Зависи колку шлајм имаат, мојот еднаш само повраќаше шлајм кога беше преполн, инаку ќе се накашла и го голта. Во пелената баш примети дали има нешто.
Нема. Изгледа и он го голта. Првите денови само на два пати поврати малку шлајм и од тогаш ништо. Изгледа подолго трае оздравувањето кога е оставен без лекови а?
Ретко дете кое знае да ги исфрла. Главно тапкањето е да не се лепат за плуќата . Со тапкање се одлепуват и бебињата ги какаат. Некои ги повраќаат ама не сите.
3та недела со влажна кашлица и еден куп мрсули. Нема нишо во пелена, поврати еднаш/два пати и толку. Овде викаат до 8 недели може да трае. Морам да споделам искуство, бевме во Мк на кратко, синко веќе оздравен, значи поминавме температура, но со гореспоменатата влажна кашлица. Тука не доби никаква терапија пред заминување. Мк го носам на доктор, за секој случај, од прегледот излегов со рецепти за антибиотик и инхалации со кортико. Ни брис, ни крвна слика испитана, така на жими мајка да речам. Како се лечело дете така со тапкање, какви доктори биле тие, дрн дрн. Од терапијата не му дадов ништо, после 10 дена се вративме тука, го однесов на доктор за секој случај и ми вика докторот шо правиш тука? Има температура? Не. Омалаксан е? Не. Па што? И му кажувам за терапијата што ја препишаа Мк и буквално ми се изнасмеа во лице. Посебно за инхалациите што требаше да ги давам дома (со сопствен инхалатор, зарем сите имате инхалатор по дома?)
8 недели?! Ние сличен случај бевме, матичната не даде одма антибиотик, ама на првата контрола одма даде инхалации со кортико, а на втората и антибиотик и Вентолин. Среќа што не прати на Педијатрија па таму докторот имаше поразличен пристап иначе колку и да сум информирана, не сум доктор и во сета паника сигурно ќе почнев со антибиотикот. Ние испитавме крвна слика и беше мирна, освен Лимфоцити покачени. А денес добивме и резултати од брисеви, чисти се. Ама антибиотикот беше даден пред воопшто да се спомнат брисеви. Сега не го инхалираме, многу ретко со физиолошки ако го приметам дека е пун секрет, а не можам никако да извадам.
Антибиотик без крвна слика и брис никогаш не почнувам, а ниту нашата матична, затоа ни е матична... Резултатите од крв ги добиваме истиот ден, ако нема бактерија и тие од брисот стигаат на мејл за еден ден. Секако ако има бактерија ќе се дознае одма по крвната слика и ако немам за еден ден резултат од брис ( т.е. чекам резултати за два три дена со антибиограм). Инхалатор имам дома веќе 15 години од кога син ми имаше шест месеци и уште е добар. Најдобро потрошени 50 евра во животов мој. Не дека секое дете мора да го има, за ќерката која е постара никогаш скоро и не ни требал. На син ми му требаше зошто неколку пати годишно правеше акутен ларингитис и опструкција. Инхалатор се користи за одредени дијагнози и во консултација со лекар. Инхалаторот беше првата и најдобрата помош кога не можеше да диши син ми. Како растеше се намали честотата на тие проблеми, имунитетот зајакна и се намали и потребата од инхалатор. Од наше искуство кортико т.е. дексазон во инхалатор не се дава без јако добра причина. Кортикостероидите се меч со две острици и едно лечат а друго може да расипат. Тоа сум го давала по совет на лекар само кога е многу лоша состојбата со дишењето и се бори за здив од силна опструкција. Такви ситуации среќа биле поретки. И тогаш кога сум го давала ми било кажано да ставам само пола ампула, во инхалацијата пред спиење. Ако и после тоа наредниот ден е исто толку лошо уште другата половина од ампулата. И толку. Никако повеќе кортико после таа доза ( тоа е макс. за 24 часа) и само инхалацијата да биде со физиолошки. А со физиолошки може да се прави и 3-4 пати во ден, кога не диши чисто. За настинки не сум го давала, само за ларингитис и отежнато дишење . Најчесто докторите ми кажувале за кои случаи може и да влошува, па не ми препорачувале да правиме инхалација.
Кај нас по градинкиве ретко е дете да е без мрсули и да не е болно,настинато. Кога почна мојов во градинка обавезно со трицеф завршувавме после 2 дена одење. На крај на 3 години почна по активно но среќа што ми беше инхалаторот ако почне проѕирен секрет хлорамфеникол ако почне да кашла да се затнува прво со синомарин ако не ја бива за ден два одма и гентамицин вклучувам неколку дена. И да ти кажам ние така проаѓаме сеуште. А да е оставен без ништо да чекам да качи температура после 20 дена нема да го оправам најмалце.
И јас да ми беше прва настинка сигурно ќе почнев со антибиотикот. Ама нас околу НГ не фати грип и на синко му се спушти на плуќа. Ама симптомите беа видливи, температура, омалаксан, дишењето не се утнува. Тогаш и тука добивме антибиотик и една инхалација. А во Мк освен кашлицата немаше друг симптом, дури и со стетоскоп одговорот на докторката беше многу климав, као не е спуштено, ама има нешо, ама да не се комплицира, па ај да не ризикуваме, мал е.... не ми влеа сигурност одговорот, а ако за нешто имам цврст став, тоа е дека антибиотик не се дава за секој случај. И не дадов, пошо знаев како звучи и изгледа кога има стварно на плуќа. Тоа е неспорно. Дали има потреба или не за секоја кашлица инхалација, па и не знам баш. Не знаев дека е пракса секој да поседува инхалатор по дома, а кога ги прашав другарките сите ми одговорија потврдно. Тука не ни можеш да купиш инхалатор, се рачуна ко медицинско помагало. Шо знам, они тука се со став дека треба минимална медицинска интервенција во раните години, со цел градење имунитет чии бенефити ќе се видливи покасно во животот. И тука по градинките е општ хаос, од октомври до март се е болно, ама тоа е и очекувано, никој не очекува поинаку. Скоро сите во моја околина не врзале повеќе од 2 недели во градинка.
Е да, немањето искуство и претстава како изгледа дете што стварно му треба антибиотик ќе ме натераше за малку да почнеме. Еве го сега уште се мачи со секретот, не кашла сма си фрчи со носето. Тешко ми е што вака долго му трае, ама па од друга страна среќна сум што првото разболување го поминавме без антибиотик.
Тешко ми е и мене, секој ден му вадам еден куп мрсули, плус има и кашлица сеуште. Ама еве се консултирав со доктор пак за кашлицата, ме уверува дека поради тоа што дишните патишта им се потесни, им треба подолго од нас скроз да се ослободат од шлајмот. Многу лош вирус зимава, и јас сум уште со кашлица, а сопругот сеуште има проблеми со синусите. Да не се повтори.
Ти барем вадиш. Јас многу малку му вадам, а се осеќа дека е полн. И јас бев болна заедно со него, ама не кашлав, само вадев некој лош леплив секрет преку нос. Ама нели немаме време да залегнеме ние, па ми помина од нога. Зимава баш е полна вируси, или нашата перцепција сега е подруга. Да поминува полесно само.
@Lavender13 Инхалаторот за дома го купуваме за да не одам 3 пати на ден кај докторката да го инхалираат. Пример, ние кога бевме мали не се сеќавам некој да имал дома ама затоа седев во ординација да се инхалирам.
So sto vadis? Zemi nosko za pravosmukalka sto e, ke prsnes fizioloski i ke vadis so nego sve ke izvadi.
Квалитетот на воздухот што се диши е многу различен затоа на вас во странство не ви треба инхалатори. Овде без инхалатор ќе се угушат децата. За жал тоа е суровата вистина.
Носко е врв, си се регулира притисокот независно од каква правосмукалка имаш, за неколку секунди носето е исчистено. Малце е бучно и мојот се исплаши првиот пат многу, сега ставаме антифони, седнуваме пред огледало и завршуваме работа.
