Итно! Прашања за здравјето на бебињата

Јас не знаев дека има ваква група. Ќе се цитирам тука.
Како се справувате со настинки кај бебенца? Немаме температура, туку течно носе и кашлица со помал апетит. 3м сме. Јаде адаптирано млекце

 

За носето редовно чистење со силен раствор. Може апетитот му е намален од што му е затнато носето и неможе да влече. За кашлицата најдобро ти е матичен да го слушне може и од носето да кашла, а може и инхалации ќе ви дадат. За затнато носе има едни лепенки се лепат на блуза или во близина каде што леже многу помагаат.

 

Девојки, бебко во понеделник прави три месеци. Има рефлукс и повраќањето ни е секојдневие но сабајлево во повратеното имаше како точкички кафено- црвено слузче.. многу мали количини.. што мислите, имал некој искуства?

 

Кај мојата имаше исто еднаш. Пратив на матичната, рече не е страшно затоа што се менувала цревната флора. Но сепак прашај си и ти.

 

Бев на дежурна сабајле, исто ми кажаа нема простор за паника.. еве бо текот на денов нема веќе ама сабајле малце паника ме фати.. фала ти.

 

Здраво мајки, несакајки ставајќи го послужавникот на хранилката, додека бебето седеше, му го стиснав едното палче. Веднаш вресна и почна силно да плаче - не се смируваше некој пола саат никако. Сега заспа па успеав да го видам палчето - отечено е и зацрвенето и топло на допир. Му држев ладно колку што можам и го потпрев да е на повисоко. Не знам што друго да правам душата ме боли колку плачеше Дали да одиме на лекар? Можеше да го движи нормално, но плачеше при допир.

 

Сигурно прв пат се удира. Мислам дека ништо не е. Тек ќе се удира и повредува. На син ми во градинка некако му го фатиле прстот со креветчето, мал беше тоа на почетокот беше, 2 годинки, црно му стана под ноктот и му падна после ноктот, јас ја памтам таа повреда ете. Ама поминува, си го стиснала малку, го заболело, ништо страшно

 

Така и беше, после дремката стана расположен и најнормално си го движеше прстот. Фала за утехата, да прв пат се случува, затоа малку подраматично ми беше.

 

Дали некој се соочил со ниска температура на бебе од 3.5 месеци
35.5 конкретно? Цела вечер имаше ниска температура сега има 36.2
А пред три дена па имаше 38.5 ама само тогаш дадов парацетамол 3 мл по препорака на др
Крвна слика покажувала вирус дека е

 

Здраво да ве прашам бебенцето ми е 5м едното окце му бега каде трееба да се обратиме некој со слично исклуство?

 

Од петок вечер сме во болница со температура која иде до 39 и се спушта до 38 и пак така во тонови. Редовно јаде и мокри, резлутати чисти, крв,урина исто. Антиботик еднаш само доби, чепчиња по потреба само му даваат. Веќе незнам што да мислам и што да направам. Некој со слично искуство

 

Се дешава после висока температура. Нормална појава е, се враќа телото во нормала.
@SanelaS ништо мајка, во болница сте, се грижи персоналот за се. Биди храбра, ќе пројде за брзо. Со лесно.

 

Благодарам многу за одговорот
Ќе се јавам утре на педијатар
Цел викенд навечер има ниска температура а денски е ок

 

Мајки имала ли некоја слично искуство испаничена сум многу последниве денови додека си седи бебка многу почна да мрда напред назад и лево десно со главата и горен дел од телото. Вади заби па си мислев од болката и е, дека и ушето многу го тегне. Последниве денови некако зачести со ова и почнав да паничам и пратив видео на педијатарот кај што ја носиме во Систина и ми закажа на невролог рече за секој случај да ја види на преглед. Сега не знам како ќе се смирам до прегледот, само читам мислам на 100 лоши работи, ве молам некој ако имал слично искуство да ми пише.

 

Не те сфатив точно, ама синко ко вадеше заби вртеше така со глава де на една де на друга страна нервозно и тегнеше уши.

 

Па прво беше така со глава лево десно ама деновиве напред назад со цело торзо почна некако да мрда. Некогаш е нервозно и тегне уши а некогаш е како игриво

 

Ти си го знаеш детето најубаво, ама јас бидејќи дома имам дете што и кога седи не седи него трча в место и скока, ми е скроз нормално ова што го пишуваш.
Прочитај за скок во физички раст, може ќе најдеш некоја поврзаност.
Секако ќе се консултираш и со невролог, ама мислам дека немаш простор за грижа.

 

Добро првите две запчиња многу лесно ги извади, горниве две ми го сменија скроз детето. Цела вечер неутешно се буди со плачење, температура крева до 37.8-38 и спушта, шлапка со устата, нејќе да цица, нејќе да јаде.. Исто и се удира по глава со раката додека цица. Можно ли е толку нон стоп да му варира температурата од тоа? Да дадам далерон кога е премногу кенкав и плачлив? Едвај го смирив ноќеска

 

Исто и кај нас долните две дупло полесно ги извади од горните, цел месец веќе се мачи со горните. Мојава не качи температура среќа ама знам дека може да се даде сируп над 38.5, под тоа не е баш препорачливо. Мачкај гелчиња ама не дека многу помагаат…

 

Можно е да. Скоро исто ни се случи да качи до 38 температура, па сама спушти, ништо не дадов. И толку не се повтори веќе. Ама еве кај нас горните кецови сеуште не излеваат, многу го мачат.
Види ако држи температурата повеќе од 2 дена, направи му крвна слика. Да не има па закачено некое вирувче, недај Боже.