Теретаната ми е хоби во последно време. Двоструко ми го намалува стресот и нервозите , кои изминативе месеци од хоби ми се претворија во преокупација.
Сакам да цртам, но исто така во слободно време правам обетки, прстени и приврзоци од туториали на јутјуб.
Па налето обично сакам да цртам. Најчесто цртам некои слики од интернет што ми се допаднале, но знам и да нацртам некој пејзаж. Од третиот спрат на куќава, од балконот, има прекрасен поглед. Наутро небото е преубаво, има што да црташ. На зајдисонце не сум цртала многу, спијам тој период. Покрај цртањето, во домашни услови сакам да уредувам. Третиот спрат ни е неуреден, нешто како магацински простор, но една соба е уредена. Спратот го уредувам со мајка ми, мој ќе биде. Со парите што ги имав заштедено си купив тепих, а мајка ми ме частеше за бојата за ѕидовите. Обожавам и да пливам, во слободен стил, иако порано одев на пливање. Многу ме релаксира, често си размислувам на посериозни теми додека пливам. Некако сум поопуштена, посвоја. Скоро секој ден одам на Градскиот Базен. Ролери сакам да возам, но сега ми си купив роушули ( без кочница ) па ми е страв да се пуштам, незнам како би запрела, освен ако не се удрам во некој ѕид.
У слободно време уживам да се надевам дека успешно ќе зготвам некој рецепт, се стремам со сета сила кон тоа, и најболниот дел е кога сето потрошено време залудно ќе го мрцнам во канта. Хоби ми е да верувам дека еден ден длабоко од мене ќе избувнат тие кулинарски вештини што сега за сега само главата ми ги регистрира.
Па се занимавам со уметност,цртам,свирам гитара,пеам,исто така кога имам инспирација пишувам... И да, спортувам кога не владее мрзата
Јас имам многу хобија!! Но еве неколку од нив.. Прво хоби мнооогу сакам да фотографирам и имам надеж некој ден да станам познат фотограф и да работа во некое модно списание!! Второ хоби ептен имам желба да пеам!!Не пеам во јавност но кога сум сама дома или пак во бањата постојано пеам!! Трето хоби ми е да слушам музика!!Значи нигде не одам без слушалките од телефонот!! Четврто хоби ми е да возам ролерки!Не пропуштам ни еден ден кога излегувам со другарките без да возам ролерки!!Едноставно се релаксирам кога возам и се чувствувам како да летам!! Има уште мноооогу други,но не сакам да ве замарам со нив и плус стварно ме мрзи да пишувам.
Читање книги, готвење и декорирање на храна. Секој ден барам на нет различни рецепти ги правам и ги декорирам.
Фотографија, планинарење, собирање камчиња од уникатни места, последното ми беше од глацијална планина, понекогаш правење дрангулии, читање, читање, читање, пишување поеми.
Хоби ми е собирање на шеќерчиња , оние што се служат во кафулетата , со секое кафе има и шеќер , имам околу 200 разновидни шеќерчиња . Инаку сега се сетив да собирам листови од дрва и цвеќиња , ќе ги ставам во книги и потоа ќе правам украси и рамки од нив
