Како да пронајдам личност која била дадена на посвојување?

Баш дека сум медицинско лице плус со сличен проблем сум свесна за се` и реално ја согледувам ситуацијата.

Нема врска породувањето, затоа што тие не им ги даваат веднаш документите после породување. Плус имаат цели три месеци да се предомислат во врска со бебето. Така да ако веднаш не размислила или и` било тешко има и време, никој не ја присилува.

Не ги принудуваат на ништо, плус има триста процедури каде што ја викаат биолошката мајка на разговор со психолог, социјален работник еднаш два пати. Па сто пати ги прашуваат да не се премислиле. Не оди тоа така лесно.

Башка што јас сум контактирала лично со жената и го знам проблемот и воопшто не ја оправдувам. Зошто не пишувам вака за другите жени кои ги оставиле децата? Кога ќе видиш какви изговори кажува дека мајка и` ја принудила на 27 години да си го остави детето, сопругот и` се заканувал дека ќе ја остави па не знам што, ќе видиш со каков човек имаш работа. Кога сакаш да си го задржиш детето има решение. А ако не го сакала, можела да абортира. Или пак остави го и не тропај вакви глупости. Ова се навистина сериозни теми и не е едноставно.

А дека некој ќе ти подметне документи да потпишеш при здрава свест и на тие години кога треба да си зрела, сериозна личност малку потешко.

 

Не сум запознаена со ваквите процедури , меѓутоа кога јас се породив со второто , сестрите беа груби кон мене , само после половина час . Не им замерив бидејќи сите сме луѓе и нормално е да имаш тежок ден и се тоа . Плус визитата е во 9 часот а те будат од 6 . Со првото се породив во 20 до 2 по полноќ а во сала бев уште 40 минути ( што значи и несмеев да спијам ) дури во 3 и 15 ме сместија во соба , а утрото ме разбудија во 6 за визита ( која е во 9 ) а сепак не смеев да спијам ниту 5 минути повеќе . Некогаш има и други околности кои се потешки од самиот пораѓај . Не ја познавам членката за да знам каква е , ама не само ти туку и останативе кои ја осудија , беа груби . А каде е постпородилната депресија ? Или ниедна жена не паѓа во таа состојба ? Па еве јас на 18 родив . Што ако бев во ситуација да си го сакам детето а немам поддршка од никој ? Треба да абортирам само бидејќи таткото не го прифаќа а мојте не ми пружиле поддршка ? Немав ниту диплома од средно . Кој би ме примил на работа мене ? Башка што немаш на кој дете да оставиш да чува додека си на работа . Не секогаш осудувате правилно . А каде се чувствата на мајката тука ? Ставете се на нејзино место . Мајка и не сакала да ја прими , таткото на бебето исто .. Каде да оди со тоа бебе ? А за процедурите не коментирам , ама со мито денес секаде се успева , особено кога фамилијата е позната во градот и е поимотна .

 

@glosipgirl е потполно во право и за да не си извадите очи (не само вие две, туку општо на темава) ќе ги копирам најважните членови од законот за да видите дека туку така не може да и го земат детето
Не знам зошто воопшто верувате на филувани плачки дека не знае како си го дала детето..
Прво запознајте се со законот, па верувајте


Член 106
Родителите, односно родителот кој сам го врши родителското право, согласноста детето да може да биде посвоено може да ја дадат и претходно пред центарот за социјална работа надлежен според местото на живеење на родителите, без да го определат посвоителот.
Ако детето нема живи родители, согласноста да биде посвоено ја даваат сродниците во права линија или старателот.
Кога лицата од став 1 на овој член дале таква согласност во постапката за засновање на посвојување согласноста за посвојување ја дава старателот на малолетното дете.
Согласноста по раѓање на детето, во писмена форма, во просторииите на центарот за социјална работа, кој е месно надлежен, ја дават родителите од став 1 на овој член без оглед на видот на брачната заедница и врска.
Согласноста своерачно ја пишува родителот кој се согласува детето да го даде на посвојување, а ја потпишува родителот и овластен претставник на центарот за социјална работа.
Пред родителот да ја даде согласноста од ставот 1 на овој член, центарот за социјална работа ќе го запознае со сите последици од давањето на изјавата.

Член 107
Согласноста за посвојување родителите ја даваат по наполнување на три месеци возраст на детето.
Посвојувањето на детето може да се заснова најрано по навршување на три месеци старост на детето.

Согласноста за посвојување може да се повлече се до моментот на засновање на посвојување на детето.


Член 110
При посвојувањето се составува записник и се донесува решение.
Во записникот и во решението за посвојувањето се внесуваат податоци за видот на извршеното посвојување, за спогодбата за личното име на посвоеникот, за местото на раѓање на детето и за неговите наследни права спрема посвоителот, доколку посвојувањето е непотполно.

Записникот го потпишуваат службеното лице од центарот за социјална работа кое го застапува детето, родителите на детето, посвоителите и претседателот на Комисијата.

 

Кои пусти чувства на мајката? Какви чувства има таа, ако воопшто ги има? Зборувам за конкретниот случај.

Детето го родила на 27 години. Значи луѓе на тие години се способни сами да расудуваат и да носат одлуки. Колку што сум запознаена со твојот случај, ти сепак на 18 години си го родила и си го задржала бебето.

Членката чека мајката и таткото на бебето кој по некоја случајност и` е сопруг да и` кажат што да прави со бебето. Кога веќе не си способен сам да одлучуваш, немаш услови, кои и да се причините, немој да правиш дете (не е толку тешко, постојат секакви контрацептивни средства), а уште помалку па да раѓаш, оставаш и потоа да го бараш. Ова не се однесува на малолетните лица, не дека ги оправдувам ама има разлика.

Кажи ми што ќе постигне ако го најде тоа детенце? По мислењата на членката се гледа колку е способна сама да расудува и на крај не дај Боже, едно невино малечко детенце да настрада заради нејзината (не)промислена одлука. Но, тука не е само детето, тука се и родителите кои вложиле шест години во него, за на крај да се појави некоја од некаде и да му каже дека му е мајка? Не, извини во никој случај не е мајка. Мајка е многу повеќе од тоа.

Јас сум за да се знаат биолошките родители но, децата да имаат право да ги најдат доколку сакаат. Што се однесува до биолошките родители, тие ја донеле својата одлука, било пред шест, десет, дваесет години.

 

Јас разбирам што сакаш да кажеш , меѓутоа , ете можеби имало сплет на околности па била измамена .. Во право си можеби дека не требало да чека некој да и каже што да прави со своето дете , но еве сега се кае и си го бара назад .. И јас сум за тоа детето да ги најде биолошките родители доколку сака , и околу посвоителите ( кои вложиле труд па макар и 2 саата да било детето кај нив ) , ама па сепак е мајка и се кае . Сепак остро ја осудивте според мене . Ете немора да и го дадат
да го гледа таа после 6 години , ама може да се запознаат и детето да знае која е негова мајка , и мајката да има контакт со детето ( дека е жива , добро е со здравје и сл . ) .

 

Во секој случај, тоа дете или било кое посвоено дете не е играчка. Не може така, се откажувам не сум мајка, па после жал ми е, го сакам назад.
Работава дојде како парче облека, пробувам, не ми се допаѓа, ја оставам, па после се каам за одлуката.
Само што разликата кај парче облека и дете е огромна.
Едното може да го вратиш кога ќе посакаш, ако не го вратиш ќе најдеш замена или барем нешто слично.
Но, тука дете е во прашање. Покрај детето и неговите родители.

Од нигде никаде се појавува дотичната и му вели јас сум ти "вистинска мајка", што апсолутно не е точно. Ама тоа е само дете, ќе биде растргнато на две страни. Едната, каде се појавува членката и му ја полни главата со приказни и секако таа е невина. А другата, неговите родители кои го изгледале и вложиле се во него. Кого ќе го избере?

Какви последици ќе остави сето ова врз детето и неговата психа, ако некогаш го пронајде? Зошто никаде не е тоа спомнато?
Вистинското прашање е зошто го бара и дали на ваквите "мајки" треба да им се дозволи да бараат нешто што никогаш не било нивно?

 

Јас немам деца и не знам каков ќе ми биде пораѓајот. Само да ви кажам дека темава не е за вие некому да му кажувате што требало да направи во одреден момент во животот. Секој си одговара за себе. Низ темиве на форумов може да се прочитаат ужасни породилни приказни. Едноставно не сме сите исти... Постои постпородилна депресија која сега ја има кај се повеќе жени. Во страшна состојба се! Немојте да им судите, ако можете некако помогнете им, ако не можете тогаш не им укажувајте на грешката која очигледно знаат дека ја направиле затоа и пишуваат на темава.

До сите посвоени: не заборавајте на оние луѓе кои ве чувале кога најмногу ви требале и ви пружле неизмерна љубов. Внимавајте да не ги повредите. Од се срце среќно на сите што си ги бараат децата или родителите. Сите заслужуваме среќа.

 

@Antebellum извини ама морам да ти реплицирам. Не е судење ова, реалност е. Имала можности, го избрала тоа што го избрала. Нејзино право. Зошто сега го бара?

Бидејќи во случајов се наоѓам засегната како посвоено дете и прашањето ми е зошто никогаш не се мисли на децата? Зошто ги оправдувате родилките кои кога имале милион опции тие одбрале ваква. Децата немаат опции. Им се дала шанса да си бидат во едно среќно (се надевам) семејство и сега некој да им поремети се во животот? Зошто?

 

Извини не сакав да те повредам воопшто не ми беше намерата да чепкам по нечии рани. Можам да претпоставам за тежината со која живеете сите си имаме некоја болка во душата. Кажав дека немам деца но после сето она што го читам во породилни приказни за негрижата и протисоците се чудам како некои жени остануваат при памет...

Ти се извинувам уште еднаш.

 

Jas kerka mi ne ja dadov na posvojuvanje,ja ostaviv vo bolnica,bidejki mi kazaa deka ke mozam da ja vidam koga sakam. I deka ke mozam da ja zemam,dokolku najdam rabota. Za mesec dena najdov rabota,mi kazaa deka bila dadena na posvojuvanje.

Imalo potpisuvanje otvoreno i zatvoreno potpisuvanje,jas mislam deka sum potpisala zatvoreno potpisuvanje. Bidejki ne mozev nisto da doznam kade i da prasav. I ne sudete,koga nekoj ne go znaete. Od kade znaete nekoj niz se sto pominal,kako zivel.
Dali ste bile vo negova koza,dali ste go zivele zivotot kako mene,ne ste. Vije ne mozete da zamislite ni jas niz se sto sum pominala. Ne mozete bidejki nemate go toa doziveano. Da go imate doziveano,nikogas nema da pomislite da napisete nesto loso.

 

Тања има закон кој што го пропишува посвојувањето како семејна категорија.
Противзаконско е посвојување на дете помало од 3 месеци, истото не може да биде вдомено од траен посвоител, туку само може да биде дадено во дом за доенчиња

Каде ти се документите што ги потпиша? Не е само еден лист тоа.
Одо барај ги низ лавиринтот на органите, ако тоа што си го потпишала било под присила, тужи..
Со оглед на тоа што ти го кажуваш и самата постапка - нешто не штима.
Лесно е ние на форум да се правиме светици или ѓаволи..
Тешко е ти сама на себе да си ја признаеш вистината.

 

Тања еве под претпоставка да успееш да го најдеш твоето девојче, кој ти е планот понатака во врска со него? Ете ако е посвоено во семејство каде новите родители го сакаат тоа дете повеќе од сопствениот живот што си го сакаат, сметаш ли дека е фер према тие луѓе кои твоето дете го згрижиле кога било најбезпомошно е фер да им улеташ во животот и да им го изреметиш раатот само ради твојата тажна судбина? Свесна ли си за нив кој стрес би бил тој да се појавиш ти сега од никаде нигде и да им кажеш дека ти си мајка на нивното дете и дека сакаш да бидеш дел од неговиот живот? Што се тие луѓе должни да бидат дел од твојата животна шарада и циркуз. Бори се со тие што те натерале на таков чекор а не со тие што на твоето чедо му дале се' кога ти не си била во состојба да му дадеш ништо друго освен еден потпис на лист хартија. Себични се побудите да си ја задоволите вашата радозналост или да си ја смирите вашата совест без да размислувате колку луѓе ќе повредите попратно и како едно семејство ќе фунционира после вашето појавување во нивните животи.

 

Имаше пред неколку години кај нас ваков случај.
Мајката се пореодува, таткото на бебето не ја сака, нејзините исто.
Излегува од болница, нема кај да оди и од мостот се фрли во бебчето во Вардар.

Не судете бе жени.
Темата е отворена за друга намена.

Тања кревај прашина, викај телевизии, прави чуда, ама детето најди си го.

 

Таткото на сестра ми , од мајка ми страна ( не е исто , ама можело да биде ) кога се родила не се појавил да ги земе од болница . Среќа баба ми и дедо ми беа разумни и луѓе со преголемо срце , па си ја зеле мајка ми заедно со сестра ми од болница . Не судете без да знаете .
Глосипгрл несакав да те повредам или навредам со некој коментар , се извинувам ако ненамерно го сторив тоа , ама верувај , не секогаш родителите сакаат да ги дадат децата . Мајка сум и знам по себе си . Познавам братучед на свекрва ми , кој е посвоен . Ги побарал родителите и се што дознал било дека биле студенти кога се родил и не можеле да го чуваат .
Точно е , децата не се играчки , па денес го сакаш утре не , ама некогаш има ред околности кога неможеш да го задржиш , оное на кој си сметал за поддршка те оставаат на цедило во 5 до 12 и немаш избор едноставно . Што ќе направиш ти ако не дај, Боже , утре , мажот те избрка велејќи дека не те сака ни тебе ни детето , родителите , на кои си сметала ти треснуваат врата пред нос , а за абортус е касно ? Не знаеме што не чека во животот , немој да си толку огорчена .
П.С. Не зборувам за конкретниот случај , туку општо земено . Познавам и жени кои биле приморани да го дадат детето на посвојување од вакви несовесни луѓе околу нив .

 

И девојки што не ви е јасно?

Прво мајкава не била запознаена со законот. Второ живеела со мајка вештерка ( ја да сум бубрезите на црн пазар ке и ги продадам најозбилно). Трето не била во брак и не била врботена. Четврто била измамена. Петто и ајбитно била под постојани психички и физички и душевни малтретирања.

ОЛАБАВЕТЕ

Тања каде живееш сега? Сама ли живееш?
Имаш ли стабилна работа? Колкави ти се примањата?
Дали си во брак?
Мајка ти вампирката уште шета по земјава?
Сакаш да ти најдам адвокат кој можеш и на фб да го прашаш за твојов случај и се да ти објасни подетално?
Знаеш дека социјалниот работник може јавно да биде кажан и да одговара кривично?
Дали можеби мајка ти те прикажала како психички растроена пред социјалниот работник и тој си ја превзел работата во свои раце и “усрекил“ друго поимотно семејство, па мацнал од медот?
Дали се секаваш во тие моменти што ти има зборувано?
Дали имаш докумет каде си потпишала за посвојувањето ( тие 10 листа што ти ги дале)?
Дали ти на социјалниот работник му ја даде личната карта или пак здравствената книшка?
Колку години имаше кога се породи?
Дали таткото на детето знае за ова?

 

Тања го знаеш социјалниот работник? Зошто не одиш директно кај него и не му извршиш притисок?
Има тој деца? Ако е така како што кажуваш, а кога мене некој така би ме преварил, е бога ми нека му ја мисли тој за неговите деца

 

chrome-extension://ecnphlgnajanjnkcmbpancdjoidceilk/content/web/viewer.html?file=http%3A%2F%2Fwww.pravdiko.mk%2Fwp-content%2Fuploads%2F2013%2F11%2FZakon-za-semejstvoto-20-10-2014-prechisten-tekst.pdf

читај член 68, 69 и 70
зеза член 75, но ако докажеш дека било под присила, во заблуда, со превара итн, овие погорните членови ке ти важат

 

https://www.google.com/webhp?sourceid=chrome-instant&ion=1&espv=2&ie=UTF-8#q=закон за семејство

 

Na fb ima gupa BIO family ,mozebi nekomu ke pomogne, pozdrav

 

Колку тажни приказни...