеко.
3.Вишокот на протеини и минерали кои ги содржи кравјото млеко ги оптеретува бубрезите на бебето, за да се ослоди од вишокот, се мокри повеќе и често се случува да исфрли повеќе течност од што прима и да дојде до сериозна дехидрација на организмот, а во ретки случаеви и внатрешно крварење.

Секоја мајка си знае за себе што и како е добро за нејзиното бебе ама за мене е нормално да пие 3 месеци бебе кравјo млеко колку што е нормално теле да цица од жена.

 

До 6 месеци се препорачува исклучиво мајчино млеко. Доколку не можете да доите, одговараат и специјалните млечни формули. Од 6 месеци натака, може да се воведат овошните кашички, житарки, зеленчук.

 

Ако е така, тогаш на сите педијатри нека им се забрани да работат

Шегата настрана - јас сум против кравјо млеко до година. Ама, ако околностите се такви што мајката нема млеко, а детето ги одбива сите, ама баш сите адаптирани млека, што е изборот? Ниеден педијатар од прва нема да ти рече, пробај со кравјо, сите прво ти советуваат упорност во доењето, после ад млеко, и на крај, како последна опција кравјо млеко. Син ми беше на доење плус дохрана со ад млеко, арно ама на 6 месеци се скара со секаков вид ад млеко, со шишето и со цуцлата (а какви се цуцли не сменивме, џабе), почнав да му давам кравјо. Ни тоа не го прифати, остана само на моето млеко, плус дохраната со кашички. И требаше јас детето без млеко да го оставам? Почна да го јаде, само во млечни каши и како кисело млеко и јогурт. Додуша, со постојаното цицање и мене ми се зголеми количината на млеко што ја имав, ама пак, за него беше малку. Така што, кравјото млеко во било каква форма и облик (освен тетрапак) ми беше единственото решение.

И ад млекото е кравјо млеко... само преработено и исчистено од сите алергени и штетни продукти... ама кај нас во Македонија е под знак прашалник какви млека се носат - само да спомнам - има два вида Аптамил (моментално најдоброто ад млеко на пазарот), едно кое се произведува во Бугарија, и другото, далеку подобро, кое се произведува во матичната земја на производителот - па сега, на кое ќе налеташ, зависи од среќата твоја... јас лично, порадо би давала кравјо млеко, отколку адаптирано. Ако живеам во земја во која нема да се плашам што купувам од продавница или аптека, нормално дека не би се двоумела. Ама вака... предност му давам на помалото зло.

 

Подобро козјо да давате отколку кравјо...

 

Е и јас земав аптамил,хипп,лактовит,нан и уште не знам кое друго не ги сакаше,па затоа кравјо млеко иако бев исплашена што како ќе биде зошто имав искуство со една братучетка што нејзиното беше алергиќно на било какво млеко и тоа се изнамачија додека открија од што е алергично ,мајката снема млеко како мене на 4 месеци и препорачаа прво вештачки ,малото ептен малку пиеше и повракаше,потоа и рекоа да проба со кравјо и пак исто, па завршија на испитувања во скопје и открија од млекото,јас поради тоа што не сакаше други млека па морав со кравјо инаку не би му давала на своја рака никогаш кравјо млеко,тоа беше совет од педијатар и тоа роднина зошто гледаше како се мачам со малото како плаче нон стоп од глад а пред тоа другите педијатри ми велеа дека такво ќе си биде детето

 

За некој месец и ние ке треба да почниме со дохрана, но искрено јас сум во големи мисли и паметот ми е на триста страни, стварно не знам со која опција да почнам.
Во Америка се препорачува прва дохрана да бидар житариците ради неутралниот вкус, кај нас со овошјето а други пак викаат со зеленчукот , бидејки може ако се почне прво со овошните кашички да не ги прифака зеленчуковите.
Друга мисла ми е за времето кога да се почни, во болница каде се породив , ми рекоа до 6 месеци само на млеко, некои педијатри пак викаат може да се почни со навршени 4 месеци.
Времето кога јас сум била бебе сосем друго препорачувале педијатрите па со мајка ми не ни можам да се консултирам, а нејзиниот збор навеке ми значи.
И ова ми е дилема не знам дали да одам пр. ете со кашите на хип или со природни кашички, секогаш сум за природното, али ни тоа не ни е толку сигурно бидејки ги прскаат, а за био на хип еве велите дека и тоа не било био, али и таму содржат сигурно емулгатори колку и да се било мора да има некој од буквата Е,
Едниствено да видам да се распрашам каде кај нас има свежо огранско овошје и зеленчук.

 

DeMelo, воведувањето на цврста храна кај бебињата зависи од самото бебе. Зошто? Ете моето синче не сакаше да пие млеко од шише (ниту мајчино, ниту вештачко,ниту кравјо), а само цицање не го најадуваше. На неполни 4 месеци започнав со дохрана. Наизменично му давав овошје па зеленчук. Без проблем ми ги прифати, иако повеќе сакаше да јаде зеленчук.
Точно дека е најдобро да е на млеко до 6 месеци, НО според мене мислам дека треба барем 2-3 вида сокчиња да се воведат до 6тиот месец, колку да не е само на млеко.
Секогаш сум за природни каши, купечки му давав само кога одевме некаде или кога некој ќе му донесеше

 

ДеМело, слободно од 4 месеци плус да си почнеш со дохрана. Мајка ми со брат ми одеше според книга, предијатри и големи господа и јас знам што си виде со тоа од 6 месеци плус со дохрана. До душа секое бебе е различно. Пробај си ако мислиш дека има потреба. Како што кажа Блонд, пробај со сокчиња, па со кашички на кои си пишува за од 4 месеци, па види како ќе ги прифати. Ако ги прифати и се е ок, продолжи си наименично и со млеко и со дохрана.Мислам подобро е од порана возраст да се почне, дека после 6 месеци како што викаат наеднаш ќе му дојдат мн вкусови и мн повеќе време ќе му земе да се адаптира и да ги прифати новите вкусови.
А за зеленчуците и овоштијата убаво миј ги и лупи се што можеш да излупиш. Органско, неорганско денес скоро исто ти се фаќа. Тука се брендирани како ЕКО за таму не знам.
Гуд лак

 

аптамил 2 од кога се почнува ? од кога ќе ги исполни детето 6 те месеци или од кога ќе влезе во шестиот месец може да се почне со двојката

 

Јас мислам дека е од кога ќе влезе во 6ти месец.

п.с. на нет најдов искуства од други мајки кои го користат уште од 4ти месец.

 

Јас на ќерката почнав да и давам кашички и сокчиња кога имаше 5 и пол месеци, и веднаш се покајав што чекав толку. Толку беше навиканата на вкусот на млекото, што никако не можеше да се навикне на друго околу 3 месеци, и многу ослабе тој период.

Со второто само што наполни 4 месеци веднаш почнав да му давам кашички, барем по едно лажиче, колку да се навикне на вкусот. И супер се навикна, воопшто немав проблеми со јадењето со него.

Инаку и јас сум забележала дека секаде пишува различно во однос на тоа со што да се почне прво - дали житарки, овошје, или зененчук. Мислам дека нема грешка со што и да се почне.
Јас мислам дека со двете почнав со овошје, и тоа купував од кашичките на Хип. На ќерката исклучиво и давав Хип - многу рано тргнав на работа и ми ја чуваше кој стигне - мајка ми, татко ми, другарките, девер ми... и немаше смисла да оставам обврска да подготвуваат кашички. Плус никакво време беше кога требаше да јаде, крај на зимата кога нема ни многу избор. На малиот му давав готови овошни кашички бидејќи многу се вкусни, плус главно му ги давав кога шетавме, па ми беше попрактично. Зеленчукови подготвувавме дома, готовите имаат некако блуткав вкус, иако нели од кај знае детето што е вкусно, кога не пробало ништо . Ама тогаш веќе имав жена за чување, и плус и јас бев дома 6 и пол месеци.

 

Од полни 6 месеци и тоа не наеднаш, туку наизменично со аптамил 1, еден оброк 1, еден 2, па ќе зголемуваш

 

Јас со ќерка ми која сега има 5месеци и 1 недела ,со навршени 4 месеци почнав да и давам јаболче и тоа рендано и со јаболчето теравме некаде 3 недели.Потоа 1 недела и давав и морков,па следната почнав и тиквичка и брокула. Почнав да и давам и Хип кашичка со адаптирано млеко затоа што гледам дека само моето и е малку. Од вчера почнавме и со банана .Околу јадењето немаме проблем единствено што приметувам дека за разлика од првото дете ова повеќе сака овошје(можеби затоа што е благо )

 

Мајки ве молам за мала помош ! Мојата ќерка има 5 месеци и веќе почнавме со овошје,зеленчук,а и млечни кашички (со адаптирано млеко ).Значи има 3 оброци и плус цицање ,а јас малку се изгубив во тоа како да ги распоредам .Значи малку ми е нејасно после оброциве на колку време да цица и всушност колку пати ????