Каков живот би се живеел кога не би постоеле религии?

Бидејки кажуваш дека си религиозен и веруваш во христијанството а христијанството не повикува на почит љубов и слога кон сите поразлични од нас што кај атеистите не е случај па затоа реплицирав кон тебе а не кон некој што се изјаснил дека е атеист.
Атеизмот не е религија.

 

Морам да забележам дека сум доста изненадена од твоите изјави и ставови во последно време, и тоа во негативна смисла, како што и сам ќе претпоставиш.
Токму ваквото гледиште е причина што луѓе како мене што се оддалечиле од религијата, кога читаат вака од страна, гледаат пример како религијата може да биде една од факторите за раздор и несогласувања меѓу луѓето.
Припадник на една религија не може да се пронаоѓа и верува во друга, но и тоа како треба да ги смета сите религии за исти, во смисла рамноправни.

Јас, а и повеќето се изјаснивме дека религијата сама по себе не е лоша и не е единствена работа што се злоупотребува како стеги и ѕид меѓу луѓето. Реков дека врвна утопија би било свет во кој не би имало ни религии, ни граници на држави, ниту било кое наметнато општествено групирање што би ги делело луѓето. И дека, ако ја исклучам фантазијата, идеалот би ми бил да престане да постои такво сфаќање на верата кое води кон дискриминации, манипулација, уназадување. Ако некој самиот се пронајде во тој shade throwing дека таков му е погледот кон религијата, guess what – ама ич не ми е гајле ако моето звучи како непочит кон таквите.
Патем, Евангелос, атеизмот не е религија, bear this in mind. Мешаш ствари малце

 

Сега за сега религијата е една од најголемите причини за поделба помеѓу луѓето...Сите викаат дека ги почитуваат туѓите религии и убедувања, а сепак длабоко во себе ги потценуваат и со потсмев гледаат.

Најглуп пример од пред некој ден, ми ѕвонеше непознат број, кренав и некој човек ми зборна на албански...Му вратив на македонски дека има грешка и дека не разбирам, а тој пред да исклучи викна на македонски (за и јас да слушнам) :
- Грешка бе било, каур Македонац ми се јави.

Каур...Ок, каур нека биде, иако не ја гледам потребата да спомне такво нешто преку телефон за непознат.

Тоа се тие ситници што некого можат да навредат, па ако се очи во очи да прерасне во тепачка.

Да не правам муабет за тие тетористи што го користат исламот со изговор да им фрлат бомба кај христијаните и закани од типот дека сите христијани ќе ги сотрат.
И исламот и христијанството се религии што шират мир и љубов, ама уште да се почитуваа како што треба.

Кога не би постоеле религиите, сепак немаше мирно да се живее...Ќе постоеа подоелби според нација, раса, дебели и слаби, ниски и високи, црни и плави.
Отсекогаш тоа му е во крвта на човекот, да прави поделби но во исто време да верува и да се надева на нешто семоќно.

 

Зачудувачки е фактот како само сме умешни во тоа ај да речам да се "чаталиме" и на форумот и во приватниот живот како сме суперхристијани, суперрелигиозни, веруваме, одиме на литургии, во црква, се молиме, бацуваме икони итн.. а она фондаменталното од религијата да сме луѓе, да повикуваме на мир, на добрина, на хуманост, на убава мисла и убав збор, да љубиме, да помагаме, да имаме чиста душа и чисти мисли никаде го нема околу нас.
На збор сме најсупер ама во пракса некако тешко.
Зачудувачки е фактот дека сите суперрелигиозни ликови овде и општо насекаде ќе ги видиш само во расправање, во пцовки, во лутење итн..
А да ги видиш да сеат мир и слога да дебатираат како што дебитираат монасите, да искажуваат умисли итн тоа не можеш кај никого да го видиш освен во манастир.

Мој заклучок. Никој не е христијанин поготово прав верник без ова фондаменталното во него. Никој.
Јес да нели, господ ти опрашта ако грешиш ама да згрешиш а не да грешиш во секој здив на постапка и изречен збор.

Прав христијанин јас немам уште видено од човек.

 

Колку луѓе, толку различни сфаќања и толкувања на најразлични теми во животот, не само на религиите (еве множинска форма, аман, да не ме затепате за ова). Не само религиите, туку и многу други работи можат да бидат злоупотребени како начини на манипулација. Е сега, бидејќи во темава конкретно се зборува за религии, во свет без религии би го немало само тој проблем- поделби и секакви конфликти поради различни религии, но ако тргнеме од тоа што го кажав во првата реченица, поради различните мислења на луѓето ќе настанат поделби според друг критериум. Побогу и од наједноставна дискусија може хаос да се направи ако некој едноставно не знае да прифати нешто што е поинакво од она што тој го знае. Сѐ зависи од тоа кој колку е толерантен, либерален и способен да прифати разлики во секое поле од животот.

 

Се сложувам со ова. Не се разбравме во терминологијата. Рамноправни и исти не е исто.
Затоа и два пати реагирав кога некои го користеа терминот религии во еднинска форма - религијата вака, религијата така... како да е тоа една бајка смислена на 14ти Април во 2652г пред наша ера од некој човек кој имал за цел да го контролира своето племе и тоа е генерализација за сите религии и верувања.

Не се изјаснија сите така. Не ме терај да ги цитирам сите што пишаа дека светот би бил подобар без религии (се разбира не и без атеизам). Али тоа е ок нели да кажеш дека светот би бил подобар без сите светогледи ОСВЕН атеистичкиот, тоа не е непочитувачки и нетолерантно, ама ако кажеш дека светот би бил подобар без сите светогледни ОСВЕН христијанскиот - тогаш си на мета

А у суштина е исто. Да речеме дека постојат 100 светогледи. Атеистичкиот е еден од нив, и христијанскиот е еден од нив. Атеистите велат дека светот би бил подобар без 99 светогледни освен нивниот, а и христијаните го велат истото дека светот би бил подобар без 99 светогледи освен нивниот. И тоа е сосема ок секога да си верува во она во што е убеден, се додека нели некој не земе да војува за да го наметне својот светоглед кај другите.

Не е религија и тоа јасно го потенцирав горе, ама е светоглед, е убедување и е верување. Тоа што атеистите не веруваат во Бог, не значи дека не веруваат во други работи. Филозофскиот натурализам е едно заедничко верување на атеистите.
https://en.wikipedia.org/wiki/Naturalism_(philosophy)

 

Евангелос, секако дека не мислам само на христијаните, иако и меѓу нив има такви кои се однесуваат на начинот кој го опишав. И се разбира дека моево мислење е своевидна генерализација – најголемиот дел од верниците се нормални луѓе, кои се грижат за себе, за другите, за животната средина и не сакаат да дојде крајот на светот.

Поентата ми е дека без религијата (религиите, де ) овој тип на ирационално и деструктивно однесување кај луѓето не би постоело. Зарем мислиш дека некој бомбаш самоубиец би се разнел на плоштад преполн со луѓе да не веруваше дека тоа му е директен билет до рајот во кој го чекаат 72 девици, дека неговиот чин е чин на ултимативно мачеништво? Секако дека не.

Јас не велам дека ваквите постапки не произлегуваат од извртување или погрешно толкување на дадено религиозно учење, но останува фактот дека да не постоеја религиите како такви, ќе немаше што погрешно да се толкува или извртува.

И останува фактот дека верувањето во каков било задргобен живот прави одредени луѓе да се однесуваат неодговорно со сопствениот или со туѓите животи и со планетата Земја.

И мислам дека е малце нефер нечии лични достигнувања во која било област да се припишуваат на неговите религиозни верувања. Нечија религија е пред сѐ одраз на времето и средината во која живеел и не гледам како е во некаква корелација со неговите научни достигнувања.

Тоа е исто како да речеш дека големите филозофи од антиката се тоа што се затоа што биле политеисти или како да тврдиш дека големите математичари од Блискиот исток го постигнале она што го постигнале затоа што биле муслимани.

Ти велиш дека 65% од добитниците на Нобелова награда ја добиле затоа што се христијани, ја велам дека ја добиле и покрај тоа што се христијани.

 

Туѓите верски убедувања се почитуваат заради самите луѓе, а не заради нашето согласување или несогласување со истите.
На пр. без оглед што комшијата ти е муслиман, или пријател, соученик , ако е верник и ако навистина живее и делува во склад со верата, што подразбира да биде добар човек, (во однос на себе, семејството, заедницата) тогаш ќе почитувам се она што е врзано за тој човек и што му значи, затоа што и таа негова вера го направила да биде тоа што е.
Ако мојот пријател православен христијанин, со кого ја делам истата вероисповед, е „ѓубре“ од човек, јас секако нема да речам дека не му чини верата, туку дека не чини тој како човек, т.е. ја утнал поентата на смислата што значи да се живее „во и со вера“.
А секој што се потсмева со туѓа вера и убедување е најмалку кажано невоспитан, и веројатно живее безверно.

 

@EvAngelos... ај ај, се извади За дипломатијата ти е лајкот

А бе, види... кога не би постоеле религиите и идејата за нив во човековиот ум, не би постоело ниту нешто како атеизам. Значи, (делумно) позитивната замисла како одговор на прашањето во насловот, не се однесува на општество као некој нов вид комунизам  Туку, со тоа исклучување на религиите, да би се отстранила не само поделбата меѓу луѓе заради различни религии, туку и поделбата меѓу религиозни и нерелигиозни. Така барем јас го разбирам ова филозофирање

 

Во ова меме има две клучни грешки.

1. Религија е широк поим. Ако боксот е насилен, не значи дека сите спортови се насилни. Ако одредена гранка од Исламот ги инспирирало одредени муслимани да се урнат со авиони во кулите близначки во Њу Јорк, не значи и дека христијанството би можело да те наведе на истото. Значи повторно манипулирање со едниската форма на терминот „религии“ од страна на авторот на мемето.

2. Кога ќе се стави религијава со спрега со науката, автоматски индиректно се вели дека науката е на страната на атеистите и демек тие се тие што не одведоа до Месечината А тоа не е точно. Конструкторот на ракетата Сатурн 5, која ги однесе космунаутите на Месечината е Вернер фон Браун кој, верувала или не, не бил атеист, туку христијанин. Тој ја сметал Библијата за ,, Откровение на Божјата природа и љубов“, а во една прилика изјавил: „Не можам да ги разберам научниците коишто не признаваат дека зад постанокот на вселената стои еден супериорен ум“

 

Колку години има Бог ?


Уствари ми текна дали постои изрека "Да живее Бог !" ? Ако не постои мислам дека треба да се замени наместо "Да живее *country name" со "Да живее Бог" и фактички нема потреба да дискутираме како би било без религии и чуда пошо тоа ќе биде основата и се што можеме да одбереме.


Problem solved.


Да живее Бог. (не сум пристрасен кон крстот, иако него го изолирам у постов, count em all)





ПозЗ3³ ®

МА ЉУБОВ ДО СИТЕ !!!!! ДА ЖИВЕЕ "КОЈ САКА ДА ЖИВЕЕ"

 

И исто така и нацист, офицер на СС и човек кој користел заробеници од концентрационите логори за да ги градат неговите V-2 ракети во нечовечки услови.

Затоа и не чини нечии професионални и научни достигнувања да се асоцираат со неговите лични особини и убедувања - едноставно, нема никаква корелација помеѓу нив, а асоцијацијата може да отиде и у спротивната насока - исто како да речеш дека Ајнштајн бил брилијантер физичар само поради тоа што имал инцестоидни тенденции (додуша, во поблага форма ).

Фон Браун несомено бил брилијантер во градењето на ракети ама како човек, во најлош случај, бил true believer на нацизмот, а во најдобар - најобичен опортунист, кој додека му чинело бил нацист, а кога му загорело под нозе на крајот на војната, се предал на Американците.

Како и да е, у ниту еден случај не е особа со која кој било христијанин би требало да се гордее.

 

Вернер работел многу на конструкција на секаков вид ракети, дури и за германската војска. Но, кога ракетите биле употребени за бомбардирање на цивили, особено над Лондон, Вернер одбил да соработува поради што бил затворен. Подоцна, при падот на Берлин, тој и целиот тим проектанти на ракети со своите семејства ( над 5000 луѓе! ) им се предале на Американците и станале американски државјани.
За жал, и во оваа земја Вернер сфатил дека властите повеќе се заинтересирани за оружје отколку за вселенски летови. Дури откако Русите го лансираа првиот вселенски сателит ( Спутник 1 ), американската влада му дава зелено светло на Вернер да започне вселенски истражувања. Така, во 1958 година е формирана НАСА, а Вернер станува директор за вселенски летови. Оттогаш, речиси сите вселенски летови на Американците се до 1972 година се негово дело, вклучувајки ги сериите летови ,,Џемини", ,,Меркури" и ,,Аполо".

Вернер фон Браун често бил критикуван дека овозможил производство на убиствени оружја. Неговиот одговор бил дека научниците развиваат технологија, а моралната одговорност за тоа како и за што ќе биде употребена таа технологија е на страната на оние што ќе ја злоупотребат. Дали светот би бил подобар кога не би постоела наука и технологија? Заради злоупотребата на науката и технологијата можеби и некој ќе рече да, но повторно науката и технологијата не се криви за тоа, туку човекот.

И ниакде не велам дека Вернер бил со истакнат морал или дека Библијата му помогнала на Вернер да ги конструира ракетите, но поентата ми е да одговорам на мемето кое ги става во спрега науката со религијата доста лукаво прикажувајќи дека религијата води кон деструкција, а науката кон напредок. Ова може, но и не мора да значи. Добар одговор би било друго меме каде науката те води кон Хирошима и Нагасаки, а религијата (христијанството) кон помирување и простување. Ама ме мрзи да праам сега такво меме.

 

Поентава ти е валидна и скроз се слагам со неа. На индивидуално ниво, ниту атеизмот е еднаков на наука, ниту религијата е еднаква на примитивизам.

На општествено ниво, религијата некогаш била кочница (како за време на Средниот век во Европа), а некогаш движечка сила на напредокот (како на Блискиот исток во приближно истиот период).

Во секој случај, да се рече дека исклучиво религијата е одговорна за напредокот или уназадувањето на човештвото, сеедно, е претерано (и погрешно) поедноставување на работите.

 

Јас ти кажувам дека не постои биологија типична на кинез, морам да антиципирам и да го насочам муабетот да има некаква смисла, инаку која ти е целта со инсистирањето на очигледното, дека постојат и вечно ќе постојат наметнати колективни идентитети, дека се вечни, дека сепак не се, одлучи се, што уствари кажуваш не знам, ги подржуваш наследените наметнати колективни идентитети, не ги подржуваш

Пред пар векови изјава "јас не верувам во вметни рандом надлежен бог на одредено место" би имал трагични последици по изјавувачот на такво нешто, денес не особено (освен во некои местенца по светот).
Утре можеби ќе биде истото и со секуларните наметнати колективни идентитети.
Првиот чекор е направен, предизвикани се

Проблемот е што оваа ситуација е сосема нова, ретко кој има помислено на тоа што всушност претставува неговата припадност и од каде се "наоѓа" баш во неа, дали е тоа добро или лошо, какви последици има врз неговиот/нејзиниот/нивниот живот, сето ова е тазе отпакувано, има мирис на нова книга тукушто излезена од печатница со сеуште недосушена боја нема сеуште ниту соодветна терминологија.

 

Свет без религии би значело свет населен со слободоумни луѓе, без стеги, без ограничувања.

Во свет без религии, место утеха дека бог така сакал, причините за грешките би се барале во себе си.

 

Па и не треба да ги почитуваш, каде тоа во Писмото стои дека треба да се почитуваат други религии, тоа е грев. Горе-долу односот кон остали религии во Писмото се сведува од игнорирање до геноцид
Зарем знаете нешто што старо и новозаветните пророци и евангелисти не го знаеле?

А за падот на религиите и нивните вредносни системи, тој вакуум може да биде пополнет и од добра и од лоша нова вредност, нема правило дека ако исчезне нешто на негово место по дифолт ќе дојде нешто подобро. Западот сепак подобро го реши тој проблем од Истокот (бољшевизмот) или скраја да е, Мителеуропа со црни сонца, валхали и остали езотерии

 

Јас .
Тоа се должи на скапите искуства низ животот , кои ме донеле на дното и тоа што ме однело до небо.
Мислам дека човек треба со све да се помири и со загуби , и со страшни искуства , на све да биде спремен и после е све лесно.
Смрта ја свакам како олеснителна работа , можеби заради тоа што немам слабости и за ништо не сум приврзана ..... Мене би ми ги скратило само маките, стресовите и нервозите . и толку.

 

Јака изјава е ова, пет пати ја читам и никако неможам да прифатам, вака лесно, ко од ракав истресено..не, не, само робот може така да реагира...и колку и трагедии човек да преживее, емоциите остануваат, не се тапат на нула, исто и стравот од смртта, колку и да биде спасителна.