Исхрана од 4 месеци па нагоре

Meu можеш житарки да и ставиш , јас откако почнав житарки да ставам ја држат по 2-3 часа, и правам и попара со бисквити и млеко ама ептен малку, давај и да грицка нешто измеѓу оброци ..
Јас глутенот , уствари не јас мм и имаше дадено фрутолино и така воведовме глутен на 5.5 месеци мислам дека беше.
Инаку конечно го видовме запчето Грепка на прсте и го чекаме да искочи скроз во секој момент

 

мами дали имате дадено риба и со што??
јас имам неколку пати купено готова кашичка на хип со лосос и син ми ја јади, па денес зедов лосос.планирам да го сварам и да го исчистам од коските, ама незнам со што друго да му ја спремем кашичката! има некоја идеја???

 

Со ориз, компир...само ништо млечно, тоа не се мириса со риба како комбинација

 

И со спанаќ и брокула не оди риба, односно не се давало.
Неодамна читав дека алергијата на риба не настанува од млечни производи туку конкретно од спанаќ. Од старо останало дека рибата не се мешела со млечни за да заштедат, демек гозба било кога се јадело риба.

 

Како мислиш „Неодамна читав дека алергијата на риба не настанува од млечни производи туку конкретно од спанаќ“?
Ме збуни комплетно....зборуваш за алергија на риба, а се смешаа и млечните и спанаќот
И зошто баш брокулата и спанаќот (и двете богати со калциум)? Да не има тоа врска? Оти ако е тоа, тогаш според мене, и млечните би требало да се вбројат тука...

Ај плиз ако може линк од статијата

 

му направив, сега да видам колку ќе јади.
прво ја сварив и ја исчистив рибата, запржив младо кромитче и лукче со малку морков и ги остравив да се варат во водата од рибата и кладов и една рака ориз, пред да го изблендирам ќе ставам и магдонос.
фала многу на советите.

 

Маци читав во списание. Ќе се обидам да го најдам и да ти сликнам

 

Ние сме 6 месеци и до сега имаме пробано овошје (крушка,јаболко,банана,слива,манго,лубеница) а од зеленчук (компир,брокула,грашок,боранија, морков). Исто имаме пробано ориз и житарици. Од месо имаме пробано пилешко и мисиркино ( ги мрази и двете и одвај зема по неколку лажички). Е сега овошјето обично го јадиме наутро помешано со житарки а зеленчукот (се бориме со маки) го јадиме поручек. Јас се некако си мислам дека треба да и дадам повеќе ама ете не ми е баш јадач на кашички детево, особено не на зеленчук и месо.

 

Сакам да ги прашам мајките кои даваат само купени кашички дали се придржуваат на возраста која ја пишува на кашичките т.е на 4 месеци давате од тие што се за 4 месеци итн.затоа што не ми е логично да давам пилешко месо на 5 месеци а во некои од зеленчуковите кашички на Хип за 5 месеци има и пилешко месо.Не сме строго на купени кашички ама тоа од тоа овошје што го нема сега купуваме кашички.позз

 

Јас не се придржувам.
Ја следам листата за воведување производи што претходно ја има Анатх постирано и иако пишува на самата тегличка дека може на пр. одреден продукт да се даде на бебето со полни 4 или 6/8 итн. месеци, јас прво проверувам на листата па потоа ја купувам тегличката.
Исто има кашички на Хипп од 5 мес. глутен што содржат, јас тие почнав на син ми да му ги давам со полни 7 мес. кога всушност и воведов глутен во исхраната.

 

СПАНАЌОТ ЗАБРАНЕТА ХРАНА ЗА БЕБИЊАТА?

Сигурно сте слушнале дека на бебињата не треба да им давате спанаќ? Но, се наметнува и прашањето зошто спанаќот се наоѓа на црната листа на производи за бебиња?
Педијатрите истакнуваат дека многу видови зелен зеленчук, вклучувајќи го и спанаќот, црпат од земјата нитрати, природни соединенија кои ги складираат во своите клетки. Нитратите, сами по себе не се опасни, но знаат многу лесно да се претворат во нитрити, а тие соединенија можат да бидат многу опасни.
До конверзија на нитратите во нитрити може да дојде уште додека се наоѓаат во почвата, каде хемиска реакција предизвикуваат ензимите на спанаќот или бактериите од земјата, но претворањето на безопасно во опасно соединение можат да го предизвикаат и бактериите во органите за варење. Нитритите се опасни, бидејќи ги спречуваат црвените крвни зрнца да го транспортираат кислородот, но далеку од тоа дека критичната маса на нитрити можете да ја внесете така што ќе се најадете со спанаќ.
Меѓутоа, во органите за варење кај новороденчињата и бебињата до три месеци има повеќе бактерии кои ги претвораат нитратите во нитрити отколку кај поголемите деца и возрасните. Покрај тоа, кога крвта на новороденчето ќе дојде во допир со нитрити, во него драстично опаѓа нивото на кислород и бебето не може да дише.
Поради сето наведено, педијатрите им советуваат на родителите да не им даваат спанаќ на малите бебиња. Во принцип, бебињата би требало само да цицаат мајчино млеко или да добиваат формула до четвртиот, уште подобро до шестиот месец, но многу родители не го почитуваат тоа правило. Па, доколку почнете порано со цврста храна, никако не давајте му спанаќ на вашето бебе, советуваат лекарите.

 

Од колку месеци се почнува со пиперка???
Сакам свежа да ставам да се вари. Домат пробавме, односно и ставив четвртинка во манџата, се свари, а и дадов и свежа да проба. Пробавме и цреша.
Наредно ни е јајца и месо.

 

можеш да и дадеш ја вчера и правев со морков и путер и ставив

 

Женски, ние за 5 дена ќе полниме 4 месеци, па би сакала да ми кажете што да почнам да му воведувам нови вкусови, овошје, сокчиња, зеленчук, кои кашички итн. И не знам по кој редослед да почнам, значи од сабајле се почнува со некое овошје, да му правам сокче или готово да му купам, напладен и навечер како оди се тоа....збунка сум, не знам што и како да почнеме да воведеме па ако сака некоја мамичка да ми напише редослед и отприлика што и како да му давам на бебуле мое.
Однапред thank you

 

јас на моја бебушка и давав на пладне да пробува до 12 часот и давав и после се млеко пиеше а некаде од средина на јаноари сум почнала да и воведувам оброци тогаш сме имале 6,5 месеци вака и ги воведував
7-9ч мелеко зависи кога ке станеше
10-12 млеко
14.30-15.30 зеленчук оброк
17ч млеко
19човошје
21ч млеко млекото по 150мл го пиеше
и жолчка и воведов тогаш и мевце
а кога направи 7,5 месеци и до ден денес и давам
8-9ч млеко 210мл само нкогаш не го пие цело
11-12ч оброк со овошје,бисквити,овесни снегулки или готови житарици на нестле али овошје обавезно
14.30-15.30 зеленчук оброк
17-18 вецера лебче со к.млеко, јогурт, путер,жолчка и тд
21-22ч млеко 210мл а во меѓу време вода и давам и помалце животинско царство бисквита да си грицка
е сега како оди со месеците напред така и ја зголемувам количината
се придржувам на овој распоред и секој ден е во исто време

 

Го ранам од 5 месеци. Прво беше ајде демек испробуваме уште ама еве седум месеци стана уште "испробуваме". Се ми одбива а скоро воведов се што е до 7 месец.сум пробала и готово и домашно и печено и варено сол без сол путер кисело млеко павлака демек да го поарни вкусот ама само што ќе ја види лажичката затнува муце,очајна сум само цица и цица и цица. А да и шише цуцла не пие... Совет чаре има ли? Грешам ли негде? Пс и гладен го чував подолго да огладни и јас добив мастит

 

Јас да си прашам свежо цвекло од кога може да се даде ? И да втор оброк кога сменивте ( зеленчиков) јас планирам на 6,5 мислев да не е рано а млечна каша планирам на 7,5 ?

 

Втор оброк мене д-р ме советува да сменам на 5м, но јас го воведов целосно на полни 6м. Сега веќе имаме и трет оброк(на 7м), а ја гледам дека не и одговара кога треба млеко да пие, па наскоро ќе и го сменам и 4тиот(за месец дена, а до тогаш ќе се тепаме со шишето), само незнам веќе што да воведам.
Многу е среќна кога ќе го види тањирчето и лажичката, пред време отвара уста