Каква крема за лице користите?

@koritsaki знам дека и ти имаш масна кожа и имаш искуство со креми, како што читам, би можела ли да ми препорачаш крема со спф под 50ка само не на Авене, зашто и тој ми ја масти..

 

Здраво драга, маслото од рози на алверде и е омилено и го имам користено. Може да го земеш како ноќна нега и да го нанесеш на благо навлажнета кожа за подобро да се впие и да ги искористиш максимално ефектите. Што се однесува за дневна крема денес ќе поминам до ДМ да разгледам некоја похидратантна а да биде ок за твојата кожа (иако не знам што би можело да ти одговара, затоа што не те познавам ама ќе се обидам, барем според состојките). Не знам колку години имаш (може си ми кажала ама не ми текнува) ама за вадење на шминка од алвере според мене е најдобар двофазниот маслен производ со гоџи бобинки. Наменет е од 30-та година. За мене е најдобар до сега барем од алверде.
за миење на лицето го имам пробано само оној детергент со морска кал кој мене ми се допаѓа и не суши, ама еве ќе разгледам и тоа денес па ќе ти пишам. Поздрав.

 

@koritsaki фала ти ќе ги разгледам..Ако некој друг има искуство со некоја добра крема со спф нека ми пиши

 

Ги земав вчера пак горе споменатите бидејќи неможев да најдам по соодветни,едните за мн сува,др за комбинирана и морав пак овие,ама ако најдеш ти некоја слободно пиши ми па ќе купам да си имам на залиха,инаку 25 години имам.Фала

 

За маслото од роза и јас гарантирам. Имам комбинирана кожа, но лани на крајот од зимата (бев многу болна) лицето ми беше многу дехидрирано, ми се лупеше, посебно под очите каде ми се појавија и брчки. Од маслово кожата ми се предороди. Летово паузирав, а од пред една недела почнав пак да го користам ( само навечер) во комбинација со Е- витамин околу очите. Мислам дека и целата колекција на Алверде е на попуст деновиве, ама и онака не е скапо (околу 220 ден).

 

Не знам мила, вероjaтно е истиот само со нова амбалажа, не верувам дека го смениле составот

 

Ова ли е маслото,во Гтц и кај Беко не го најдов?

 

Да, тоа е. Просто прекрасно е маслово. Еве гледам дека и на други им одговара. Чудно што го нема во ГТЦ обично се супер снабдени. Пробај Веро/Џамбо или Сити Мол, а мислам дека и Капитол би требало да го има (ама те рашетав низ Скопје )
Поздрав

п.с.

оваа крема многу ми се допаѓа.

Еве ја декларацијата.

Aqua, Persea Gratissima Oil*, Glycine Soja Oil*, Alcohol*, Glycerin*, Polyglyceryl-2 Dipolyhydroxystearate, Cera Alba, Polyglyceryl-3 Diisostearate, Betaine, Oenothera Biennis Oil, Olea Europaea Fruit Oil*, Prunus Amygdalus Dulcis Oil*, Simmondsia Chinensis Seed Oil*, Chamomilla Recutita Flower Extract*, Tocopherol, Glycerin, Parfum**, Helianthus Annuus Seed Oil, Zinc Stearate, Magnesium Sulfate, Limonene**, Linalool**, Citral** *ingredients from certified organic agriculture **from natural essential oils

од она што може да го заклучам од декларацијава, формулата е вода во масло (значи е малку помасна), така да дава огромна хидратација и истовремено ја храни кожата. Авокадото е одлично и во спречување на брчки или ситни линии кои се јавуваат како резултат на смеењето. Не гледам некои специфични анти ејџ состојки (освен моќта на маслото од авокадо).

доколку сметаш дека е премногу масна за твоето лице (спомена дека лицето ти свети) ставај ја само на сувите делови, а за челото користи ја онаа што ја имаш дневната alverde tagescreme vertrauen. Поздрав.

 

@Biodevojka која крема за лице би ми ја препорачала за нормална кожа?
Фала многу

 

Здраво драга, за колку години и до која цена? Поздрав.

 

30 год. и до 500 ден.

 

Здраво драга, на германскиот сајт на ДМ ја најдов оваа

провери дали ја има овде.
Доколку ја нема пробај ја оваа

оваа е за нормална до комбинирана кожа, ама е високо хидратантна. Иако јас најискрено би ти рекла да земеш некоја похранлива со оглед на тоа што се наближува зимски период како на пример една од овие две




без разлика на тоа што се за сува кожа може слободно да ги користиш затоа што зимно време од студот кожата додатно се суши.

Моментално ти се на попуст сите производи на алверде (не знам до кога). За до 500 денари само овие би ти ги препорачала.
Изборот е сепак твој.

 

Подобро би било да ја користиш наутро оваа од Anew, бидејќи е дневна крема со СПФ.

 

Оваа последнава ја нема кај нас,баш убаво ги разгледав сите пред некој ден,има една со авокадо ама со виолетово капаче мислам дека беше.До денеска се на попуст

 

Луѓе дај препорачајте добра крема за флеки од акни, мрсна кожа до 1000 ден

 

Ако не ти пречи, ќе ти кажам мое искуство со кремата.
Како што пишав погоре имам нормална до комбинирана кожа која во еден период лани ми беше многу сува. Ја земав кремата заедно со маслото. Веќе трошам трето кутивче од маслото, а кремата ми стои така. Прво, многу е густа и многу тешко се размачкува. Друго, не е воопшто хидрантна. Не знам како да го објасна чувството што го добивав на лицето... Тешко, но не нахраното. Единствено пробав неколку пати да ја нанесам на навлажно лице, па така беше нешто подобро, но далеку бев од задоволна.
Од друга страна, од маслото сум презадоволна и би ти го препорачала наместо кремата.