Каде на одмор со бебенце?

Топла беше да,посебно па поручек бара,малата не излегуваше од вода,а и јас сум посебно зимурливка

 

Мајки препорачајте место во хрватска за со бебе, и во кој месец е најдобро да се оди?

 

И мене ме тоа интересира одлучивме летово таму да го поминеме но идеа нешто плус подобро би било.

 

Ах Хрватска ,во душа ми е.Како дечко и девојка со мм цело време таму летувавме,лани баш се мислевме ама некако ми беше страв с малата како ќе го издржи патот,сега пак некако сум на мисла дали да одеме,само патот ме плаши ништо друго,иако ќерка ми обожава да патува во кола нема гајле.
Е сега од она што сум видела може да ви препорачам за со мали деца мене многу ми се допадна Брела,водата чиста кристал,нема многу гужви како на пр. во Макарска а блиску се,исто убави се и тие помалите местенца околу Сплит ,Трогир.Плажите не се песочни,може има и по некоја таква се наоѓа ама треба ептен да истражуваш каде се,а иако се со каменчиња баш се пријатни за седење бидејќи тој камен е природен и мазен,не боцка како во Охрид.Сме биле и во јули и во август и водата беше многу топла и многу посолена е за разлика од Грција,во август мислам дека е повеќе гужва дека тогаш доаѓаат многу италијани,се на се Хрватска мене ми е преубава.

 

@BoaVista мислам дека може да ни каже нешто повеќе за Хрватска?

 

Ovaa godina izgleda ke skokneme klasicen odmor. Znam ubavo e za beba na more, ama koga ne stigaat sretstvata ke sezadovolime so planina, prosetki do Ohrid, I nesto slicno.

 

Јас бев пред две години во Хрватска и е преубаво, ама за со бебе незнам баш. Е сега пошто јас сеуште немам деца, не знам дали ќе можам да ви помогнам, ама по некоја логика еве зашто сметам дека Хрватска не е за со бебе.
Прво, далеку е и стварно е мачен патот и за возрасен, ако се патува со кола или со автобус. 12- 15 часа е патување. Макарска е убава, чиста, клима супер, не е топло како Грција, ама баш подобро е, но плажите во Макарска се со камен. На плажата ситен камен или пљусак така го викаат хрватите, а во водата крупен камен, буквално неможеш да влезеш без влечки. На плажите во Макарска е многу гужва, значи буквално пешкир до пешкир, многу ретко да видиш лежалка, тоа повеќе на плажите што се за млади како Буба бич бар и др. Нема место децата кај да си играат на плажа. На гратската плажа во Макарска има тобогани и такви слични ствари за деца и за лудории во вода. Ако одите во Макарска, бидете подготвени да пешачите, зашто ако си близу до плажите (зборам за поубавите плажи кој се подалеку од пристаништето) ќе бидете подалеку од градот и обратно. Исто така Макарска е целата угоре удоле. Ако одите со дете обавезно барајте сместување во првите неколку редови, зашто угорниците се напорни. Друго што можам да ви кажам за плажите во Макарска е дека се длабоки. Неколку чекори и ти е до гради.
Според мене подобар избор за со дете се Брела, Башка вода или Тучепи. Помали се од Макарска, плажите во Брела и Башка вода се многу поубави од тие во Макарска. Каменот е многу поситен, во Башка Вода дури и како песок му доаѓа. Е сега, Брела е релативно скапа, али е многу монденска. Мене ме потсети на Азурен брег. Ама поефтино ќе се сместите во Башка вода, а од таму до Брела пешки е 10 минути одење, со тоа што одиш по патека покрај море, крошните од дрвјата од горе се испреплетуваат и прават сенка, по пат интересни клупички на карпи, убавина.
Тучепи ви го спомнав зашто од сите овие места е единствено што е порамно, нема угорнини и удолнини, има големи плажи и таму видов најмногу деца.
Уф ми вративте убави спомени од Хрватска. Јас ептен сентиментално сум врзана за Хрватска. Дечко ми минатата година во Дубровник ме побара за жена и имам убави спомени од таму.
Ако нешто подетално ве интересира слободно прашајте.

 

100% се согласувам со @BoaVista сум била повеќе пати во Макарска, Брела, Сплит, околни помали гратчиња, Дубровник, и неколку од островите, пред да имам дете. Хрватска е прекрасна ама патот е многу напорен за со кола. Исто така Хрватска е веќе неспоредливо поскапа од грција и за смештај и за храна, а логично поради далечината и патот е поскап поради патарините и бензинот. Ние веќе втора година си викаме ајде можеби следната ќе ја однесеме малата на Јадран. Не за џабе викаат шетате додека сте без деца, после е потешко за подалечни дестинации, посебно додека се многу мали.

 

Јас Црна Гора бев со 4 годишно дете.Кај се возевме 15 часа па уште и на граница два часа седевме.И си реков по топлото на толку далеку никогаш повеќе,освен авионски.

 

Nie odime vo grcka. Obicno sekoja godina na razlicno mesto. Bevme samo vo turcija koga sinko imase 3g so avion i super pominavme. Malovo ne saka mnogu vozenje pa so nea mi e pomacno da planiram. Lani bevme vo toroni a ovaa godina sakame da odime nakaj parga. Malku me plasi sto e podolg patot ama mm vika avtopat e pogolemiot del nema da bide strasno vajda. Od kracine mi e preku glava dosadni se. Ovoj del ne sme go videle pa da smenime malku

 

До Хрватска сега преку Косово и Албанија се стигнува побрзо и тргнување евентуално навечер за да се стигне наутро.Макарска да, не е за со деца ич,многу е гужва и еден куп млади,Брела и мене ми е најубава,ама да сместувањето е малку поскапо.
Е за цените јас не се согласувам дека е поскапо од Грција,по островите да, и накај Северна Далмација,Истра и Кварнер,а Средна и Јужна далмација(освен Дубровник) се тука некаде со цените со Грција,дури и за некои работи мене ми беше поефтина.Ова кажувам од последен пат кога бев пред три години,баш кога влегоа во ЕУ,сега незнам како е,може се сменило нешто.

 

@azalea ситуацијава во моментов воопшто не е за да се вози низ косово, уште помалку навечер, па и со деца.

 

Ние исто преку Косово бевме, ама долг е патот. Косово, Албанија, Црна Гора, па Хрватска. Патот е убав, ама е долг и напорен, мене ми беше напорен. Косово го минуваш за саат ипол - два, Албанија за околу 4-5 саата. Албанија има многу убав автопат, долг 150 км и мал дел од можда 100 км накај Скадар што не е автопат, ама пак е солиден пат, ама дека е низ планина пак неможе многу брзо да се вози. Црна Гора е мал дел ама ако те фати гужва по јадранска магистрала е страшно. Без гужва ќе ја поминеш за саат ипол до два. Од Херцег Нови до Дубровник има некаде околу 60 км, убав пат, така да за 1 саат се минува. Од Дубровник, минуваш низ босански дел Неум па до Макарска има уште 160 км, минимум 3 часа вожња.

 

Да,баш и мене тоа искрено најмногу ме кочи,некако шубе ми е да се возам ноќе низ тој пат.Да сме сами можеби,ама со дете

 

А со 3-4 месечно бебе може да се отиде на неколку дена во Охрид или во Дојран?

 

За хрватска би оделе со авион, нема шанси за со кола. Значи во игра се Сплит или Дубровник и околината. Или на некој остров ама од аеродромот да не е многу оддалечено Проблемот е што не сме биле па не знаеме ни едно место во таа околина.
Би сакале да сме сместени во хотел или апарман одма на плажа. Не знам во сопствена режија како би се организирале. Некое така мирно местенце со плитка плажа да може и бебе да го бањаме. Истражувам на нет ама немам доволно инфо. Ние би сакале одма да букираме да ми е мирна главата.
Јас со авион би одела и на некоја подалечна дестинација со бебуш, ама да ми е осигуран добар смештај место каде нема многу гужви и убава плажа пред се тоа ми е најбитно. А да организитам се сама па треба многу истражување на нет а тоа бара време.

 

Parga e son. Patot sosema malku podolg vo kimoletraza, no ubav i nov i brzo se stignuva. Ima edna planina ama tolku e ubav patot sto ne se ni zabelezuva. Za plazite na jonsko more nemam komentar. Jas letuvam isklucivo tamu. Parga i kako grad e super.

 

Ние сме за негде поблиску пошто не ни се вози... Малото има 1,5 год. Не ја знаеме Грција баш, од краците само во Полихроно сме биле. Што препорачувате - Пефкохори или Ханиоти? Или Неа Каликратиа ( искуство некој?)

 

Парга е супер ама смештајот на сама плажа е изгор, инаку гратчето е преубаво, има убави плажи во близина, градската плажа е многу гужва. Јули и август Парга е преполна со туристи, а бидејќи уличките се тесни не е баш пријатно за шетање посебно навечер.

 

Во Пефкохори не сум била, летово бев една недела во Ханиоти мене ич не ми се свиѓа. Плажата не ми се допадна бидејќи влегуваш и одма е длабоко, барем за со бебе/ дете убаво е да биде плитко. Не е ситен песок, туку камчиња. Гратчето некако безвезе, врие срби.. незнам некако тапа ептен ми беше. Не би одела пак.