Како да пронајдам личност која била дадена на посвојување?

Не знам кај нас како е регулирано ова, ама знам дека информациите по правило не ги даваат, освен ако посвоеното дете сака да дознае дали има некои наследни заболувања - значи од здравствени причини. Било која друга причина нема да те доведе до повеќе информации.
Жалам што ви се случило тоа, не би можела ни да замислам како се чувствуваш, а верувам дека на мајка ти и' е најтешко. Се надевам дека на некој начин ќе го решите проблемот, ви посакувам успех во потрагата!

 

Ви благодарам ,се надевам и јас дека ќе се разреши оваа работа.Мајка ми се разболела од грижи ,зошто товар огромен носела на душата целиот свој живот без да каже на некого,ете ни родителите незини не знаат,знае само татко ми и тетка и. Сега го разбирам и тоа што навечер секоај вечер се буди од сон во одредено време,и постојано ме бара каде сум проверува сите дали сме дома,пред да му каже на татко ми постојано зборуваше во сон ,сега не сум ја чула....Загрижена сум многу за неа,постојано ми се плаче кога ќе ја видам ,во главата постојано ми се појавува прашањето зошто го оставила,зошто не кажала никому досега,барем на татко ми да му кажеше,но неможам да ја осудувам,зошто премногу претрпи и несакам постојано да биде болна ,сакам и таа да биде насмеана ,да биде среќна,да биде здрава ...затоа сакам и да го најдеме брат ми ...... ,ако е потребно би си ја дала и душата за неа затоа што ја сакам многу.

 

Оваа тема ме потресе затоа што во мојата поширока фамилија има посвоени деца. Се ставам во нивна кожа за момент, како би ми било сега јас на 32 годишна возраст, не знам дека сум посвоена и наеднаш ми доаѓа на врата личност која ми кажува дека ми е мајка, дека имам татко и сестра или брат. Всушност дека имам комплет нова фамилија, нови родини. Би се осеќала како во паралелен свет. Мислам дека би полудела. Затоа не знам колку ти е паметно да почнеш да бараш. Знам дека ти е тешко, но што ако тој не сака да знае за вас. Што ако е среден човек со семејство, што ако има прекрасни родители, и сега се му пореметите. Ако он знаел дека е посвоен и сакал да ве најде, ќе ве најдел. Знам дека и е тешко на мајка ти но тоа е тоа, минатото не се враќа. Не знам, не можам да судам но сепак мислам да не се чепкаат вакви работи особено кога станува збор за толку многу години поминати. Се надевам дека не ме свати погрешно и дека ова го пишувам најдобронамерно.

 

Еве јас сум посвоена сакам да ги најдам ама не можам така да тоа ако сакал да ве најде ке ве најдел воопшто не држи вода. овие информации се строго доверливи и за двете страни. Амам оди ти во социјалното, не мајка ти нема да и дадат нејзе информации бидејќи таа се одкажала од него, ама ти како сестра ,можно е. барајте врски преку овој оној можеби ке пронајдете нешто. бидете упорни, молете ги тие таму социјалните работници, можеби ке се сожали некој. Воопшто не е лесно знам, ама не се одкажувај.
Се ежам бидејќи можеби и јас некаде имам полубрат/сестра што не ги знам

 

Violetblue, а да те прашам, дури ни ако наведеш дека ги бараш од здравствени причини нема да ти кажат? Јас мислам дека имаш право на тие информации, посебно ако се интересираш за семејната историја на болести и за можноста од постоење на некои наследни заболувања за кои би сакала да знаеш, дали ги имаш, дали можеш да им ги пренесеш на децата. Мислам дека дури и со закон е регулирано тоа, ама може кај нас па не е

 

Аннатх мене ми го кажаа само името на биолошката мајка, повеќе не можеле да кажат, и ми предложија они да пробат да ја исконтактираат ако успеат некако, ама јас не се согласив бидејќи не сакам никому да правам проблеми. Е сега јас веќе пишав на другата тема мене името и презимето не ми вршат голема работа бидејќи најверојатно презимето и е сменето а и немам врски во полиција за некој да ми даде адреса. а за болест мислам дека може ама ако ти е веќе констатирана болеста па ти да бараш крв или коскена срж такво нешто и пак контактот мора да оди преку социјално.
едитирам да надополнам побарав во законот за семејство и го најдов само ова: Член 123-а
Податоците за заснованите посвојувања се службена тајна.
Нема наведено никаков исклучок.

 

А тие што сега дознаваат дека имаат брат и вистини кои дотогаш за нив биле само шпански серии ? Што со мене ,ако бев себична ќе им речев на моите -мојот живот е совршен ,не сакам да го барате ,јас нема да можам да го прифатам како брат ,нема да го сакам ,тој не ми е ништо ,тој ќе ми го уништи животот ,што ќе мјислат луѓето сега за вас ,и за мене ќе не озборуваат ,ќе не осудуваат....- Приказната нема само една страна -детето кое е посвоено,тука постојат и други страни,а доколку го најдеме верувам дека ќе биде се во ред и се надевам дека не бара ,зошто јас се соочив со фактот ,а и тој би се соочил на истио начин зошто се познавам себе си а и моите знам сите какви сме ,јаболкото не може да падне подалеку од дрвото...
Знам дека сите имате добри намери штом веќе сте се одлучиле да пишувате на оваа тема....Јас а ни моите ни најмалку не сакаме да му го уништиме животот,само да го запознаеме ,а сето останато и тоа дали ќе бидеме прифатени од негова страна, зависи од него.Како прво не би му го уништиле животот за цена за да га го знадоволиме нашето его и колку само да го најдеме,поентата не е во тоа...Поентата е друга,а за моите значи и многу повеќе од тоа...Не би сакале ако го најдеме да го одделиме од никого ,а ни најмалку да се вмешуваме во нивниот живот..
Времето ќе си каже...И да заборавив да разјаснам ,минатата ноќ кога ја отворив темата сум изоставила многу детали,како на пример тоа дека личност пред одредено време им посочила на моите дека детето се наоѓа некаде во околината на Струмица,таа била тогашна сестра во домот,и после тоа неа мистериозно ја снема ,ја барале моите и под дрво и под камен,никако ја нема никаде ,а не и знаеја место на живеење .Од таа почетна точка татко ми почнал да се заангажирва ова лето го барал детето.Поради тоа што имаше пријатели во таа околина уште од времето кога студирал преку нив се распрашал за деца на таа возраст ,и случајно пријателите негови лично познавале такви деца кои си ги барале своите родители ,Едното од децата искомуницира со нас самото ,па подобро дете во животот не сум чула,по изгледот (сум го видела само на фотографија преку ФБ) и има црти на лицето кои се слични со моите,но годините не се поклопуваат ,приказната за неговото раѓање која му ја кажале неговите родители кои го посвоиле дека татко му бил на факултет и дека мајка му била 16 години,посвоен е од домот за доенчиња во Битола што доста се поклопува со нашата приказна ,само што разликата во годините постои...Затоа прашав и од двата аспекти као да добијат информации родителите,и како да добие информации детто што било посвоено со цел да дознае кои му се биолошките родители,јас помислив прво да направиме ДНК анализа ,но сепак не треба да се избрзува со такви работи ,да не се дава лажна надеж и кај двете страни,без разлика на се кој и да е брат ми дали е тоа дете или е некој друг ,ние на тоа дете би му помогнале на секој начин зошто заслужува ,кога видов какви работи има ,колку тажни судбини сватив колку е скапа цената на животот...

И апелирам до вас доколку знаете некој кој си ги бара родителите ,и бил роден на датата која ја наведив во претходните постови ,а оди и како лична моја порака на профилот ,испратете ми лична порака....Не очекувам чудо но потајно се надевам и иммам некое претчувство дека ќе го најдеме...

 

И кaj нас е регулирано тоа со закон! МОРААТ тогаш да ти дадат податоци

 

вака,посочен ни е пример за дете од таа област ,посвоено на таа возраст точно која ние ја бараме ,но заминало во странство на студии откако му починале и двата родители..можеме да мислиме дека можеби е и тој...Ја имаме и таквата варијанта прифатено ...но сепак ни преостанува да продолжиме со потрагата и надежта да не ја губиме и секако да не се залетуваме одденаш ...се надевам дека ќе се пронајдеме некој ден...

 

Извини вака што ке те разочарам но многу тешко речиси невозможно да добиеш било каква информација од социјално,јас имам ист проблем само што јас сум од другата страна јас сум посвоена и барав,чекав одговор од социјално и ми рекоа дека тоа е тајна заштитена со закон и дека нема шанси да ми кажат.Сепак ти посакувам срека во пронаогањето на брат ти

 

Знам ми ја посочија темата каде имаше и ти пишувано,искрено многу ми е жал се надевам нема да остане само на тоа и дека еден ден ќе дознаеш ...Што да правиме кога живееме во ваков суров свет......

 

УФФФФФФФФФ Значи вака имам некое искуство околу овие работи, како прво датумот на раѓање не ти вреди скоро ништо причината е едноставна при посвојувањето на бебиња новороденчиња датумот на раѓање соцјалните служби можат да го поместат тоест денот и месецот се поместува. Така да ( пример ) ако брат ти е роден 28,10,1985 лесно може да му е запишано во изводот 15,12,1985 или 07,08,1985 лесно може да се случи твојот брат да го чита ова и да рече па тоа не сум јас.
А и да се обидете на секој можен начин да го најдете и да сакаат да ви помогнат тешко дека ке можат да го сторат тоа, од проста причина сите податоци околу раѓањето на твојот брат ( Место, Датум , Биолошка Мајка ) нигде не фигурираат како такви и официјално не постојат во изводот и книга на родени нигде не е заведена мајката,туку се заведуваат посвоителите е сега како податоци стојат во досието на твојот брат и тоа точните податоци со точната дата на раѓање,притоа биолошката мајка фигурира само како шифра број,и ништо повеќе. Останатото е во домот за доенчиња социална служба или архив под таа шифра. Е сега ако тој што е посвоен сака да си ја пронајде мајката поднесува барање и наведува причина зашто и како ( за жал желбата и емоциите не се доволни ) соцјалниот работник го отвара неговото досие и по шифрата бара податоци во Соцјална служба , Службата бара од домот или од архивот на местото на посвојување, потоа во досието е запишано дали мајката дала изјава дали некогаш би сакала да го види детето во случај. да детето побара да ја види после полнолетство дали таа е согласна на тоа. Ако има дадено таква изјава службите потоа се обидуваат да ја лоцираат и ако е возможно да воспостават контакт со мајката и повторно се поставува истото прашање.
А додека роднини дури и браќа и сестри и самата мајка која го дала на посвојување нема никакви шанси да добие податоци за детето,дури и ако сакаат да ви помогнат неможат бидејки и кај нив нигде не фигурира каде е тоа дете и дека воопшто постои тоа дете.
Фактот дека многу деца во тоа време беа посвојувани од нашинци од канада америка австралија,не заборавај дека тогаш бевне една многу поголема држава,па се случуваше да се посвојуваат деца и во другите републики ( поголемиот број на деца ретко остануваа во ист град или иста република ) така мораш и тоа да го имаш во предвид.
Како и дае ти посакувам успех во потрагата и размислете дали тој воопшто би сакал да има нешто со вас не е едноставно да се уфрлиш во нечиј живот и да кажеш јас сум ти сестра мајка татко брат

 

знам и дека датумот не мора да значи ништо и дека најверојатно е сменет,ти благодарам за информациите, и не не планираме да се уфрлиме во ничиј живот без да бидеме потребни во истиот....Фала позз

 

NotInLove88 зошто да не се обидете со ДНК кога веќе момчето има црти од твоите родители, а и неговата приказна се поклопува со вашата, неможе да има 10 исти приказни. Нема врска годините мислам и нив ги менуваат не само датумот, неколку години плус,минус... Па и ако испадне дека не е тој твојот брат барем ќе знаете на што сте и ќе продолжите понатаму. Сама викаш дека не се откажуваш, па затоа мислам дека треба да бидеш подготвена на се, бидејќи можеби ќе имаш повеќе неуспешни обиди се додека не успееш да го пронајдеш брат ти. Не се базирај на тоа дека можеби и тој ве бара затоа што има многу кои не знаат за тоа дека се посвоени. Тоа е се што можам да ти го кажам и ти посакува многу среќа во потрагата и што побргу да го пронајдеш твојот брат, затоа што не секој ја имаа таа среќа да има сестра каква што си ти, бидејќи не може секој да прифати дека има брат/сестра и 'преку ноќ' да го засака како тебе. СРЕЌНО!!!

 

A зошто, кога веќе јавно апелираш, не се обидеш медиумски да ја објавиш потрагата. Дури мислам дека најдобра опција би ти била некоја емисија како `Све за љубав` бидејќи е на опсег на цела Југославија, сите ја гледаат
( а тие години бевме дел од Југославија, и не е исклучена можноста детето да е негде во соседните држави)
А и немаш што да изгубиш. Сигурно ќе се нафатат да ти излезат во пресрет организаторите од Емоушн, кога можат за такви глупости да се ангажираат, ова е барем сериозна работа...

 

notinlove,навистина потресна приказна.според мене треба да го бараш брат ти и да не се одкажеш лесно.може и тој сака да ве најде вас,ама не знае како или нема храброст.сепак треба да бидеш и соочена со фактот дека можеби никогаш нема да го најдеш,но од кај знаеш можеби и многу скоро да биде вашата средба.покушај и со "све за љубав"праат емисии и во македонија,а имаат предпоставувам машинерија на луге и средства штом решиле до сега многу случаеви слични на вашиот.покушавај и вака на интернет,и сегде кај шо ке ти текне и најдеш простор.
само едно би те советувала,немој премногу да се опседнуваш со тоа,и да запагаш во депресии,да мислиш дека животот ти изгубил значење и слично.животот е таков зезнат и полн со изненадувања некогаш позитивни некогаш негативни..ама мора да се живее.биди јака и храбра и за себе и за твоите,им треба твојата подршка.биди позитивна колку повеке можеш.имај надеж.

 

Ви благодарам на сите на поддршката .Прекрасни сте сите .Не губам надеж,но се разбира дека ќе размислувам на сите опции,како и на таа дека можеби никогаш нема да го најдам,ќе пробам милион начини,и нема да се разочарам од неуспех,незнма ни јас сама колку сум подготвена емотивно,психички ,но срцето ми кажува дека сум и едноставно ќе го следам него ,тоа не може и толку да греши ...И да интересное тоа да се пријавиш на шоуто,но мислам дека околностите не ми се такви за да се пријавам,а и не сум толку храбра ,медиумски и на тој начин да пробам да го најдам!!! Сепак огромно фала за загриженоста па што ќе биде нека биде !!! Ви благодарам на сите што ме охрабривте и ме охрабрувате ,ви посакувам се најубаво и имате сите најискрени желби од мене да бидете ,среќни,здрави,живи и да бидете со оние што ги сакате ,тоа е најголемиот благодет во животот...

 

лелееее целата се потресив кога ги прочитав сториите,стварно ми е жал и веднаш свртев неколку телефони зошто познавам еден дечко кој е посвоен од битола но тој не знае дека е посвоен само се сомнева само м и кажаа дека би роден 1984 година,сигурна ли си за датата?
а би те советувала,да побрзаш зошто не знаеш како и е на мајка ти ситуацијата можеби и треба да го пронајде најбрзо што може,затоа не се смејте ама ти предлагам све за љубав зошто стварно средија и најдоа многу така фамилии.овој дечко кој јас го знам живее во германија,замисли и брат ти да е некаде во странство,затоа не оставај така пронајди го.па пиши ни што ќе направиш?поздрав за тебе