Италија како туристичка дестинација

Тема конкретно за Италија не најдов па затоа решив да отворам една ваква тема.
Секако дека има премногу места кои може да се видат и посетат во Италија, премногу знаменитости во речиси секој градче и селце.
Мене ме интересира дали некој бил во најјужните делови на Италија, сакам да одам годинава во близина на Лече, а ми рекоа дека водата била катстрофа, испуштале канализации незнам што... Мене ова не ми е веројатно, сепак излегува на Јадранско и Јонско море, но баш би сакала да слушнам ваше мислење.
Како дестинација го одбрав пред се за пристапните цени за сместување. Секоја препорака е добредојдена.


На темава може да се дискутира, да се споделуваат мислења, искуства, импресии, пофалби, поплаки итн, итн... за сите места во Италија. Повелете

 

Јас наредната недела од училиштето ќе одам на ескурзија во Италија.Едвај чекам!
Па ајде нека сподели некој искуства.Дали е скапо,ефтино?

 

Aх Италија ах.
Инаку само за жал сум била Милано, Венеција и Верона и се заљубив. Се надевам дека ќе отидам до Рим ииииии најголемата желба Тоскана. Ах Тоскана. Фиренца, Пиза, Сиена, Ливорно, селцето Лука и тука многу вино, многу љубов, многу зеленило, многу убави луѓе, многу историја, многу култура, многу убавина. Абе неможе Тоскана да ме разочара, неможе.
Инаку од она што го видов значи стандард еден, народ цивилизиран културен, многу негуван народ, весел, цените височки доста, си го ценат она што го имаат, но тоа не е претерано скапо, ама е скапичко.
Инаку јас разгледував за ланскиот летен одмор во Лидо ди Есоло и не ми препорачаа да одам зашто ладно било морето, што е логично многу е северно. После гледав во Римини ама пак не слушнав некои добри коментари.
Инаку знам неколку луѓе што беа на Сицилија од кои сите беа незадоволни, не е рај како што се замислува, ладно море, многу струи, прилично пусто е, за посета е добро но не за одмор. Знам група што беше 2-3 недели во Сицилија преку играорна и сите тие беа незадоволни. Така да јас лично бев попричично изненадена од впечатоците бидејки ја замислував Сицилија за фантастичен избор за одмор, ама веројатно не е. Иако секое искуство е индивидуално, ама сепак има едно големо НО.
Јас верувам дека во Италија може да се помине добар летен одмор но да се внимава при избор на местата. Иако мислам дека тоа што е добро ќе е за наш џеб многу скапо. А Римини и Лидо ди есело кои се попристапни се со многу недостатоци. Има селца јужно, Корзика и други помалi места кои се луксузни многу.
Италија сепак мене ми е земја за туристично разгледување.
Одлична можност за разгледување ми се оние едномесечни курсеви по италијански јазик, тоа е она што жалам што не го искористив додека имав слободно време во текот на летото. 1 месец учење јазик за прилично ефтина сума (за разлика да речеме учење англиски во Велика Британија каде е за 2 недели минимум 5 пати поскапо од 1 месец во Италија). Tака да кој сака нека се распраша за курсеви во Reggio di Calabria сум слушала многу добри коментари од неколкумина. И убаво гратче и на море искача и забава и прошетки низ Италија и диплома на крај.

 

La piu bella terra dell mondo !!!
Нема нешто што не ми се допага во таа земја од архитектура до храна до мода .....

 

Не знам што преведувач си користела, ама грешка ти е пишаното.

Инаку кога ќе ја видам темата душа ме боли, не сакам да ми биде туристичка дестинација, сакам да живеам таму.
Уште да беше толку лесно...

 

слободно корегирај ме

 

Ќе одиме офтопик- ама terra е земјиште, а кога сакаш да кажеш држава или земја се користи paese и со самото тоа членот ти се менува и станува реченицата Il paese più bello del mondo.
И секогаш се пишува вака прво именката па придавката значи еве и да ти било terra требало La terra più bella del mondo.

 

Дали имате одено на одмор во Римини ?? Гледам дека имаат убави понуди за одмор, а и не се многу скапи и што за мене е многу битно имаат организирано дополнителни екскурзии во Венеција, Верона...

 

Повеќето феминки кои беа на апсолвентска мислам дека ги носеа и во Лидо Ди Ј(Џ)есоло, споделете импресии, планирам и таму да одам

 

Никогаш не сум била во Италија, но ја знам комплет, што од архитектура, што од историја итн.Има што да се види.Местата според мене се најубави, барем мене лично многу ми се допаѓаат, сите се убави, Милано, Фиренца, Венеција, Рим, Падова, Тоскана, Болоња, ма целата е убава Вреди да се види, сум поминала цел живот проучувајки ја затоа ја знам Има некоја посебна убавина самата земја

 

Мимис приватни или преку агенција ќе одиш??? Јас само за Римини најдов понуда

 

Не ми се од МК резервациите, агенцииве немаат ништо, подобро побарај сместувања преку booking.com, а за превоз можеш потоа да си обезбедиш, авион, воз, автобуси има се. Всушност јас имам резервирано за во Лече, а за Лидо најдов на букинг хотел, 7 ден со доручек за 300 евра, па резервирав и таму Авионски карти резервирав од Солун по 60 евра има карти за таму. До Венеција имаш од Скопје за 25 евра карти, провери си на wizzair.com.

 

Италија е прекрасна држава не само да одиш десет дена на одмор,туку да бидеш и 2-3 месеци.Јас во 2009 бев во Италија во Рим и Венеција и прекрасно беше,а и сега пак ке одам за 2 месеци,ама на подолго (мислам неколку месеци ке бидам таму)!

 

На нас од средното сега оваа година не носеа таму.Прекрасно е
За 1 евро со велосипеди видовме се.За разлика од Верона,Венеција таму е многу поефтино.На пример во Венеција само една маица ти е 10 евра,а во Лидо ди Јесоло можеш да најдеш 2 за иста цена.Полно е со секакви продавници.Убавини

 

Едни мои пријатели беа лани во Римини и не беа нешто посебно одушевени. Туристичко селце нешто налик на краците во Грција. Бидејќи беа со своја кола па имале можност да застанат на неколку места и повеќе биле одушевени од другите места т.е градови - нормално нели.
Епа толку знами тоа ми текнува.

 

Ние кога бевме на апсолвентска пред 2 месецеи ја посетивме и Италија, нормално. Бевме во Рим, Венеција, Фиренца и Лидо ди Јесоло.
Рим, немам зборови да го опишам, едносавно ќе кажам - прекрасен!
Многу е убаво, само е многу скапо. Инаку, чувството што го имав додека бев во Рим, не можам да го опишам. Бев фасцинирана и останав без зборови. Италија беше последното место каде што бевме, ама дефинитивно најубавото.

Венеција, исто така ми се допадна. Велеа дека смрдело на канализација ама ние кога бевме не мирисаше никако, освен на пица . И таму е прекрасно, има што да се види. И таму е скапо, особено покрај брегот, покрај пристаништето. Има тезги и се продаваат сувенири и такви работи, ама тука е прескапо. Истите работи за многу поевтина цена ги има во внатрешноста на градот т.е. кај мостот Риалто. Има еден куп мали продавнички со ептен евтини цени.

Фиренца ја посетивме многу рано наутро, околу 4, бидејќи многу доцневме со бродот, па се ни се помести. Убав град е, има прекрасна архитектура и места, за цени не знам како е, се беше затворено . Сигурно е уште поубаво кога би се посетила не толку доцна, кога би имало повеќе луѓе.

Лидо ди Јесоло - таму бевме сместени, Убаво, мало гратче, туристичко место. Хотелот каде што претстојувавме се викаше континентал и беше во барок стил . Не беше нешто особено, ама добро беше. Кога одите во Италија не очекувајте дека ќе имате богата трпеза, барем ние немавме. Секогаш носете си/купете си и резерва јадење зашто појадокот во хотелот нема да ви држи ни до на плажа да одите.
Местото е убаво, чисто, морето е многу блиску, сите хотели излегуваат на плажа, нема 2 минути. Има многу продавници - за облека, за чевли, за сувенири, маркет, кафичи, ресторанчиња, пицерии, слаткарници. Цените не се високи, отприлика како кај нас. Има и скапи, но генерално не се многу високи. Најскапи се сувенирите. Во маркетот е многу ефтино, има работи дури и поефтини од кај нас. Мислам дека може да се изнајмат и велосипеди. Сигурно има и автобуски линии или некаков друг превоз до другите градови ама не сум сигурна. Многу е блиску до Венеција, околу 1 час возење со автобус.
Плажата е прекрасна, многу долга, со многу ситен песок. Водата беше ладна кога бевме ние (17-18 април, што е и нормално за тој период), на лето сигурно е потопла.

Италија, да имам можност сигурно пак би ја посетила, ама убаво би ја испрошетала!

 

Можам слободно да кажам,Мене ни е најомлена дестинација.

Конкретно да одговорам за прашањево за Лече.Тоа е убав град,во барок стил.Но и таму е што јужније,то тужније.Знам ,бидејки имав другарка која живееше таму,но сега се пресели.За да видиш,има што,но барем во Италија има многу повеќе да се види.

Конкретно од туристичкиве места,за Римини немам високо мислење,бидејки иако морето Е Јадран,не е онакво како во Хрватска или Црна Гора.Јас бев пред повеќе од 10 год.,и не бев одушевена.Повеќе е калливо,брановито и да се заборавиш одејки додека да запливаш.

За Лидо ди Јесоло,не знам,не сум била,но е блиску до Венеција,па тоа нуди и друга можност,посета на Венеција.Таму колку и да одиш,секогаш има нешто ново да се види.

Сум била и на север,во областа Ломбардија.Таму е нешто преубаво.Милано,Комо,Верона...
Јас сум вљубеник во цела Италија,во нивната историја.

Има многу да се види ,здравје,сакам и Рим да го посетам.

Ова дека се плаќа некаков данок,не сум запознаена,јас бев зимава,за такво нешто не знам.

Кој и да оди убаво да си помине во Bella Italia.