Исчезнати лица

На форум каде се разговара пишуваме свое гледиште на нештата. Тоа не ви дава за право на ваков начин да ми се обраќате.

 

Зарем не стравуваме сите за децата 24/7?
Не е во школо каде што треба да биде, не се јавува на телефон, комбинација при која веднаш се крева аларм.
За 1 час веројатно го провериле патот по кој оди до школо и ја нема. Не знам што ви е чудно толку навистина? Зар вие не би реагирале веднаш?
Јас би!

 

Spored mene e sledena podolg period.

 

Тие што се мајки овде,добро сфаќаат зошто жената веднаш алармирала.
Ја праќаш во школо, не стигнува таму,телефон исклучен,ја бараш по другарки ,ја нема...што треба да чека не ве разбирам ?
Башка ,мајка е ,сигурно знае дека телефонот на пример и бил полн а не празен и такви ситници кои ја натерала веднаш да се сомнева.
Тој што има проблеми во фамилија и може да се сомнева на бегство ,не ја крева цела држава на нозе веднаш.

 

Ама на вести кажаа дека мајката пријавила во полиција во 8:30.

 

Секаде може да се случат вакви работи. Мене ме следеа во Ѓорче, среде бел ден. По една од споредните улички. Секогаш одев по главна улица, ама не знам кој ѓавол ме натера да одам баш по таа улица. А немаше минувачи. Црна кола, со затемнети стакла. Како што одев, така се движеше и колата. Јас застани, таа застани. Јас појди, таа појди. Така неколку пати и после се пикнав во двор од една куќа. Тие си заминаа. Двајца мажи беа. Страв ме фати. И си продолжив по главната улица. Другарка моја беше следена од бивши дечко. Страв да те фати да излезеш надвор. Не дека порано немало вакви работи, ама ова е се позачестено.

 

Живееме во језиво време.
Јас додека сум со син ми, не тргам очи ни на секунда од него од страв некој да не го собере. Сум видела свашта, сум слушнала свашта, сум поминала свашта како дете.
Сум избегнала киднапирање како девојче и ден денеска имам последици од тој страв.
Еден од најголемите стравови на секој родител е ова, а секој одговорен и нормален родител ќе реагира веднаш.
Според мене понекогаш е подобро и непотребна паника да се крене отколку после да се јадеш зошто си задоцнил со реакција.

 

ми делува на некој што намерно го прави ова за да ја збуни истрагата. Ептен сомнително.

 

Пред 5 дена исчезнат е велешанец. Телефонот му е последно лоциран околу куќата, него и колата ги нема. Вчера колата е најдена запалена пред косовска граница, него го нема.
Семејството уште го бара.

 

^ какви па слики тој профил ставаше на објавата на мајката на Вања, психички случај.

Реално ако сака некој да киднапира дете, ќе го направи тоа и во сред бел ден, и на најфреквентните места.
Јас каде што живеам во една улица се наредени: полицијата, автобуската и основните училишта. Па сред бел ден земаа девојче да киднапират и да силуват во улицата зад полицијата, среќа некој пријавил па одма го фатија.

 

Да ама ако неа и е исклучен не и е и на другарката исклучен. Ќе пише порака од кај неа дека е исклучен и дека може да ја бара кај неа. Еве мене тоа 100 пати ми се случило, што пази тогаш немаше социјални мрежи, обична смс порака пишував. Жената 40 минути по телефони ја барала да не е кај некој и откако не ја нашла никаде пријавила.

 

Мене навистина не ми е јасно зашто новинарите не се позанимаваат сериозно со секое исчезнување ? Зашто не се праат документарци? Зашто не се труби нонстоп по медиуми?
Рибникар ли треба да ни се деси недај боже за да го сфатиме ова сериозно?
Секој кој има чуден коментар под објавата на мајката ја би го донела на распит .
Се се тоа потенцијални манијаци.

 

Секој стана новинар во денешно време. Нив ги интересираат коментари од ретардиран народ. Сега читав дека некој му го користел профилот на тој од Косово.

 

Moze da pises kako znaese deka sakaat da te kidnapiraat i dali posle gi fatija?

 

Ама еве дури и да е така.
Тоа не ја менува моменталната состојба-девојката ја нема и полицијата ја бара.
И што сменивте сега со ова дека знаела мајката дека нешто можело да и се случи?
Да знаела не би ја пуштила сама.
Девојката сменила правец на движење место накај улилиште отишла према Броз.

 

Не знам уште колку пати треба да се каже дека мајката не пријавила одма во полиција, туку после еден саат. Еден саат и било недостапно девојчето, за тоа време сигурно се јавила на сите што би можеле да знаат нешто, а сигурно и по улици барала. Нормално после свртела во полиција.

 

Тој велешанец го познавам лично член е на партијата на Јанко Бачев доста симптоматично што исчезнал и колата му ја нашле баш пред косовска граница.

Не би да навлегувам во теории на заговор но постои можност да се крие некаква геополитичка игра во позадина на овие исчезнувања дај боже да грешам

 

Ме фати на секунда кога бев сама, во еден малку потемен дел, навечер беше, ме влечеше до кола за рака- лакт, непознат човек, иако го видов, не можам да му се сетам јасно на цртите.
Не знам ден денес како успеав да му се оттргнам. Тоа беше пред моја зграда, а долу мој роднина имаше продавница.
Му улетав внатре, не се сеќавам дали му кажав во моментот, но како и да е он сфати дека нешто се случило и дека сум прешлашена, ме однесе дома.
Не го фатија никогаш иако мислам дека е истиот човек кој со години ја следеше мајка ми. Јас дете, не ми текна таблици да запамтам, а и немав време.
Човекот исто не се знаеше ни со мајка ми, само му се засвиѓала која ја видел, неколку пати му имаме бегано.
По таблици дознавме кој е, го пријавуваа моите но џабе.
На крај го решивме тоа на приватен начин, т.е татко ми во главно.

 

Се чувствува тоа, еве таа и видела... За оној нас што нѐ бркаше, буквално, не знам од каде никна... На толку фреквентен пат и раздвиженост.

 

Дај стварно може јас сум глупава или ќора, ама стварно пратете каде пишала одма дека е киднапирана