Каде летово на одмор?

Валтос е песочна, но не природно песочна, како и сите останати носат песок.
Лично не ми е омилена, од се' во околина понудено, Писо Крионери и Саракинико се мој прв избор, зависно дали не ми се вози или ми се вози

 

Сте биле ли на Наксос и ако да, како се стига до таму?

 

Некој да ми даде предлог за каде на одмор оваа година?
Шпанија гледав скап ми е смештајот + летот е од Софија, Италија за местата со убави плажи нема и за таму директни летови треба да комбинирам пак со уште еден лет или воз/бус, Хрватска летови знам до Сплит има ама каде и како после тоа не знам, немам одено во Хрватска на одмор, Грција не ми се оди веќе Халкидики и Пиериа за други места по островите може предлози. Некој да ми каже искуство со одење во овие држави или може и сосем друго место како идеја, а да не е прескапо (да знам дека сите места што ги наведов се скапички )

 

Ѕирни кои се опциите за Крит и Кипар. Може и Родос. Има директни летови од Солун, со ок цени, а претпоставувам може и со конекција во Атина или Белград од Скопје. Ова подалечни грчки дестинации + Кипар.

За поблиски во Грција, а да не се овие типичните, прекрасни дестинации се Кефалонија на Јонско море, па и Крф, Лефкада таму, потоа Спорадите (Скијатос, Скопелос, па и Алонисос), ма да за нив траектот е изгор. Ако ви се патува малку повеќе, па и Атина да ја искомбинирате уз пат, може да ги разгледате и Милос, Наксос, Парос.

 

На иста мака сум гледав Кипар и преку Солун и преку Атина, гледав Малта, Сплит и на крај ништо не видов работава

Ако измислиш нешто кажувај

Не сум за Грција, не сум за Хрватска , за кај сум не знам ни самата. Сакам подалеку

 

Со сопругот за неколку недели ќе одиме за Италија. Сами организираме се. Летаме за Милано. Некој да ми каже како е со воз до Верона и Венеција, планирам и Поситано. Карти обично уплаќам преку trainline. Или може и на лице место да се купи карта?

 

Малта ти е наједноставно од тука, а и се наоѓаат многу ефтини карти. Јас би таму, ама само што бев па не сакам пак на исто место. Е сега не би ти ја препорачала за Јули и Август, многу е жешко. Јас бев прошла недела и супер поминав. Времето ни се погоди, не многу топло, а доволно топло да се бањаш. Убавото е што е мал островот и секаде и се можеш да видиш и ако си без кола, со автобус или фери. Смештајот се наоѓа и ефтино и пак бидејќи е мал островот не ти менува нешто каде и да си сместен. Можеби до крај на септември/октомври пак би отишла на некој ден, со тоа што би одела само по плажите

 

Може малку повеќе искуство за Малта најмногу ме интересира како е за капење дали се песочни плажите или со ситни камчиња?

 

Ние бевме сместени во Слиема, тоа помеѓу Валета и Ст.Џулианс. До Валета можеш и со фери од таму за 15 мин се стига мислам 3е беше повратна карта, ама ние оти земавме неделна автобуска карта со автобус идевме мислам дека околу 30мин беше со бус до Валета. 7 дневната автобуска карта е 24е и можеш да ја користиш и на помалиот остров Гозо. За плажите имаш секакви, и карпести и песочни и "градски" и надвор од град.
Ние најмногу идевме на плажата во Пачевил( или Ст.Џулианс, уште не сум сигурна што е што, едното вајда градчето другото населбата), плажата се викаше ст.Џорџ (додека ги научив сите светци...), оваа беше најблиску и можевме да одиме и после цел ден шетање на пр. околу 5-6 ќе идевме таму. Таа е песочна ама е градска, ние идевме со бус до таму дека имавме неделна инаку пешки 30мин има променада убаво е за шеткање.
Поубавите плажи ти се на северот, во областа Мелиеха. Имаш Голден беј и Ghan Tuffeha тие се на западниот брег и ја имаш Мелиеха беј и споено со неа уште една забораи името, таа е на Источниот брег. Таму на северниот дел има уште неколку убави песочни плажи ама не стигнавме да ги видиме. Овие ти се убави, долги, песочни, и морето не е одма длабоко ако ви е битно тоа. Голден беј (или таа до неа) мислам дека најмногу ми се допадна по атмосфера ама во Мелиеха најмногу ни се погоди времето, водата беше преубава, плава, топла... До таму од Слиема исто со бус, имаше директна линија (со тоа што се погоди да има работа на пат па кружеа нешто и требаше да мењаме ние бусови ама инаку не е така )
Исто ги имаш и Гозо и Комино помалите острови. Таму се иде или со траект или со оние организираните патувања, зависи од кај тргаш со нив цените беа 25-35е. Со траект е поефтино ама траектот иде до Гозо па од Гозо би требало со друг брод до Комина. На Комино ти е "најубавата" плажа, Плава лагуна, ама многу мала а има многу гужва уште во мај. Во Гозо имаш за шетање во градот, Цитаделата, има убави ресторани каде ќе ти се погодат некои наши и исто убави плажи има и таму ама ние дека бевме со ограничено време не бевме на плажите.
Ах и во слиема уште поблиску има уште едно заливче Балута беј каде има како плажичка напраено ама не беше најчисто.
Освен плажите, може да се прошета во Валета, Мдина и Рабат, Марсашлок (тука е и st peter's pool карпест залив за фрлање во море)
Ако сте повеќе за плажа одмор препорачувам сместување во северниот дел, Мелиеха или ст.Паул, за да не се возите 40мин секој ден за на плажа. А ако сте млади и ви се исто така искача, сместување со Слиема, искачање во Ст Џулианс, тоа ти е целото со клубови и таму ти е помодерниот дел, ко у друга држава се осеќав. Во Слиема имаш и голем трговски центар ако си и за шопинг.
За цени, некако скапичко беше, мислам за јадење во ресторани. Инаку во Слиема имавме Спар и Лидл, иако и таму некако поскапи беа цените од по Европа.

 

Леле нема да заборавам лани real feel 60 степени ко ни покажа. Ја таков пекол на земјава немам осетено до сеа.
А влажност на воздух да не коментирам, излегуваме од хотел прво температурен шок од под клима на пекол надвор, второ вдишуваш и воздух нема во тебе.
Не знам како живеат таму луѓево, убав е модерен, футуристички ама по улица не се оди.

 

Би сакала годинава да одам до Грција ме интересира ако некој знае во кој град беше тој кафе барот Eden of shaka

 

Дубаи не е за одмор преку лето да одиш. Од октомври до почеток можеби на април е топло ама убаво. Преку лето иначе на никој не му се живи, сите се спори

 

Препорачајте ми каде на одмор за со дете, сама мама со дете, тука и надвор од МК

 

Би ти ја препорачала Парга во Грција. Мене лично ми се допаѓа многу. Има агенции што нудат сместување и пат, доколку не одите со кола. Инаку секако зависи и од тоа каков тип на одмор сакате и какви места ви се допаѓаат.

 

kalitea

 

Имам купувано и на лице место, ама ем се поскапи, ем тоа автоматите им се комплицорани. Би ти препорачала да одиш со онлајн опцијата, трејнлајн се перфектни и поефтини ќе помонеш. Исто види со фликсбус не е лоша опција,

 

Имаш многу одлични можности во Грција. Одлична опција, најдобра во однос цена - квалитет е Неи Пори. Супер места се и Неа Флогита, Неа Плагија, Неа Каликратија, нешто поекономични од краците. После на прв крак било кое од Полихроно, Пефкохори, Калитеа, Ханиоти, на втор Никити, последново може и најскапо, иако пак генерално пристапни цени за нас. Може и Ставрос. Овие се на Егејско море сите.

На Јонско може Парга и Нидри на Лефкада.

 

Јас имам одено . Хотелите на море сама плажа. Мислам нема и некој избор на вили. Гратчето малку како на горнина. Доле покрај морето мало шеталиште со по некој рибен ресторант и кафичи. Горе на влезот имат дуќани со црковни работи од Света Гора. Плажите се убави со ситен песок и чиста вода. Друго нема ништо посебно.
Тогаш бевме во Теоксенија Хотел па за нешто посебно со тодлерот не шетавме. Се имаше таму.

 

Здраво да прашам дали некој знае каква е ситуацијата со Преспанското езеро, дали некој е бил во скоро време..Ме интересира дали е погодно за одмор со мало дете?