Јас сум речиси целосно сигурна дека тоа го пишуваше на кутивчето од серумот, сега баш прогуглав да најдам дали некоја блогерка ја има сликано декларацијата да поткрепам и со факт, ама не најдов таква слика. Масна е ноќната од невен, кога ставав од неа веднаш ми сјаеше лицето, ама не ми беше важно бидејќи до утредента го немаше тој сјај. Значи сепак си и дала шанса, јас мислев воопшто не сакаш да ја пробаш- тоа ми беше чудно и затоа прашав за серумот. Мене така ми го впива лицето серумот, дури интересно ми е, додека ставам на челото, веќе е впиено на образите, си велам зарем до толку ми е жедна кожата? Епа ако ти одговараат универзалните, тогаш користи ги нив, ама прашање е дали нема да ги затвараат порите...
Мислам дека ја чувам кутијата, ќе проверам, иако мислам дека тоа важеше за кремата сепак. Како и да е, ситуацијата уште ми е под знак прашалник, а ноќната на Афродита едноставно морав да ја пробам кога веќе ја имам дома , ама ете, и` се посреќи на мајка ми, сепак. Nivea засега ми е навистина во ред, иако подголтнувам секогаш кога нанесувам баш заради тоа - одвај се опоравив од митесерите предизвикани од кокосовото масло, па внимавам како и колку нанесувам. Најчесто ми се појавува ваква прекумерна дехидратација навечер, а не користам некои агресивни средства за нега или отстранувачи на шминка. Ова е баш примамлива понуда, ќе размислам дали ќе го земам сетот од Лореал, иако убедена сум дека нема да издржам да ја пропуштам приликата, мицеларната вода е прекрасна, кремите ми одговараат. Зошто да не.
Која е подобра како подлога за пудра, L'oreal Triple Active anti shine или Nivea visage moisturizing day cream? Купив на Балеа (http://img01.cp.aliimg.com/bao/uploaded/i4/875625815/T2euByXx8XXXXXXXXX_!!875625815.jpg), ама се зафркнав, откако ќе ставиш пудра се прави нешто слично на рѓа..
@sesilija Јас го зедов тој сетот од Garnier, во право си навистина е добра зделка . Јас одамна сакав да ја пробам мицералната, ама не можев да ја најдам овде па вака супер ми дојде и многу поефтино. Иначе кремот од овој сетот од Garnier е за сува кожа, имаше и друг сет исто од Garnier две креми ноќна и дневна мислам во зелено кутивче беа.
I am devastated. Почнав да ја користам Triple Active na L'oreal за нормална и комбинирана, и сега светам дупло. Не знам дали да плачам или да се смеам...Не ставам премногу, а сабајле кога ќе станам бетер од лампион сум, значи се рефлектира светлина од мене. Моментално убаво се впива, и имам пријатно чувство, ама после некое време настапува хоророт. Ќе ставам уште некој ден, ако не ќе ја подарам или евентуално ќе ја чувам за во зима да видам како делува...
зелениот за тие што имаат мрсна кожа,а жолтиот е за посува кожа одлично хидрира,од авон се цената им е 139денари
Најубава крема до сега LEA против старење на кожата.Прекрано мириса, има фина структура .Пристапна цена.Едно големо благодарам од мојата кожа на лицето до ФИТОФАРМ
Од каде ја купуваш кремата, ај стави некоја сликичка да ја видам. Јас имам нормална кожа и лице ама сакам да почнам да користам нешто.
Ja купувам од аптека.навистина сум презадоволна.Побарај дневна хидратна крема, која одговара за сите возрасти.Јас ја користам против старење на кожата зошто сум 40+.Цената е од 300до 350 денари ама доста е густа и понекогаш ми трае и по 3 месеци.
@Mishela сакам да те прашам за ноќната и дневната крема од Афродита од невен што е и камилица, да ми кажеш некоја пофалба или критика..мислам дека наназад имаше пишувано несум сигурна,денес си земав..би ти била благодарна..поздрав
За ноќната не би можела да дадам некоја реална критика, затоа што ја нанесов само два пати, а потоа ја оставив кај мајка ми. Не знам, на прво користење ми се виде баш богата и хидратантна, иако јас би сакала нешто подлабинско и малку полесно, а сепак хидратантно. Исто така малку е мрсна за мој вкус, ама претпоставувам дека такви се сите ноќни креми. Нејсе, јас ја оставив. И кога во иднина ќе барам ноќна крема, ќе се потрудам да најдам некоја со безмасна формула, ако воопшто постои таква. Дневната е во ред, ми се допаѓа и ми одговара, само ме нервира тоа што ми се впива премногу брзо. Не ми прави масни наслаги, лесна е и пријатна. Единствен проблем ми е повторно тоа што не ми е доволно хидратантна.
По 170 ден се, и нема потреба да се даваат повеќе пари од тоа. Предходно ја имав oil control која ја земав за 500 заедно со серумот, кој уште не сфаќам за што е, го користам кога сум при крај со крема како резерва. Супер се и двете, ноќната е хранлива и густа, кога ќе станам сабајле лицето ми е меко, дневната е лесна и убава, не знам како да опишувам сеа креми, али за тие пари се најдобро нешто што може да се купи. Значи тоникот ми е поскап од двеве креми заедно.
Јас моментално ја користам дневната крема од роза од Dr. Hauschka, се нанесува мала количина од кремата на навлажнета кожа од тоникот. Многу ми се допаѓа. Линијата на Хаушка нема креми за ноќна нега затоа што според нивната филозофија кожата навечер треба да биде слободна да дише и сама да се обновува. Имаат само ампули кои се користат во циклус од 28 дена. Тие се на водена база и има ва вида S и N. Како за вечерна нега Хаушка препорачува убаво чистење на лице и само тоник за лице. За дневна нега има многу креми и ги имам пробано сите и можам да ти кажам дека се супер, навистина барем за мене фантастично одговараат. Сега зависи се од видот на твојата кожа. Доколку имаш сува ти ја препорачувам оваа од рози која јас моментално ја користам (јас имам комбинирана кожа, ама сум голем љубител на помасни креми и сфатив дека подобро одговараат за мене, што немора да значи и за другите), доколку имаш потреба за полесна крема имаш убав избор помеѓу роза лајт, или од дуња, а за масна кожа има масло (филозофијата на Хаушка е дека со масло се победува масло) го имам пробано со оглед на тоа што како што реков обожавам помасни работи и можам со сигурност да ти кажам дека маслото ја нормализира масната кожа, а лечи дури и лузни од акните. Се надевам ти помогнав Поздрав
Дали некој користел нешто од органската козметика Fleurance? Француски бренд е, баш вчера во Зегин имаше промоција и многу ги пофалија кремите а и достапни беа цените. Земав да пробам хидратанта крема од алое вера 400 ден. Сакав на лореал да земам ама ми рекоа дека овие креми биле многу добри и плус органски производи.
моментално ги користам на орифламе Оптималс охиген бост -day и night не сум баш задоволна искрено мислев дека подобри се ...но ок др месец се вракам пак на лореал
Последно ги користев L'oreal triple active anti-shine и Neutrogena oil free moisturiser. Лореалот ми беше нешто пофина меѓутоа од двете светнувам за брзо, а за поскапа не сакам да ризикувам. Се изнамачив и со кремиве и со пудрите. Конкретно за некој што ги има користено кремиве, нешто подобро до кај 400?
Одговара ли оваа крема на млада кожа?Имам скоро дваесет години,а за оваа ми кажаа дека одговарала и на помлади ама сакав да си прашам.Ми треба крема што ќе ја користам како ноќна крема, а оваа ми изгледа погодна за мојата проблематична кожа. Засега ја користам Лореал Трипл актив од зелената линија преку ден и како подлога за пудра.Ја имам и Еуцерин дермо пјурифаер ама не сум задоволна. Ми треба искрено мислење дали вреди да ја купам.
Не знам дали одговара, најверојатно пишува на сајтот на Алкалоид и можеш да најдеш некои податоци во врска со тоа, ама штом има овошни киселини, избегнувај да ја нанесуваш во текот на денот. Овошните киселини лошо реагираат на кожата под дејство на сончевата светлина и топлина.
