Каква крема за лице користите?

Ми требаше нова крема, и како за среќа, се поклопи периодот со 8-ми Март, па во Космо имаше голем попуст на high-end кремите, меѓу кои и намалување од 40% на Клиник. Порано ја користев Superdefence, и тоа со години, ама бев помлада тогаш , па ги разгледував другите Клиник креми овој пат и се одлучив да ја земам Moisture surge гел кремата (има гел верзија и intense верзија, која е за сува кожа).

Бев многу скептична дали да ја земам, иако имам читано многу добри reviews за кремава на нет од луѓе со масна кожа како мојата. Ме плашат називи како Moisture , си мислам дека ќе ми биде премногу за маснава кожа, ама о како сум се излажала! Гел формулата ја прави совршена дури и за најмасната кожа. Нема дополнителна маснотија, нема сјај, едноставно гелот толку фино се впива во кожата за 2 секунди и го прави лицето најмеко на свет. Забележувам разлика (позитивна) и во текстурата на кожата, некако ми е помазна и ми исчезнаа сите оние ситни точки што ги имав низ неа. Не зборувам за акни, акни немам, туку едноставно нефината текстура на лицево ми се исчисти. Ја користам една недела, 10-тина дена, а веќе добив неколку комплименти за кожата на лицето и прашања што користам.

Ја препорачувам топло на сите, без разлика на типот на кожата, единствено мислам дека за екстремно сува кожа не би одговарала заради гел формулата, можеби во тој случај би била подобра intense верзијата. Но за сите други типови на кожа, вклучувајќи и масна - и тоа како ја препорачувам. Служи и како одлична основа за шминка, пудрата легнува врз кремава совршено. Единствена маана што би можела да ја наведам е што нема SPF, барем на амбалажата не пишува, а кутијата ја фрлив веднаш откако ја отворив. Сепак, преубава крема, лесна како воздух, немасна, а хидрира и пополнува фини линии одлично.

Јас ја земав на минус 40% во Космо, во верзија од 30 мл (има и од 50 мл), а цената беше околу 1.100, што мислам дека вреди, бидејќи една трунка од кремава е доволна за цело лице и врат. 30 мл ќе ми траат 6 месеци сигурно, ако не и повеќе Кога ќе ја потрошам, дефинитивно пак ќе си ја купам. Криво ми е што не ја открив порано, за зима би била и повеќе од совршена, ама и вака ми е одлична. Клиник досега не ме разочарале со кремите, прекрасни им се, и што е најбитно - природни се, без вештачки мириси, некомедогени и неалергени.

 

@koritsaki не сум ги пробала Pep Start на лице, само на рака, во Космо, ама не ми оставија некој спектакуларен впечаток за да посакам да ги пробам. Не знам зошто, маркетингот на тие креми го сфаќам како да се за помлада популација, демек да освежува, да те разбуди од сабајле, штознам Имам пробано тестер само од кремата за околу очи Pep start, ок е, ама ништо посебно.
Инаку, сината кога ја пробав на рака, баш ми се виде лесна, освежувачка текстурата, чудно е што толку ти го масти лицето, а што викаш Superdefence e прилично густа, па сепак со неа тоа не е случај.

Види можеби жолтата ќе ги одговара повеќе. Ако и таа не ти е добра, дај и' шанса на Moisture surge, нека не те плаши тоа што е за хидратација, предобра гел крема е

 

мислења?

 

Предлог за интензивно хидратантна крема? По можност да не е мрсна и тешка.

Образите ми се пресуви и користев Vichy, ама не бев баш задоволна. Се мислам дали Еуцерин Аквапорин да ја земам или некоја друга ако имате предлог?

 

@CinnamonBambi Би ти ја препорачала оваа крема:



Не е органска, ама природна е во секој случај, нема парабени, силикони и нафтени деривати. За сува кожа е, ама не ја мрси кожата, откако ќе ја нанесеш лицето ти добива еден убав сјај, ама не ти свети. Цената е некаде околу 300 денари и можеш да ја најдеш во сите аптеки.

 

@CinnamonBambi, јас би ти ја препорачала оваа:

Малку е мрсна ама феноменална ми се покажа зимово! Ни црвенило ми се појави, ни лупење, ни затегање а знаеш какво беше крш времето- надвор кочан ладно, внатре сув воздух. Цената е под 200 денари, прилично споро се троши и е органска козметика.

 

Фала ви многу девојки Малку касно го видов ова, веќе ја купив од Еуцерин кремата зошто снемав било каква крема (само со кокосово масло се шлапав вчера и денес за да не ми е суво лицето), ама ќе ги имам на ум овие и може ќе ги купам да ги пробам.

 

Некоја ја има користено? За нормална до комбинирана кожа е

 

Каде се најевтини кремите на Dr.Hauschka? Zegin, Еурофарм или?

 

Најчесто Зегин е поефтин од Еурофарм. Зборам воопшто. За кремиве не знам.

 

Devojki hidrantna krema ili serum za lice? Nemora da ima faktor, samo mnogu mi e vazno da ne ostava masen sjaj. Se mislam megju serumot na Balea I onaa na Fleurance so aloe vcera.
Ako imate nekoj predlog pisete mi. Neka bide do 1000den.
@Biodevojka imas li ti nekoj predlog?

 

Јас го имав розевиот серум на Балеа и преубав ми беше.

 

И серум и крема. Вака лаички, колку што сум читала, употребата на серум не ја исклучува кремата и обратно. Првин се нанесува серум, па по кратко време и крема.

Кремата на Flurance со алое вера, во најмала рака, е божествена. Ја комбинирав (веќе ја потрошив) со серумот на Лавера со хијалурон и ефектот беше феноменален за мојата кожа. Всушност кремата беше поубава од соодветната дневна крема на Лавера од истата колекција.

Серумот што го споменав е овој . Според пакувањето е погоден за возраст меѓу 25 и 45 години. За цена, не сум сигурна, зашто тогаш купив цела колекција, но ми чини, во никој случај не беше поскап од 20 €.

 

@Elence93 a za kakva koza e rozeviot? Deka jas zboram za zeleniot.
@do-re-mi inace nema da mi odg imam 19god. A za kremot od aloe dali dobro ja hidratira kozata. Imam cudna koza koga ja mijam nekako mi e normalna a posle vo tekot na denot mi stanuva mrsna. I ne sakam da bide nesto sto ke ja mrsi ili pak ja pravi skros mat.

 

И јас имав проблеми со суво лице, посебно оваа зима. Сега ја открив кремата од Нивеа наменета за сува кожа и се преродив. Мислам дека беше нешто околу 300 денари.

 

@mila7 , кремата со алое од Fleurance би требало да ти одговара, а серумот што го споменав, прескокни го - млада си. Се надевам Биодевојка ќе ти даде некоја идеја.

 

Пишува за сите типови кожа, со витамини и овошни киселини, додека зелениот е за комбинирана и мрсна кожа. Еве една рецензија за двата. http://www.makeuparena.com/2014/07/dm-8-balea-fluidi-za-sve-tipove-koze-i.html?m=1
Сега гледам дека си пишала серум, а на ова пишува флуид, па можно е за различен да збориме.

 

Здраво драга, за каква кожа станува збор и која возраст?