Па никој од не алудира на тоа дека форумов е реалност, т.е реален живот, јасна ни е на сите виртуелноста и се што носи таа, и не ни мислев дека некој тука се прави жртва или ние го правиме, барем мене тоа ми е нон сенс и незамисливо. Секој си имал своја причина зашто се откажал од пишување, и без разлика дали напишал пост дека ќе си оди или не, не сметам дека глуми жртва. Не се сфативме но океј, секој со свое мислење. Едноставно се поочигледни се некои раздори или како и да ги наречете, без некој да е жртвата, може да се почувстува глупаво или непријатно или непосакан. И најтрагичното од се е, што не се само децата проблем, проблемот секогаш се воздрасните што се јавуваат демек како позрели и попаметни, а само на крајот излегува нешто друго. Ај да престанам да млатам празна слама во 1 саат и да изигравам шериф на правдата или не знам што, не ми оди очигледно.
Неможам а да не се сложам делумно со Абеја. И да потенцирам дека не се однесува конкретно за Трендафилка туку општо за сите бегалки од форумот. Според мене ако веќе се одлучиш да заминеш и притоа ги известиш сите со проштални говори подобро е никогаш повеќе да не напишеш ниту еден збор туку да си останеш доследен на своето. А тоа заминување па враќање и останати циркуси се навистина смешни и колку некој и да бил квалитетен форумски лик после тоа не заслужува почитување. И еве конкретно и за Трендафилка па и за многу други членки кои веќе не пишуваат тука многу ми смета што после првото поозбилно спукување во некоја тема одлучуваат да си заминат. Па и така ова е само виртуелен свет овде, без разлика колку и некој да ме напаѓа ако сакам ќе продолжам да пишувам и едноставно нема да придавам многу значење на тоа. Во спротивно излегува дека тие пишуваат за нас а не за себе. Јас конкретно ќе шкртнам нешто затоа што јас така сакам и мене да ми олесни а не за тоа како ќе бидам сфатена и каква ќе сум во очите на другите. Излегува дека како на нас останатите некој ќе ни напрети со тоа што некој квалитетен ќе си замине одовде. Ако веќе си одиш, замини си тивко, паметно направи Трендафилка што не се изјасни конкретно за тоа заминување, нема потреба од толкави драми овде. Жално е само во што се претвора форумот и очигледно ова е само почетокот на крајот.
Па јас не ни пишував конкретно за Трендафилка, не ни знаев каде е и што е, туку општо за причините за повлекување и кревање прашина околу истото, правење циркуси. А форумот е таков каков што ние го гледаме но и правиме и покрај тоа што не ни се допаѓа водењето на истиот. И власта и опозицијата не ни се допаѓаат, ама ние сме тука, живееме, се дружиме, опстојуваме. Дволичен, бидејќи Хуго е бос, може отишла да му купи кондури (од Италија)
Femina = Glamstik Форумот замина во неповрат и кај и да е,ќе пропадни. За нешто да успее секогаш треба да има две страни, а овде веќе ги нема. Јака им душа на модераторите (без администраторите),ама тоа е...
Јас, искрено, на форумов се уклучувам зошто едноставно сакам да ги читам темите за козметика, од една причина - најкорисни ми се. Факт е дека форумов стана срање (извинете на израз) откако дојде тој наплив на деца овде.Абре, читам некое мислење, отварам на профилот, 12-13 години. Значи сестра ми има толку, и таа бре нема помислено форум да отвори, а не па да пишува.Јас и ден денес го отварам форумот пред неа, а таа нема поим што е тоа. Отварам СДК да прочитам нешто паметно, искрено, што да видам...цитат до цитат превземен од некаде, мислења од типот на „бев ваму, таму, ова правев, тоа правев“, слики...значи ужас, прегледувам прва страна и одма затварам. Немате поим колку ни се смеат форумџии од други форуми, и во право се, дефинитивно Фемина се претвори во Гламстик. Ама, не си одам...не се уклучувам, туку од страна ќе си ги читам тие феминки што ми се допаѓаат, и ќе чекам администраторите да го опраат форумов.
А ако ви недостига квалитет на форумот зошто вие не се обидете да ги заживеете темите во (на пример) Психологија, Општи дискусии, Политика и т.н.? Во Што ручавте денес искрено не знам ни што очекувате да прочитате. Децата сигурно нема да коментираат на теми каде ќе бидат испишани подлабоки мислења ако не ги разбираат и ќе си останат на темите кои на нивна возраст им се гледаат интересни. Форумџии од други форуми се смеат, ама се смеат зашто таму активни се теми од областа на науката, историјата, глобалната политика, а овде цела дискусија се одвива во Величествениот и во СДК. Ви ја разбирам поентата, мислам дека и админите сносат одговорност за незадоволството и неажурното модерирање поради недостаток на членови со виолетови букви (од кои стварно мислам дека на една ама баш не и е местото у тој тим) но факт е дека квалитетни теми фаќаат прашина или воопшто не постојат, а при ваква дискусија многу од членовите ќе се истрчаат да кажат нешто воспевајќи некакви стари форумски времиња во кои не биле толку активни форумски игри, ама затоа 80% од мислењата иделе во Љубов и Секс колку што можам да видам од датумите). Категориите за Мода и убавина се сосема на место од аспект на мислења кои воопшто можат да се сместат таму, кога и да сум имала некое прашање, обавезно некоја членка ми излегувала во пресрет. Семејство, фитнес, здравство ретко отворам, скоро никогаш и не можам да зборам. Другата наука исто не ја отварам, ама е крш, треба да се среди. Музика, Филм изобилуваат со теми, но и таму е слаб интересот, освен ако не се во прашање турските серии и некои реални шоуа. Мене лично Образование и Литература ми одмилија за читање, првата зашто бараат само состави да им пишеш и да им раскажуваш лекции, а втората зашто у поткатегорија книги дискусија се води само за кич литература.
Мене смешно ми падна обраќањето на Билката. Не знам зошто толку ја изначудија препукувањата. Кога мачката ја нема, глувците оро играат. А бидејќи мачката исчезна, секој глушец ќе си тера по свое. Иако искрено, сметам дека добро се држиме и покрај тоа што од мачката абер нема. Само ќе набројам неколку души, што имам чувство дека фалат. Нормално дека секој си има своја причина, некои имаат обврски, се откажале или која било друга причина. Можеби повеќето од нив се тука, ама не сум ги начекала. Додуша и јас не се врткам во многу теми... Спојлер blond, vendiii, starbucks, CIA, Strumfeta93, Wild.Child, ljubam, TeddyGrey, TheCandy880, Hopeful, baguf4e, Phyramide, Plavusa.17, EleMental, FBI, LivingGlam, JoxyTheFreak, marama, sesilija, Jojoba, Theodora, AlicaInWonderland, Go-Girl, Cynthia, Miss-Independent, GeorGinnA, Sephora, Magnolija, innablood, Avril.09, SOVRSENSTVO, BeYourself, skyAngel, Lov3, La.Reina.Del.Sur, Saya, DAngel, rossonerka, Ammy.Lee, Pelikuna, LittleDevil, Mistery, cigarce, Nightwalker, esperanca, mysterious, enca.69, wolf4e, Rock-a-Fella, Offspring, 2468, Marilyn-Monroe, creshicka, Unfaithful18, Lolipop23, Tenkai, Lux, Rozich, x.Daisy.x, BoaVista, karak, Dushica-sk, Stoimenovska, GarpovaV, eli25, caroline.costa. Можеби во себе си викате, пф, која и` е целта на оваа што набројувала? Немала попаметна работа. Ама ете да прашам. Можно е за форум, да се чувствува носталгија? Значи не, не велам дека поновите членови не вредат. Има некои што толку ми прираснаа за срце, што едвај чекам да ги прочитам некаде. Туку криво ми е што некои од горенаведениве ги снема.
Покрај вината на администраторите, во голема мера и самите форумџики некаде си носат вина. Она за администраторите што имав да го пишам, го пишав, само ме изненади нивното изненадување за настантите. Малку да си го голтнат егото и да прифатат критика не ќе да е лошо. Но во други случаи други се проблемите. Дека жените имаат одвратна природа не е само овој последен настан, туку низа настани претходно каде администраторите не може да имаат никакво влијание на разумот на нивните членки. Дури и некои начини на однесување се уште ги има. Се уште се копа по фб која феминка е која, а дури ни форумов не е интересен до таа мера, можете да замислите што се случувало кога беше во неговиот зен, кога секој со секого беше ентузијаст да се дружи, па тоа кафиња организирање, па дечковци делење, па ти си мој најбољи друг,а три дена се знаат? И после си се истрпеа еден куп последици. Гледајте ја широката слика. Им се случуваше и на твитер едно време истото (ако не и уште трае). Никој со никого не се познава, сите си мастурбираат еден на друг, еј како му текна тоа да му твитне, па поштување, па едно па друго, па седат дома и смислуваат генијални твитови за да се импресионираат еден со друг. Доаѓа момент започнуваат средби, кафиња, запознавања, дружења, сфаќа секој кој е кој серко и почнуваа оговарањата, антагонизмот, хејтањето... И више ништо не е како порано. Се демистифицира секој и секое его има тенденција да си направи филм - еј па што, овој во живо и не е така јак како што го мислев. Всушност ретко која средба е изведена од вистинска желба, туку од сопствено его. Епа така беше и со фемина. Среќна сум што мојот балансот на запознаени феминки ми е ист како пред хм...можеби повеќе од година и пол. Не верувам дека администраторите можат да дојдат на вашите масовни кафе средби и да ви ги уредуваат односите таму. Со самото тоа што си правите луксуз да копате која е која по фб, е потребата на вашето мизерно его да се чувствува подобро во однос на себе си. Ај здраво.
Да не бидам погрешно сфатена, она со дечковците, мислев на добро познатиот настан кога две феминки се испокарале за еден добро познат фемин ( а па да беше уште и јак алфа мажјак, па да сфатам) благодарение на женската глупост. Кои беа и како беа протагонистките, не се дозна, освен за феминот ради малцинството на мажи на форумов. А не дека некоја украла нечиј дечко од претходно и слично.
За овој форум станува збор? Леле сега мораш да ми откриеш барем за феминот кој бил, па јас ќе откријам кои биле феминките.
А искрено што ви е гајле кој бил феминот алфа мажјакот, феминките кокошки и целата ситуација? Нешто ќе ви смени во животот тоа, драстично? Нема да можете да живеете без тој податок?
Опааа еве ја едната феминка, третина од работата е завршена А втората е анабела-а, зашто прва ја лајкна Хипстер Па ќе ми смени да ти кажам право, ќе ми го зголеми апетитот за вечер за скара А сега сериозно, каде е славица? Порано беше поактивна.
Големиот број деца на форумов е само последица на се што се случувало помеѓу повозрасните во изминативе години. Работите не се отидени надоле од вчера. Се согласувам најмногу со Лилит затоа што главно драмите по форуми започнуваат кога дебело ќе се премине линијата до којашто членовите си ја откриваат приватноста. До пред неколку години бев член на форум којшто пропадна од истите причини. Почнаа на велико да се организираат форумски средби, па на почеток сите се сакаат и се е супер, ама по извесно време се тоа почнува да се враќа како бумеранг директ во глава. Кога на тоа ќе се додаде неприсутноста на администраторите и недоволниот број на вистински активни модератори се добива рецептот за пропаст на еден форум. Друга работа, пред некој ден увидов дека темата за цветчето има над 200 страни Кога форумот би бил малку поедноставен за такви работи до некаде мислам дека ќе се намали тоа штанцање постови поради такви безвезни причини како „Каква боја ми е цветчето“. Или моментот со рејтингот. Кога тој би зависел само од темите каде што има дискусија, а не од мислења во специјални поздрави, трети смени, модни критики и сл. би било малку подруго. Кога ќе ми текне па дека од таа причина моментално има само 4 модератори... Не ме изненадуваат разните мотиви на членовите да пишуваат на еден форум и жебата да бидат прифатени и почитувани макар во еден виртуелен свет, туку искрено ме изненадува односот на администраторите на еден од најпосетуваните форуми во Македонија. Тие се оние кои што се одговорни за поставувањето на правилата и на менувањето на истите зависно од ситуацијата, затоа што форумот сепак секојдневно е подложен на разни промени и не може да се појавуваш еднаш годишно и да мислиш дека се ќе тече глатко благодарение на неколку модератори. Модераторската функција е на доброволен основ и постои само за помош, па би било многу неблагодарно да мислиме дека тие треба да го водат форумот. Знам дека малку повеќе забегав од темава и дека сигурно ова е кажано сто пати, ама кога поголем дел од предлозите на членовите би биле ислушани и можеби спроведени, тогаш верувам дека се помалку би имале причина да пишуваме во вакви теми и да се чудиме на заминувањето на голем дел од феминките. Како и да е штета за Анатх и Трендафилка, секое заминување на квалитетен член е губење на уште некоја квалитетна дискусија.
