Каква крема за лице користите?

А ја пробавте ли гел кремата на Балеа, од онаа сината колекција.
Составот на кремата е approved од Биодевојка уште одамна, а да бидам искрена мене ми е фаворит за летово.
Прекрасна е и како подлога за шминка и нанесена самостојно.
Ниту масти, ниту ја суши кожата. Баш по мерка ми е мене.

 

@Mishela за оваа ли збориш? Оваа ја немам пробано, пената само , и ми се допадна многу

Инаку ја имам пробано таа кремата што излезе негде април месец во продажба заедно со серумот , ама некако леплива ми беше на лицето и веќе не ја користам

 

Не, мислев на оваа ама прочитав дека не ти се допаднала.

Кога ќе се впие немам таков проблем со неа, многу ми одговара и не би ја сменила засега. Вредеше што дадов шанса, лицето не ми се замастило цело лето, а некогаш не ставам многу камена пудра преку цело лице. Ептен е успех тоа за мене, со оглед на фактот што немаше утро да не се разбудам целата покриена со масло во Т-зоната.
Вака со гел-креми преку ден и Алверде дневната крема од роза како ноќна ми е одлично.

Едит: Оваа што си ја постирала ми е следна за купување, ги имам гелот и пената за миење лице па баш сакам да ја проверам и кремата. Не е воопшто скапа.

 

Да , ќе ја пробам и јас , ќе и дадам шанса , пената ми беше одлична а не знаев дека има и гел за миење лице

 

Мислам дека има силикони некои во составот, не е најприроден ама навистина е нежен, многу ми се допаѓа целата колекција.
Баш утре ќе ја видам кремата, ќе се пофалам ако ја бидува.

 

@Annath оо навистина ли
Леле баш ми е криво , баш сакав да ја пробам ама штом е така ич да не ја купувам.

@Avery јас ја користев таа на Гамард кремата себо контрол , одлично матира само често во последно време осеќав како затегнатост во делот на образите , јас би ја препорачала за тие што имаат претерано масна кожа

 

Јас ја купив пред некој ден кремата од Балеа што ја зборите погоре. Ми се допаѓа како го хидрира лицето ама не знам како ќе се покаже како подлога за пудра, не сум стасала да ја пробам за таа намена.
Засега мислам дека убедливо најдобра ми е гел-кремата (минт тубичка) од Балеа и не би ја менувала.
Во зима Алверде кремата со роза, во лето оваа гел-кремата од Балеа.

Плавата крема за нормална и комбинирана кожа е 170 денари, така нешто. Не е скапа и според мене океј е да и' се даде шанса ако не друго.
Секако ако не е добра како подлога за пудра ќе и се најде намена како ноќна крема.
Мене ми се допаѓа, навистина убаво го негува лицето и Т-зоната не ми е замастена наутро кога се будам.

 

@Mishela јас поради тоа што Аннатх ми кажа дека не е баш ок за масна кожа , ја земав таа кремата во минт опаковка што ја имав земено во април , што викав дека ми е леплива, а и ти ја користиш. Не знам , реков да и дадам втора шанса еве ја користам сега втор ден и мислам дека е ок , дали тогаш нанесував премногу поради што е геласта , не знам

 

Да, видов дека си ја купила, се прерадував ко за себе.
Баш пиши апдејт за некое време, мене навистина ми се погодија многу и кремата и серумот.

 

@Annath кожата ми е многу понормализирана од некогаш, не ми е веќе масна туку комбинирана и тоа преку целата година. Конечно нема повеќе драстични промени од масна кон нормална/сува при премин од една во друга сезона.

Моментално од целата Т-зона само носот ми прави проблем и тој ми е најмасната зона од цело лице, другото е океј. Кремата со лотус многу ми одговара, дури и јас се изненадив, фина ми е ептен.
Да напоменам дека не ја користам како подлога за пудра. Само за хидратација, како дневна крема дури сум без шминка и како ноќна.
Плавата колекција Балеа многу ми одговара за нега на лицето, подобра ми е и од зелената на која и' бев верна изминативе неколку години.

Аква серумот и јас го користев, меѓутоа овој зелениов серум ми е многу многу подобар.
Мислам дека конечно си најдов солидни креми за нега на кожата, па да видиме до кога ќе трае радоста.

 

@Mishela
Серумот е овој така? ако ми се погоди кремава , може и него да го земам го нанесуваш на цело лице? И матира повеќе од кремата ?

 

Да @koritsaki тоа е серумот, чини од 250-270 денари, не сум сигурна, сум подзаборавила.
Многу убаво ја матира кожата и ги измазнува порите, со Ревлон Колорстеј (неа продолжив да ја користам летово) ми е феноменална комбинација, лицето изгледа ко да е нашминкано со ептен некоја хај-енд козметика.
Навистина бев изненадена од него, не можам ниту да опишам колку ми се допаѓа.

Го нанесувам на цело лице, многу е хидтатантен, само мислам дека содржи алкохол во составот па не знам колку би бил добар за осетлива кожа и не толку масна Т-зона.
Можеби некои ќе треба да ја нанесуваат само на Т-зоната, за да не ги исуши образите, но мислам дека вреди да се проба.
Јас немав никаков проблем со дехидрирани делови од лицето, а имам нежна кожа.