Не знам. Нема кој да измери. Од око би рекла падната е, делува ибупрофенот кој орално преку шприц го дадовме. Кај да е, и на ова вриштење ваљда пак ќе почнува да качува. Во ваква исцрпена состојба не знам колку ќе додржи во ходников, барем да е на кревет, легната, додека чекаме урината да биде.
Не можам да сфатам кој им е тој систем некој да отиде на ургентен и да го праќаат да шета на воздух... Се фрустирам вака коа читам ама нема ништо да помогне тоа во моментов, среќа не ве пратиле вас. Пишувај ни кога ќе можеш..
Се нервирам, кај нас може и да те истепаат дете да врие со температура, а да го оставиш во ходник толку часа да чека. Крв дали, барем му земаа?
Ах бе Дани, сте се изнамачиле цел ден. Каков е тој систем и мене не ми е јасно, мало дете оставаат по ходници.... се исфрустрирав! Аххх само да ви помине побрзо!!!
Леле. Кај нас и шишенце лепат, јас се чудев, ама се собра убаво. Се надевам брзо ќе ви заврши голготата.
Фала што не мислите женски. Завршивме на одделение, после 4 часа се онесвести веќе. Ја приклучија на инфузија, зедоа крв за анализи, уште една лепенка залепија оти од третата што протече спасиле неколу капки па не била во ред. Сега спие....
Цела вечер те читам и се нервирам.Се изнамачи душиче.Штом сте на одделение веќе ќе се среди. Ајде да помини брзо
Малтретирање се тие ќесите, јас на машко не можев да го наместам, не па на женско. Се надевам дека барем малку спаднала тт. Се надевам оти открија што е причината. Ич не можам да сфатам како толку чекаат со висока температура. Побрзо да оздрави девојката!
Не дај боже на итна да отидеш е Германија.Си чекаш по принцип ред и ако има поитен случај доаѓа пред тебе и ти пак си чекаш.Ние еднаш со брза помош дојдовме на крај пак си чекавме 4 часа спала малата не е итно Најинтересно е чекаш и добиеш одговор вирус е не е страшно неме терапија ќе и мине за 3-4дена А во јавниот сите бегат од нејзиното кашлање да не се разболат ама гради чисти.После си викаш зошто дојдов зошто измачив дете.Зошто измрзнавме и дожд не наврна за џабе.Така со свиткана глава си одиш и чекаш да мине Ова да си олеснам малку и да ја и кажам на Дани добро е што не ве вратија со рецепт само па во 1часот аптека да барате.Со лесно
Ќе пишував и вчера и сабајлево, што да пишам Само зиркам да видам дека има детето дијагноза и соодветна терапија, ама штом се на одделение барем под контрола е. Нека помине побрзо Дани
Колку и да звучи сурово, постапките донекаде им се исправни. Ако размислите и кај нас не е (треба да е) поинаку. Единствена разлика е што барем кај нас лесно се прави крвна слика и не се чека толку. Јас максимум на детска на дежурен сум чекала еден саат. Ама другото исто е. Ако е вирус, нема како поинаку да се лечи. Кај нас мислам понекогаш се претерува со употреба на антибиотици за се и сешто и некако многу лесно се препишуваат, а страшно е што се даваат како бомбони, па дури и превентивно Затоа и е дојдено до тоа да се јавува резистентност кон антибиотиците, а тоа е застрашувачка појава. Во западниве држави од оваа причина се претпазливи, можеби и претерано кој да знае. Со лесно @danichap се надевам подобри сте.
И јас сакав истово да кажам ама страв ми беше. Напишав па избришав зошто некој може да ме сфати погрешно. И јас како @Ava.84 на пример и ми рекле вирус ќе помине за 3-4 дена и нервозен си, а зошто? До сега три пати така ми рекле и вистина било, џабе сум се изнакажала се и сешто. Баш тоа сакав да те прашам @Ava.84 , на крај сепак во право беа нели? @danichap можеби морале прво мокрача затоа што по симптомите ги асоцирало на бактерија во урина. Не знам кај вас какви се ходниците ама тука се преудобни. Моето еднаш плачеше вриштеше и мислев дека одма ќе се стрча некој и ќе ни помогне ама не. На крај испадна дека ништо не му е ама стварно така беше. Кај нас ходникот е цела игротека, има да се купи јадење и пиење. Како голем забавен парк е. Не е исто да се чека како во болницата во Мк која сум била тесен ходник со три столчиња и распаднати плочки и дува од секаде мириса или слично. Исто и на педијатар кога се јавувам за термин прво ме прашуваат што како и еднаш со право не ми дадоа термин. Крвна слика одма прават не знам зошто. Два пати немаше потреба според мене. Направија и кажаа вирус. И првиот пат исто ама дека прв пат немам замерка што направија. Дури еднаш кај педијатарот направија па за 3-4 дена во болница и им реков дали мора дека правевме пред три дена. Ми рекоа да и пак вирус кажаа.
Еве ме женски, нов ден, нова надеж. Почна со 40.4. Ставија чепче, падна до 38.5. Свесна сум како финкционира вирус, и сосема е во ред тоа дека 3 дена ќе има тт па ќе мине. Ама мислам не е грев да очекувам, или барам, термин каде докторот после преглед истото ќе го констатира. Не по телефон да не откачи сестрата, туку доктор со свое око да го види детето и да да го процени истото. Мислам лудост е едно мало дете од 10 кг да го чувам дома со +40т 3 дена оти јас од око сум проценила дека може е вирус, или па по телефон така рекла некоја сестра. Барем инфузија и приклучија, ја освежи. Се онесвести детето синоќа. И да, јас мислам не е нормално со 40.9т да дремеш на стол 4 саати. Ама уствари нормално е изгледа, па да не кукам оти сигурно тука е така за сите, не само за моето, не дека за инат така само нас ни прават. @gjokerce до болницата е. Тука чекалната е во ходник. Огромните врати, за влевање во зградата, на сензор. Ти се отвараат пред очи на секое влези излези на некој од зградата. Не е ниту чекална а не па да има детско ќоше(како што знае да има на пример во зградата на карши кога одиме на редовните специјалистички испитувања за Елизабет). Главен ходник е каде се врвчат кон стоп луѓе и секое отварање на истата го чувствуваш ладниот бран како дува. Имаш кажано дека кај вас даваат крвна слика, кај нас нема ниту тоа. Мислам еднаш дискутираме со @Kaetana и она е во дел баш како мојот. Научна фантастика е и брис и крвна слика...но тоа е. Ќе чекам фа видам што ќе донесе денот, дали нешто ќе кажат.
Сосема си во право, не е во ред да чекаш 4 часа со дете со 41 тт, нит па да го чуваш дома 3 дена со таа тт. Тоа е лудост. Жал ми е што се измачила малата, а и вие со неа. Ај белки сега ќе дадат дијагноза. Само нека поминува
Фала богу, секоја мајка си го гледа детето во каква состојба е, и некогаш нема време да се чека да поминат 3 дена. Оти можеби и не е вирус. Сме имале и ние ситуации, ќе се спакуваш среде ноќ за на итна, оти дете плаче без престан, со температура. Штом седнува дете во кола веќе не плаче. Таму ќе ти кажат оди во дежурна аптека, земи атб, оди си дома. Кај нас детската итна е во посебна зграда, има чекална со 5 столчиња и ординација. Некогаш сме биле и до големиот град, исто е. Фала богу па изолирани се, барем нема војвање друг народ и не дува од влезна врата. И не сме чекале многу оти немало гужва, на итната за возрасни сум чула за чекање со саати. Искрено, преферирам да одам кај матичната, барем црп има да измери, на итниве ни црп ни бутур. Па и зависи што доктор ќе се погоди. Од итна не вратија со антибиотик во сабота, во понеделник матичната вика каков ви е овој антибиотик, не е за таа дијагноза Па зависи и од случај до случај, кај истата матична докторка, моја пријателка се жалеше дека стално антибиотик им давала, нас дали 2 пати ни дала. Инаку денес по терапија за шарлах, прв пат и зедоа брис од грло. Втор пат во живот брис од грло и земаат. Резултатите ќе биле за 7 дена. За основни работи имам доверба во матичната. За друго, тешко, многу треба да се бара, дури да се најде саглам лекар. Што и да е, само со помин да е. И правилна дијагноза да има.
Системов на Немачка е КАТАСТРОФА, читам и не ми се верува што читам. Во ред е, со антибиотиците веќе јасно ни е дека кај нас се претерува, ама па да не го прегледа детето? Зошто? Нека не му дава антибиотик ама нека го прегледа барем. Онесвестено дете не им е итно. СТРАШНО! @danichap нека поминува што е можно поскоро.
@danichap се надевам дека малата е подобро и откривте што е причината за температурата. Инаку од моето единствено искуство со Германски систем (и чекање 6 саати во болнички ходник) со нервозно дете мислам дека е баш малтретирање. И тогаш пишав а и сега да се случеше тоа во Македонија, Менче Точи па сигурна недела дена ќе ја гледавме по телевизии, ќе имаше двајца натепани лекари и пет-шест сестри од прозор ќе летаа. @Alishan30 затоа браво за сите македонски лекари. Алал вера како се справувате со македонски нервозни пациенти. Ова во Германија за мене беше шок. Пред нос ни затворија шалтер и отидоа на пауза сите здружно (никој немаше), родители ко на некој јак лек за смирување чекаат без збор, деца вриштат, 40 степени без клима. Сум била и во Велика Британија на итна служба и таму се чека многу, ама барем таму луѓе се бунат што чекаат. Ова во Германија не бре сите седат дур не дај боже не приумре некој. Плус ова ние кај што бевме беше детска клиника па едно време спроведоа инкубатор со предвреме родено бебе со сите салтанати да се испотресеш, па девојче на носилка што стигна со ротација и такви сличо случаи се нагледавме. Лудило. Битно завршивме тогаш со дијагноза, веројатно зашто виде докторката дека не сме Германци, па се ни даде и комплет крвна слика и црп и асо и ехо. Ех а после со администрацијата се оправавме едно 6 месеци. Де од болницата де од тоа кранкенкасе или нешто слично добивавме пораки. Едни викаат треба да ви вратиме пари што ни плативте, други викаат вие да ни платите. А паралелно комуницираа и со осигурителната куќа. На крај осигурителната куќа превзеде, а после 6 месеци се разбраа некако (испадна требало да се плати кај тие кранкекасе па тие после се да вратат). Ќе да е дека и Германија не е тоа што беше некогаш (многу се намножија изгледа Балканци - мала шала).
Откако првиот пат ми рекоа да почекам 3 дена, а 39 имаше, после 24 саати тт лажам дека веќе три дена има инаку не би не примиле. Се двоумев и тука прашував нели дали е подобро да излажам и така одлучив од страв. Мене ми рекоа до 40 тт не е страшно, ако е подолго време 41 и 42 пак не е страшно ама може да дехидрира. Бактерија во мокрача за колку време се открива?
