Каде на одмор со бебенце?

Дали Пефкохори е добро место за со бебе? Планираме крајот август, почеток септември да одиме. Тогаш малото ќе има скоро годинка.

 

Ние бевме таму минатата година, убаво си поминавме. Поголема е плажата барем не е како на прв крак поширока е. Предност има мало шеталиште, каде да се купи за јадење, негативно според мене е само влезот на водата, едно две три метра и веднаш почнува длабоко. Нас ни се погоди период многу дуваше ветер наутро, а поручек беше многу убаво и мирно. Ние од сабајле одевме на една друга плажа xiropotamo на 10 мин возење од другата страна е и е преубава за деца рај, долга плитка песок. Има и за јадење/пијачки дел со убава сенка под дрва има и слободен дел од плажата.

 

Многу ти фала на корисното инфо! Посебно за плажава! Ја изгуглав, баш таква ми треба. Како Кариди е на Вурвуру.

 

Да ми препорачате смештај во Галичник за со бебе, хигиената ми е многу битна.

 

Ние денес се враќаме од Пефкохори. Бебето мое е скоро 7 месеци. Мене искрено многу ми се допадна, посебно за со бебенце.
Бевме сместено во Emily's Luxury Suites. Најнајнајтопла препорака за смештајот. Веднаш се на плажа, и си имаат нивна плажа. Лежалки следуваат со смештајот, кажуваш ден однапред за утредента да ти резервираат и колку лежалки сакаш. Плажата нивна е многу добра, песочна. Пречисто, чистат секој ден. Има доручек, кој е превкусен. Во склоп на истиот објект на приземје имаат ресторан (каде и се служи доручекот), Бакалис се вика. Прсти да излижеш колку е се' вкусно. Ручек, вечера - јадевме во ресторанот цело време. Маркет поголем исто има веднаш тука.
Имаат соби со џакузи на тараса, ако сакаш екстра уживање. Ние го заспивавме бебо и си уживавме во џакузито ноќно време.

Навечер има каде да се прошета, имаш ресторани, кафичи, таверни, слаткарници. Две ординации има кои работат цел ден, и навечер кога поминував во 11 ч беа отворени (за не дај Боже).
Мене лично местото ми е баш за со деца. Голем дел од плажата е јавна плажа, ако не сакаш на приватна плажа.

 

Фала ти за споделеното искуство и за препораката за смештајот
Сега немам дилеми веќе

 

Како се движат цените? Не ми дава на странава нивна.

 

И јас сега отворив, дојдов исто да прашам
@LadyR

 

Пишете им на бројчето на WhatsApp. Јас преку Букинг букирав, ама не им е цел капацитет објавен таму.
Ние плативме 140 евра од вечер, со доручек вклучен. Ама имавме соба со спална плус уште еден кревет како гарнитура беше. Зависи какви соби, цените им се различни.

 

Пишува дека нема паркинг, каде ја паркиравте колата? И дали беше скапо во ресторанот?

 

Немаат од хотел, ама се паркира на улица секаде. Ние малку подолу на улица паркиравме.
Инаку за цени, како за Грција.
Отвори на гугл ресторан Бакалис, има мени и ќе ги видиш цените.

 

Јас да се надоврзам на твоето мислење, пред три години бевме во Emily главно задоволни од смештајот, нивната плажа беше супер имавме лежалки вклучени во цената, кафе на плажа и доручек, тогаш плативме 100евра од ноќ, единствено што не не бендиса дека беше многу топло во собата, дали тоа централното ладење или што и да беше не беше во ред незнам. Имаше и еден инцидент, касно во ноќта пијани гости се расправаа и чукаа на нашата врата, нареден ден се пожаливме, се сеќавам за извинување добивме вино од нив. Генерално се беше супер освен што беше многу топло и некако притушно во собата.

 

Што знам, ладењето супер работеше. Го пуштавме периодично бидејќи не спиеме со клима заради бебето. Ама не ни беше топло воопшто. Девојчето што е како менаџер таму - Александра, е од Србија мажена таму. Српски си зборуваше со нас, префина, што и да треба одма излегува во пресрет. Ни даваше и крпи за на плажа. Јас од ништо немам замерки. Да можеше уште 3-4 недели да потрае одмор.
А за гости, може секаде секакви да се погодат.
На плажа до нас се степаа од Србија некои заради лежалки.