Предлог крема за комбинирана кожа (нормална со масна т-зона), без парфеми и други штетни состојки. Има многу многу предлози низ темава, почнав да и ја читам декларациите на неколку од нив но одзема многу време, и без декларации не можам да се одлучувам. Една феминка ми ги има препорачано пред неколку време овие два кремa: https://www.bellina.mk/p/363/no-per...za-lice-za-senzitivna-kozha-50-ml?category=41 https://www.bellina.mk/p/697/cream-...uronska-kiselina-1-betain-1-30-ml?category=41 Состојките и се океј, па ако и некоја од вас има искуство со овие или имате други предлози би ви била многу благодарна ако споделите.
Немам искуство со овие креми, а моја препорака како некој што има комбинирана кожа се calming кремот на Конопка, или кремот на Натура Сиберика со sophora japonica. Одлични се и двата. Моментално, покрај нив го имам и C-berrica glow day cream на Натура Сиберика, ама ако морам да бирам, кремот на Конопка е мојот фаворит, заедно со тоникот од лаванда. Добитна комбинација за комбинирана кожа. Барем за мојава.
@koritsaki Гледам користиш разни креми, а и видов дека имаш пишувано за одредени продукти за брендот Shiseido. Сакам да прашам, дали имаш користено од нивните креми, серуми, конкретно анти ејџ колекциите и дали вреди за парите? Т.е дали има некакво дејство и разлика?! Или па да препорачаш некоја анти ејџ крема и серум, не сум по природни состојки
@GrimTheReaper не, за жал немам користено ништо освен моментално што ја користам кремата за сончање на Shiseido. И нивна пудра со висок фактор и маскара што сум пробала. од крема антиејџ ноќна ја земав последно на Estee Lauder Revitalizin supreme night + ама читајќи на нет решив да не ја користам и зошто ја препорачуваат 50+ не сум уште ни приближно до толку плус ја пробав и ми беше мн густа, тешка некако
И јас сум уште на Estee, љиљаковиот серум, што треба пола шише да потрошиш за да ставиш на лице. Јас такво упивање до сега немам видено. Ставиш капка, готово ја нема. Не ми се исплати. А и не дека нешто вау ми се случува, освен што кога ќе нанесам крем, серум, изгледа ко пудра да сум ставила, освежена, мазна, убава. Измиеш лице, пак си стар и руженКремот исто така нешто не сум фасцинирана. Сакав додуша кафеавиот серум и крем, т.е ти што го имаш, да го земам, ама после оваа колекција, и не сакам. Има избор, не знам што да се одлучам. Плус сега се на попуст нивните креми, ми се исплати повеќе. А од друга страна на Elizabeth Arden, серумот ми боде очи, таков џиџан со тубички. Или па на Vichy collagen црвениот крем. Ај одлучи се.....А сите горедоле скапи се. Навистина не знам што да купам. Ако нешто имаш предлог, отворена сум за советување.
@GrimTheReaper , на Клиник имам пробувано доста креми ама на крај некако ефектот нем и се допаѓа. На Виши немам пробано ништо од креми , ама според составот горе долу се треба да е исто. Едно време лицево ми се лупеше и плус масно , па сега користам похидратантни производи и тоа ми се среди. Во последно време се префрлив на Др.Конопка и Натура сиберика производи и некако сум по задоволна одколку кога користев производи на Клиник , Есте , Ла роше и др. Само со природниве производи треба повеќе време да се користат па да се види како делува производот.
Каде можат да се најдат производи од Натура Сиберика освен на страната на Белина. Сакам да ја купам кремата за комбинирана кожа, но моментално ја нема на bellina.mk
Не, не, погрешно се изразив, сега прочитав. Има попуст на Shiseido. Пошо прашував за тоа. Две креми по 30 мл, во Анабела. Имаат каталог. А иначе, може да се најдат на Есте како пакети со понормална сума во Космо. Често им стојат кај касите. Само никогаш не сум придала внимание.
@GrimTheReaper, додека одржувањето на хидратацијата, потхранувањето со антиоксиданси и користењето на состојки за смирување на кожата си имаат свој придонес за одржување на кожата, ако сакаш вистински анти-ејџ ефект, најдобри и научно покажани ти се ретиноидите. Ако не ти е познато, имам пишувано реферат во темата за REVOX, побарај го, ќе ти се разјасни. Од ретиноиди што се достапни до општата јавност, можеш да бараш производ со retinol или retinal(dehyde). Искрено кај нас тешко да најдеш таков производ, евентуално некој редок примерок од аптекарските или азиските брендови, ама не сум баш запознаена. Не сум имала прилика уште да навлезам во тие води, но прва прилика и би порачала од The Ordinary или The Inkey List, како брендови со попристапна цена. Многу квалитетен бренд со средна цена е Paula's Choice, а од поскапи имаш Drunk Elephant, Tatcha, SK-II, можеби и од Shiseido може да се најде нешто итн. Важно треба да има retinol (најчесто) или retinal(dehyde) во листата на состојки. Резултати можеш да видиш дури по неколку месеци, можеби дури и по пола година, но и тоа зависи од тоа колку често го користиш, која јачина е ретинолот итн. Ако веќе имаш брчки, освен ботокс ништо нема да ги помогне, но ретиноидите можат да ти помогнат да го подобриш изгледот. Исто така по подолго време употреба може да изгледа како веќе да не „помага", но тоа е затоа што си постигнала плато, не е дека не помага, туку немаш такви драстични промени како на почеток и толку максимум може да ти помогне производот. Во тој случај, можеш да преминеш на повисока концентрација, но нели и тоа е ограничено, не може бесконечно да ја зголемуваш концентрацијата. Максимумот се постигнува со tretinoin (тој е најјак), но за него треба рецепта од дерматолог. Дури и со него евентуално би постигнала плато и тогаш можеш да намалиш со зачестеноста на употреба и да го користиш како maintenance. Тој е максимумот што можеш да го добиеш само со производи за нега на кожа, за сѐ плус треба ботокс, филери, пластична операција или други привремени пластични зафати. Патем, максималната концентрација на ретинол е 1%, освен ако не се работи за granactive retinoid, тоа е некоја посебна верзија (не знам точно детално да ти кажам), но поради тоа што со моќноста се зголемува можноста за иритација, се препорачува да се почне многу полека и многу постепено да се зголемува до (to build up to) 1%. За СПФ крема не ти зборувам, затоа што гледам дека користиш .
@pdb123 оваа е таа мaрка Drunk elephant ? Скоро ги донесоа кај нас во Сефора па затоа прашувам https://www.sephora.gr/el/brands/261-drunk-elephant
Да, тие се, изгор скапите . Сигурно и други брендови од Сефора (можеби и со попристапни цени) содржат ретинол, само тие ми текнаа први. Не сум толку добра со паметење брендови и производи иако нон-стоп слушам рецензии . Повеќе се фокусирам на тоа која состојка што прави и што да барам во производи. Инаку, и Paula's Choice се продаваат онлајн во ЕУ (всушност, секаде се продаваат онлајн); можеби имаат и посебна веб страна само за Грција. Ги споменувам затоа што мислам дека тие нудат многу висок квалитет, а сепак не се прескапи ко некои брендови (ок, имаат и поскапи производи, но мислам дека пак пониска им е цената за сличен производ со друг бренд). Retinol 1% + Bakuchiol 0.3% им е еден од најпознатите производи, покрај BHA тонерот. Но, мислам дека не е препорачлив за почетници (како што кажав, 1% е најголема јачина); сепак најдобро е да провериш рецензии или да ги исконтактираш.
Како што гледам, кај нас преовладуваат креми на база на хијалуронска киселина, пептиди, церамиди. Креми со ретинол, има на пазарот од брендовите што кај нас се застапени, само не ги носат. Гледам на La roche, многу ја фалат кремата и серумот со ретинол, според reviews, ама ни на фб на пејџот за La roche macedonia, ги нема. И исто на Roc, на секој можен сајт за креми и серуми е меѓу првите по популарност и ефикаснот, ама од се што носат, само тоа не. Може нема побарувачка, не знам. Ко злато да бараш буквално.
Fleurance nature( Француска козметика) ја има во Зегин аптеките, 400 ден. со алое вера. Која е подобра таа на Balea med линијата или од babylove со пантенол и цинк? За возрасна особа, само за хидратација?
