Ја користам Weleda Skin food кремата скоро месец дена. Одлична е. Кожата на лицето ми е како бебешко газе.
Јас би рекла дефинитивно да. Гледајќи по состојките особено е погодна за сува кожа, а во студените месеци е периодот кога сувоста кај кожата е најизразена. Ја немам оваа често користено (мислам само 1 или 2 пати), но знам дека е погодна и за лакти, усни и останати суви делови, кои страдаат за време на зимата. И секако за лице.
Па и јас што читав рецензии пишува дека е доста богата крема и гледам луѓе и за тело ја користат често, па викам да не е премасна за лице, да ми затвори пори, појави црнки и сл.
Доста е хидратантна, но не е тешка. Тоа е многу важно, особено за сензитивна кожа. Има дискретен цитрусен мирис, по мој вкус пријатен, бидејќи обожавам цитрусни мириси. Е сега малку повеќе време треба да се упие во кожата, така што тоа може некого да го нервира малку, на пример мене. Индивидуално искуство е, јас би ја оценила како солидна. Види за тебе ако се решиш да ја пробуваш, ако осетиш чешање или затегнатост при нанесувањето, тогаш можеби нема да ти одговара. Не зборувам само за оваа, општо за Германски креми што содржат алкохол.
Во ред е. Не грижи се за алкохолот маслената фаза е доста силна нема да ти прави проблем. Истиве формули ги има и Хаушка (сепак сите германски фирми се исти кога ќе се подзамислиш). Лавера е убава како марка/ Слободно земи ја Да се самоцитирам. Кога сме веќе кај Лавера моментално ги тестирам овие две креми за повозрасна кожа и мора да кажам дека многу ми се допаѓаат. За сите оние 40 па нагоре ви ги препорачувам од срце. Ќе направам и статија. Навистина многу богата формула и одлична хранлива и хидратантна моќ.
Здраво, да ми предложите некој ефикасен корективен крем за лице за 30+ можи и во комбинација со серум. Користам најчесто лореал ставам и серум, лицето ми е убаво хидрирано, но почнаја да ми се јавуваат мали брчки забележав на устата една мала браздичка, а челото скроз ми е збрчкано. Од зегин ми го препораја Gerovital. Ваши искуства?
Моментално ги користам овие две креми , Аnew дневниот крем и од Farmasi крема за лице од роза, во зависност од тоа како ја чустввам кожата на лицето. Може да ми каже некој мислење за состојките на овие две креми?
Брчките што веќе ги имаш не може да „се избришат" со било кој козметички производ, може само да се намали нивниот изглед. За целосно да ги снема може само со корективни пластични процедури. За понатамошно забавување (значи не може да се спречи, само да се забави) ќе ти помогне само долга употреба на производ со некаков вид на ретиноид. Не знам за аптекарските брендови, но знам дека од обичните брендови што ги има во dm или по маркети тешко да имаш некаков ефект бидејќи користат ретиноиден естер retinyl palmitate, кој е премногу слаб и не се ни знае колкав ефект има на кожата. Ако успееш да најдеш во аптека производ што содржи retinol (види во листа на состојки), тогаш супер. Ако не, поедноставна и поевтина опција ти е да ги разгледаш серумите со ретиноиди на The Ordinary (во било кој да отвориш имаат листа од сите ретиноиди, нивната јачина и можноста за иритација). При почнување со користење на ретиноид има шанса да се јави сувост, лупење и иритација на кожата што би требало да се регулира по некое време. Ако не се регулира, или не си дала доволно време или едноставно не го толерираш ретиноидот и не е за тебе (ако иритацијата е преголема): или целосно не го поднесуваш или треба да почнеш со употреба на послаб ретиноид, да создадеш толеранција, па потоа да продолжиш со појак ретиноид. Поради оваа причина се препорачува секогаш да се почне многу полека со ретиноид и да не се брза со зголемување на концентрации. Начини за намалување на овие споредни ефекти се: - почнување со употреба еднаш седмично, па постепено зачестување - ставање на ретиноидот после кремата, со цел да се намали неговата јачина. Откако ќе си сигурна дека добро го толерираш (може и брзо да увидиш дека лесно го толерираш), можеш да зачестиш со негова употреба и да го ставаш пред кремата, со што ќе добиваш појак, а со тоа и подобар и побрз ефект. Ретиноидот се става на сува кожа (значи ако го ставаш над крема, почекај добро да се впие) и препорачливо е да се користи навечер, бидејќи преку ден ја прави кожата чувствителна на сонце. Ова се избегнува со користење на добра крема со висок СПФ и со нејзино редовно реаплицирање, но сепак, посигурно ти е да го користиш ретиноидот навечер. Се разбира, сѐ ова е бескорисно доколку не носиш СПФ крема секој ден, преку цела година, бидејќи брчките доминантно се формираат од сончевите зраци, поконкретно од УВА зраците (УВБ се тие кои предизвикуваат горење, УВА не се чувствуваат), кои се присутни преку целата година (и кога е облачно, кога врне дожд и снег, за разлика од УВБ кои ги има кога е сончево, односно се најсилни во лето).
Здраво драга, од она што го гледам користиш комерцијална козметика...Она што јас би ти го препорачала е следново: 1. обавезно премини на природна козметика, меѓутоа не поради фактот што ќе ти го реши пробемот со брчките, туку ќе ги тргне силиконите од лицето и ќе ја потпомогне правилната природна регенерација на кожата. Како наш најголем орган кожата апсорбира сѐ што ќе и дадеме така да доколку нанесуваш производ со состојки кои се компатибилни со самата структура на кожата, во тој случај го подобруваш квалитетот и еластичноста на кожата. Од еластичноста на кожата зависи појавата на нови брчки секако. Колку кожата е поздрава и поеластична поубаво ќе изгледа. Стареењето е секако неминовен процес не може да го спречиме, ама може да направиме нешто за што подолго да го задржоме убавиот изглед на кожата. Најважно нешто е правилната физиолошка заштита на кожата, ако таа е во дисбаланс и не функционира правилно сѐ е залудно. Тоа претежно се случува кога настанува алтерација на ПХ вредноста на кожата или неправилна хидратација. Губитокот на повеќе вода секако допринесува до предвремено стареење. 2. Масажа...многумина ја потценуваат ама според мене бр. 1 за здрава и убава кожа е секако масажата. Го подобрува дотокот на кислород во самата кожа, ја прави посјајна и поубава и е одлична во случај на мимички брчки кои верувај ми не се за потценување. Во една книга за козметологија и физиологија на кожата се вели дека ние сме составени од: кожа, мукули и крвни садови (ова секако кога станува збор за нега на кожата нели). Токмузатоа како што ги вежбаме мускулите на телото и правиме масажа за подобар и потоничен изглед на кожата, така и за лицето важи истото. Јас лично секоја вечер пред спиење на исчистено лице и нанесен производ правам масжа од 15 до 20 мин, особено онаа за опуштање на мускулите на лицето. Секој од мускулите кој предизвикува т.н. мимички брчки има свој контрамускул (да го наречам така) однодно еден предизвикува мрштење и ја влече кожата надолу а другиот во спротивен правец (ја крева нагоре). Она што е многу важно најнапред пред спиење да се опуштат мускулите, а потоа да се работи на оние кои креваат нагоре. Исто така од одлична помош е ролерот кој го користам веќе две ипол години и гледам голем резултат. Јас имам 42 години и гарантирам дека никогаш не е доцна да се почне со ова (резултатот секако зависи од состојбата на кожата). Еве ти неколку мои видеа во кои говорам на оваа тема (повеќе ќе најдеш на мојот јутуб канал да не ставам сѐ овде). 3. Користење на производи со антиоксидантни состојки на пример вит. Ц може да биде од голема помош. Јас сум на мислење дека СПФ се користи во текот на цела година само кога има сонце (кога нема не се става СПФ). Ставање на филтри особено доколку се хемиски и кога нема потреба од тоа може да биде контрапродуктивно за кожата. Од УВА зраците кои продираат подлабоко и се причина за предвременото стареење на помош доаѓаат токму антиоксидансите (вит. Ц, вит. Е, ектоин) итн. Од срце ти препорачувам да го пробаш тоникот со Ц виtамин за кој имам говорено во оваа статија, нешто најдобро што може да го направиш за кожата за не повеќе д 50 мкд (за таблетки Ц вит од 500 мг и дестилирана вода од аптека). Еве ти линк од статијата на оваа тема. https://biodevojka.blogspot.com/2016/03/blog-post_4.html Некои производи кои сум ги пробала и се одлични како формула и антиоксиданднто дејство се: Поздрав
