Како да се заштедат пари?

До сега тактика што функционира (барем за нас). Месечно пред плата да земеме правам план колку плата ќе земеме, во една табела ги делам фиксните трошоци, тука ни спаѓаат кирија, сметки, нешто што си плаќаме данок и слично, после во друга табела тргаме пари за храна, и за средства за дома или паста за заби, шампони, сапуни.

Откако ќе се завршат фиксните трошоци, рачунаме колку ни остануваат после фиксните трошоци, тргаме колку можеме на страна и другото го трошиме на лични потреби и задоволства.

До сега вака функционираме, тргаме повеќе за храна и средства и ако не ги потрошиме до крајот на месецот сите, и тие ни одат во заштеда исто така. Пробуваме околу 500 евра месечно да штедиме.

 

50/30/20.

50 - Сметки, храна
30 - за задоволства лични
20 - заштеда

 

Да, тоа го практикуваме и ние )

 

Електроника
Секогаш само крајно ако е потреба. Лешинарење на стари апарати од луѓе што се потехника.
Кола
Не купување возење со бус е поевтино
Одење пешки место со такси
Облека од пријатели и роднини што не користат
Стар мебел што не го сакаат фенс роднини
За роденден поклон облека
Не јадење во ресторни
Живеење под кирија
Со учество купување акции
Заштеда во акции
Никогаш депозити и кеш имање
Одложено плаќање секогаш
Секогаш задолжен дури и кога имаш пари да ги вратиш долговите. Цел е да имаш повеќе пари инвестирано.
Мои работи

 

а?
seriously?

 

За штедење - лесно. Како да се направи големо богатство, и тоа релативно брзо, е прашање. После и штедењето е послатко кога си многу богат.

 

Ех, како?
Да не се оди секаде со кола/такси. Да не се оди на два-три одмори годишно.
И да не се трошат пари на непотребни работи.

 

Јас скратив од тоа да ја купам секоја ситница што ќе ја видам, непотребно трошење на козметика,храна ,облека и така заштедив доста пари .

 

Поврат на недвижност со кредит е 10% ако е јак пазарот ако не е 5% и помалку. Од акции се прават 30+%

 

Читајќи ја темата јас не знам да штедам, мислам знам, и морници ме лазат од тоа време кога од денарот гледав 5 да направам, имам трауми.

Е денес, за среќа е друга песна, не сме милионери, не купувам луксузна облека, марка па ич ама сакам да си се дотерам.
На витамини за здравје не гледаме и не штедиме колку се дава, за храна признавам не сме јадачи и се фрла многу често ама по ресторани не јадеме често.
Јас најголемиот,, луксуз"што го правам што се честам со некое парче облека и покрај тоа што имам ама често бендисувам, исто за дете и маж. Друга маана ми е што за дома често купувам цвеќиња, и ова ми е еден од луксузите затоа што некои често ми се сушат ама јас сум упорна, пак купувам

За да штеди човек мора да зема повеќе плата. Ајде и јас од мојата да речам ќе заштедам овој месец не купувам за низ двор, не мора алишта, ама за здравје нема компромис Мора!
Пак ќе кажам за да штеди некој мора да има од што. Како двајца на минималец ќе штедат? Ни табели ни ексели ништо не ги спасува. Што човек во таа табела да пише овој месец ќе купам 1 кг месо, другиот ќе прерипнам. Ајде за оваа недела со 5 леба ќе поминеме, другата па ќе се стиснеме.

Понекогаш како да не живеам во Мк кога читам некои коментари. Како да се штедело? Еве јас како студент од јадење си кратев, је*ем ти живот, тоа не е штедење тоа е гладување.

 

Па ако парите не би ги трошеле на одмори/патувања, тогаш за што ги штедиме?

 

И за што да штедеме тогаш?

 

За инвестиции или за кризно време.

 

Не штедам, не гледам поента у штедење.

 

Да се штеди за секој има различна логика и смисла. Моите ич не штедеа, јас си ги плаќав последиците, буквално.
Затоа мислам дека треба да се има некоја заштеда, само за секој различно би било со каква заштеда се чувствува сигурно. За глобално недајбоже катаклизми или кризи, никаква нормална заштеда што јас би можела да ја направам не би ме спасила ама пак сакам нешто на страна да имам..
Дојдов да кажав всушност дека ме инспириравте овде да пробам да си ги следам трошоците еден месец, оти немам поим како и колку на што трошам, размислувам како ќе ми е најлесно да го правам тоа, си мислам олд скул на хартија, само да разгледам како да поделам по категории. ..

 

Штедете на што ќе штедите, ама немојте на храна и здравје. Се што ќе се занемари од здравје денес, утре ќе се плати и преплати. За жал има и луѓе што умреа дури чекаат операција на срце на пример на државно, кога ќе размислам за некоја пара што не е голема, отишле предвреме во гроб, ни пензија не дочекале, ништо. Да имале некоја заштеда настрана за црни денови, ќе се спаселе.

 

И за потекло на пари не си играјте дека сте обични граѓани и дека тоа за вас не важи, за политичари е само, не е. Одиш во банка, сакаш да почнеш да штедиш, ти даваат формулар каде треба да пополниш каде работиш, на која позиција, колку плата примаш, износ од до, податоци за фирмата, дали имаш хонорари, колкави и од каде, и на крај стои дека за давање лажни податоци се сноси кривична одговорност и тука треба да потпишеш. Има лица што свесно и намерно дале лажни податоци со мислата дека државата не функционира и за еден месец ги лоцирале од институциите, оти имало несовпаѓање на платен данок и заштеди и потоа следи кривична пријава. Дури и кога отвораш обична трансакциска за да примаш плата, пак ти бараат податоци за какви приливи ти треба.

 

Јас од Џамбо си купив едно најобично тетратче со коцки, и во него секој месец си правам табела, пр. Јуни плата/трошоци.

Во една табела ставам моја плата, во другата на дм, и ги делам по категории:
- фиксни трошоци (кредит, сметки, кирија ако се плаќа)
- храна
- суплементи од типот на витамини, протеин, итн, сѐ што оди тој месец на тоа.
- откако сѐ тоа ќе се исплати, си ставам колку имаме преостанат буџет за други работи од типот на излегување, облека, курсеви и слично.

За нас конкретно работи и системот секој месец си знаеме точно колку отприлика даваме на храна, сметки, и имаме отприлика претстава колку на што оди и колку останува зависно од висината на платата.