Спојлер Ако темава не припаѓа овде, слободно преместете ја Како да се биде жена во потполна смисла? Жената не ја создаваат ниту годините, ниту облеката, ниту облините. Тоа е нешто посебно, нешто што секогаш го привлекува спротивниот пол.. женскиот дел што тие го немаат а многу му е потребен. Тоа е она што се цени и кога нашата облека нема да биде модерна, кога надворешниот изглед нема да се состои од привлечни парчиња облека и заводливо нашминкани очи, и е тука и во нашата старост. Тоа е она кое и овозможува на жената на свој посебен начин да ги реши проблемите, да помогне, да го насмее мажот кога светот го носи на сопствениот грб, да ја поткрепи ситуацијата, да биде столб на семејството и врската на кој членовите секогаш можат да се потпрат. Но, како сето тоа??? Како едно обично девојче со гоооолемо дете во неа преминува во.. жена? Дали таа може тоа да го иницира? А и да не може, од што се се состои жената? Чекам одговори...
Да се биде Жена е најмоќното и истовремено најранливото чувство на светот. Тоа не е категоризација, не е само постоење. Тоа е состојба, гравитација на суштината, станување наутро и уживање во миризбите на животот, инстинктот на мајчинство, семејност. Зборувам значи за духовно зрели жени кои знаат да го носат тој епитет. Жената се состои од промени, од внатрешен столб кој како грозд, со текот на времето се надополнува со зрнца мудрост, палавост, енергија што ја прави еднинствена. Нејзината убавина е во малите нешта. Во способноста за итрина и топлина. За создавање Дом, надвор од материјалната смисла. За љубовта кон своето чедо, кон нештата што ја прават среќна.
Да се биде жена е привилегија. Жената е херој. Ако мажот ја гради куќата, жената го создава домот. Толку фина и кревка а толку силна. Понежен пол но се справува и поднесува секакви тешкотии и болки, бременост, раѓање... сето тоа го трпи од љубов. Жената е уметник. Од ништо ќе направи ручек и разни јадења со помош на својата фантазија. Полна е со љубов и мајчински инстинкт, го прави светот поубав, шарен, нежен. Мажот не е дел од жената, жената е дел од мажот. Жената е карактер, а не скапи брендови и шминка до непрепознатливост. За да се биде жена потребни се манири и здрави карактерни особини. Најважно е да е свесна за себе и да ја негува својата убавина, и внатрешна и надворешна.
Многу едноставно. Без нешто да правиш, природата си работи. Минуваат годините, растеш, се развиваш и сакаш-нејќеш, ќе бидеш жена. Не дека е „привилегија“ само за некои.
Жената има дарба од Бога, да ги остварува сите животни улоги на мајка, сопруга, домаќинка, работник и кариерист. Самата природа и’ дава таква способност да може се’ да постигне.