Како го замислувате вашиот иден дом од соништата?

Мало куќиче со дневна и трпезарија, кујна, спална, детска (1,2 или 3 зависи од тоа колку деца ќе имам сакам секое да си има посебна соба ), 3 купатила ( едно во спалната, друго за децата и едно гостинско ) и уште една гостинска соба ( во случај да имам роднини, пријатели на спиење да има каде ) исто сакам двор со средна големина не нешто многу големо или ептен мало онака да има место за зеленила и за седење во глобала тоа а за внатрешно уредување не сум одлучила

 

Па прилично мал. Иако ќе биде мал сигурна сум дека ќе има два тоалета. Потпишувам!

Многу зимзелени дрвја. Онакво мало пластично бејби базенче на дување кое ќе ми стои во огромниот двор. Во него ќе си ги ладиме нозете.

 

Куќа на два спрата и гаража. Двор полн со зеленило, цвеќиња, камчиња... убаво среден. А куќата на првиот спрат да има голема дневна, преубава кујна со трпезарија и wc, а на вториот спрат спална, детски соби, некоја работна соба... Многу сакам да имам и куче Така нешто

 

Не многу голем,да има доволно соби за сите,секој да има своја соба за спиење(сметам дека е тоа многу важно),кујна,трпезарија,дневна и 2 купатила,едно за нас,другото за тие што ќе доаѓаат кај нас,односно гости.Убаво средена,во топли бои,сакам и мала терасичка и убава градина.

 

Куќа на два ката. Една спална соба за мене, една спална соба за сестра ми и маж ѝ (хаха, и кога ќе се мажи со мене ќе ја носам), една детска соба за детенцето што ќе го посвојам, една гостинска соба за возрасни, една гостинска соба за деца. Толку со собите за спиење .
Една голема кујна, два трапезарии (една летна на тераса или во двор, друга внатре.
Една дневна просторија. Три големи плакари, до секоја соба. Пет ве-цеа (бањи). Една бања плус, за еднодневни гости.
Голем двор, базен 7×9м. Зеленило, дрва... За ентериерот да не ви расправам. Имам и друга куќа замислено, но таа во друга прилика ќе ви ја објаснам, а може и план на собите да ви нацртам. Скроз е испланирана.

 

Спојлер

Мислам дака нема потреба да го опишувам надворешниот изглед на мојот дом од соништата бидејќи се што сакам е прикажано сликовито во сликата погоре, а во внатрешноста на куќата да има доволно соби за сите членови на семејството, две гостински соби, две купатила, просторија за вежбање, кујна, дневна... Но, пред се во домот да има хармонија, радост, среќа, љубов.

 

Па сакам да имам домашна библиотека со сите книги на светов. Сакам и да имам тајна соба (во план ми е да се влегува во неа од шкаф. Да има спирални скали и оградичка до нив со која што ќе можам да си се лизгам од еден спрат на друг. :geek: Сакам да има мноогу соби, една цела соба со патки, топки (за сите спортови), сакам и соба со голем аквариум, само еден мал кревет да има во таа соба и да се гледа оргромниот аквариум, (соба за релаксација читај) и сакам да има воден кревет. Надворешен изглед незнам каква боја да е, да има базент, стакларник со сите ретки видови на цвеќиња и да имам минимум 20 кучиња.

 

Најбитно ми е да е малку подалеку од центарот и да е на високо место од каде што би имала убав поглед. Сакам да има огромни стаклени прозорци од под до плафон во дневната соба и во спалните. Би сакала да е на два спрата + поткровје, а на поткровјето би имало библиотека со убава удобна фотелја, интересна ламба и некои други реквизити за забава...
Сакам да е многу светло, а ѕидовите да бидат бели или во неутрални бои со интересни не многу нападни детали, а мебелот да биде од дрво. Каминот е задолжителен, кујната сакам да биде многу голема со шанк на средина и високи столчиња. Сакам да има и многу цеќиња внатре, внатрешни полукружни скали и два тоалети од кои едниот би бил доста голем за голема када или џакузи.
Сакам да има големи тераси на кои би имала удобни фотелји за седење и масичка.
И дворот сакам да е многу голем исполнет со зеленила, дрвца и цвеќиња, да не заборавам може да има и базен.

Нешто вака, сега ја видов во друга тема

 

Внатрешност: 1 детска соба, 1 гостинска, 1 спална соба, 2 купатила, дневна, голема кујна, вежбална. Сето тоа на два ката + супер скоцкан таван кој претставува соба за релаксација.
Надворешност: 1 базен, од оние бетонираните + надвор маса за вечера или ручек во лето +искосена трева и дрвца.

 

Мала скромна куќичка, најмногу до 2 ката. Повеќе не.
Убав двор со зелена трва, окован со ограда и овде да ми стои автомобилот. По природа сум така не сум материјалист. Но некако малите куќи ми се топли на душа, а големите одбивни.

 

Повеќе преферирам стан, со голема квадратура и да е на последен кат од висока зграда со кровна тераса.Многу сакам голем балкон, убаво уреден, со удобен мебел.
Сакам станот да има огромни прозорци и многу светлина.
Сакам земјени бои и природни материјали, мебелот сакам да е оргинален, автентичен, модерен, како да кажам, да има таква уметничка жичка.Не сакам ултра современо, туку уредно со парчиња мебел од познати дизајнери од минатите векови.Како на пр. очајно го сакам Rio rocking chair-Оscar Niemeyer.
Бидејќи сакам да готвам, планирам да си издизајнирам ултра модерна и функционална кујна, пространа и во дезен на дрво.
Исто така сакам и убава трапезарија која ќе зрачи со хармонија и удобност.
Многу битна работа што ја сакам е уметничко ателје, со многу светлина, кое воедно ќе ми користи и како работна соба во која ќе го водам моето проектантско биро, по можност да е малку одвоено од остатокот од собите за да имам мир.Сакам да имам голема библиотека и многу уметнички дела.
Спалната сакам да е удобна, со малку мебел, во топли бои и со пригушено светло, сакам да има бања во спалната соба и многу сакам соба-гардеробер, не мора да е оргромна, ама сакам на едно место да ми се наоѓа се, од облека до чевли, ташни, накит, козметичко катче и така.

Ако биде куќа, многу имам фетиш кон стари градби, како оваа

Ептен ми се со душа и онака романтични.
Исти барања за ентериер имам и за во неа како и за во станот, со таа разлика што сакам базент во дворот и убава градина.

Еве неколку сликички од она што црпам инспирација.

 

Како го замислувам мојот иден дом од соништата?
Па тоа би било мала куќичка со голем колоритен двор за кој што јас ќе се погрижам
Со светли и свежи бои...голема кујна од која ќе излегува мирис на тазе испечени колачиња
Со камин и клацкалка покрај него и зеленило внатре во домот
Ѕид од прозорци во дневната за да се гледа дворчето кое што ќе биде со љубов негувано и да си ја полнам душата гледајќи надвор.
Мебелот нема потреба да го замислувам, веќе го имам посакуваниот само уште куќата ми фали

Дом исполнет со мир, љубов, здравје, со големо семејство и многу пријатели

И обавезно ќе се тркаламе со малите низ дома
Нешто вака:

 

сакам да биде некаде близу до плажа
куќа на еден спрат ниска,долга со ооогромен двор и базен.
внатре сакам се да ми е бело со камин обавезно и со многу огледала и кристали насекаде
и да не заборавам поебна соба за облека ташни чевли и аксесори

 

од секогаш сум посакувала дом полн со љубов,разбирање и слога...во таков дом пораснав и таков дом сакав и јас да имам и имам фала Богу....можеби не е најлуксузен и по најнова мода ама додека мене ми е убаво да спијам со саканиот на стар лежај,да готвам на старо шпоре итн јас сум задоволна

 

Па има неколку верзии кои ми се мотаат низ глава, но важно да биде помало куќиче, да не е голема куќа. Помалите ми изгледаат посимпатично, потопло, поисполнето. Важно ми е и да има убав двор, односно градина.

 

Куќа..во основа од 100м2 со подрум исто толкав..
Во подрум огромен телевизор, удобни фотељи..скоро речи мини домашно кино..
Маси за билјард, пинг понг, пикадо.. мал бар, купатило..
На приземје 2-3 спални, главната со посебна бања.. и голема кујна со трпезарија и стандардна дневна..
Мал затворен базен со џакузи, сауна и парна бања..
Летниковец со убава фурна и скара..
Уредено во фармхаус или скандинавски стил..

И сето тоа поставено на плац од барем 10.000м2 ..
Затоа што сакам микс на дрва, зачини и разновидни растенија, куќички за животинки, зеленчукова градина..

Спомнав дека треба да е на планина и барем 2км од првата куќа?
Да..сакам ранч со еден збор

 

Возрасна сум па така да ваков стан сакам да имам(кризата ми ги поремети работите но што е мое ке си дојде)
Стан ке имам и викендичка надвор од Скопје.
Стан-Претсобје со огромно огледало , убава дневна , кујна со плотна (дур ми се вари кафето да измијам заби и лице),тераса,две WC(едно за мене,едно за гости) и 2 детски(една за внук ми и една за мене).
Викендичка-Што е можно поедноставно.Убаво уреден двор со помали обврски

 

Dark academia дом.
Или поконкретно, ентериер целосно составен од виктoријански, готски елементи, по нешто старогрчко, со влијанија и од периодот на 40ти години на 20ти век во Европа. Комбинација на максимализам со темна палета на бои, антиквитети, голема библиотека, убави дрвени прозорци и врати, шарени софи, по некое уметничко дело и слично....плус, нешто минимално модерно, колку да се каже. Воглавно, многу повоодушевена сум на естетиката од минатото, без разлика за кој правец се работи, отколку сегашните модерни и постмодерни дизајни.
Значи некогаш ако имам премногу, ама ептен вишок пари, ги вложувам во ова.
Не ми е битна толку големината на просторот(секако, да биде доволно комфорно) колку што ми е битна надворешноста и внатрешноста. Исто така, убаво декориран двор со доволно место за релаксација и еден куп растенија и цвеќиња ми е пребитно - имам искусено и стан и куќа и дефинитивно не се рамнат.
Во слики, вака нешто:

Спојлер