Стави му кремче за хематом. Ако не повратил, и се однесува нормално, не е страшно. Како мајка што завршила на итна со дете заради: - дупната глава од удар во маса (шиен) - исечено под око од удар во радијатор - крвав нос од паѓање од точак - мавнат од метална лулашка во глава (ова све на едно дете, и да скроз ми е бела косата). Научив дека ударите напред на глава кај челото се најчесто безопасни. Посебно кај деца до 5 години. Ми објаснија и зошто ама не запамтив. Следи го, ама нема да му е ништо.
Мене машкото ми има паднато од точак пред оние лулашките за по 2 деца шо беа кај Авионче Аеродром и лулашката директно во глава во чело го удри, имаше оток ко тениско топче син огромен. Бевме ние на итна и на толкав оток нит снимаа, нит ништо. Исто рекоа само да мачкаме нешто за модрицата и да следиме однесување. По некој ден му спушти модро и накај веѓа капак и под око, па ако се случи тоа да знаеш е нормално при вакви удари...
Сосема нормално, дури и 37.3 се смета за нормална температура. Посебно кај деца под 2 години варира од 36.5-37.3
Дали вашиве деца помалку јадат периодов? Луѓе нема ниту еден цел оброк во текот на денот, веќе недела- две, бара само вода ама веќе слабее ја гледам, одбива се освен благо. Ништо не сака, баш ништо, не знам што да преземам. Веќе пие молерс, киндер имуно и пробиотик…
Да баш заприметив, само што стопли од 3 оброци намали на 2 и тоа со молење, и почна многу повеќе течности да бара
Прави и смутиња, здрави се ќе ја заситат и нема да е гладна, и можеш малку во фрижидер да го ставиш пред да и го дадеш да го испие. Ако ставиш банана внатре благо ќе и биде, а и ќе се освежи. Пробај, мислам дека нема да згрешиш.
Ден нема раат да сме. Се искака малава, 3г е, светло жолта столица ептен. А пишав и дека не јаде ништо деновиве, што може да е? Ќе ја носам сега во Авицена ама ептен испаничив, дали да се акаме до Систина не знам… Пробиотик редовно пие…
Зошто паники од една светла столица? Ако не јаде, не е невообичаено да биде таква, особено ако пие млеко. Ни Авицена, ни Систина не треба да одите, навистина нема потреба.
Вчера пиела, обично и кога давам е скроз разредено ама сопругот вчера и дал цела шоља. Се исплашив да не има некој проблем пошто ем не јаде ем столицава, да не има некој посериозен проблем… вака не се жали на ништо невообичаено ама одбива се можно од храна.
На топлово често одбиваат храна, нека пие течности. Смутиња пробај да дадеш, ладни од фрижидер, може ќе и годи свежината. Не форсирајте ако не јаде, ако внесува течности не би требало да е проблем. Направи нешто што сака да го јаде, што знаеш дека нема да го одбие.
Бебе 13 месеци, главчето, дланките и стапалата му се врели. Температура, колку што можев да измерам зошто дури и во спиење се бориме, 38.2 Спие на боди на кратки, покриен беше со тенка пелена, и таа му ја тргнав пак исто. Не е испотен, не е жешко во собата воопшто. Уште нема ниеден заб, дали можно е конечно да вади заби, па затоа вака? Инаку цело време си беше весел, не покажува некој друг симптом, освен што е жежок. Ете сега цица и ми жежи на допир. Детево до сега ми нема ни настинато, немам ништо дома за температура, дали има простор за грижа?
Не се плаши штом цица... веројатно е претоплено, гледај разладувајте го, и нека цица почесто. Посекако над 38.5 препорачуваат антипиретик. Ќе дежурате вечерва мајка ама веројатно не е ништо. Не знам дали смејш да му залепиш од оние ладните лепенки што ги стававме на боцнатото после вакцина ако имаш
Добро е штом се врели, кога се ладни значи дека уште ќе качува. Од заб толку тт не може, ама може има настинато поради паднат имунитет од забите. Прати го и над 38.5 дај му парацетемол. Секое прво разболување е страшно ама ќе помине и со тек на време ќе учиш како се разболува и што да правиш. Моето прв пат се разболе со 41тт лежевме во болница, ум немав тогаш ама помина и секое наредно разболување е полесно.
Го однесов уште синоќа на дежурен за мирна глава, ми беше страв да не качи повеќе, му ставија чепче парацетамол и препорака ако крева повеќе наизменично парацетамол со бруфен. Од сабајле пак држи околу 37,9 ќе следам како ќе се одвива, не е висока, не му давам сируп за да му дадам шанса организмот сам да се избори, секако е со некоја причина, ако крени повеќе ќе дадам сируп. Фала ви сепак @Mia Fuentes
Давањето сируп врзувајте го со состојбата на детето, не со бројките. Некогаш на 38.5 пие, расположено е, некогаш на 37.5 му е ужасно тешко и не сака ништо. Во првиот случај може да не дадете сируп и да следите. Во втората ситуација ќе дадете.
Мајки во Германија, кој сируп најчесто го давате за покачена температура? Ние имаме тапа болка во уво, дадов Неофен од Мк ми беше ама се потроши. Може слика што давате?
