Имаш испитано хормони? Може многу да влијае стресот и несвесно чепкање по лице додека си во школо/факс/работа.. Јас јадам брза храна, пијам газирани пијалоци повеќе него што пијам вода па лицето фала богу ми е чисто. Освен пред добивање со 1-2 поголеми внатрешни акни. Црнки имам во пределот на носот со кои успешно се справувам со зелена глина, црната маска од ДМ и минимална употреба на пудра. Го пробав гелот на Авен, ама воопшто не ми одговараше. Црвенила, чешање, сувост... И никогаш повеќе. За разлика од мене сестра ми беше со постојани чиреви на лице, со секакви маски, со стискање акни секоја сабота.. Хормони нормални, исхрана нормална, ама затоа стресот и чепкањето по лице и ги посочија како причинители за чиревите. Затоа помалце стрес и обавезна посета на дерматолог при секоја промена на лицето. Ништо сами на своја рака.
Plavoto go imam koristeno imam ogromen problem so liceto i nemav rezultati.Crvenoto za sto e nameneto potocno?
Имам мрсна кожа и честа појава на акни и црвенило на лицето и грбот. Некој совет или препорака? Бев на дерматолог и ми препорача лосион со сулфур и пробав, но резултатот не беше посакуваниот.
Најефтино решение бекутан... ја скептик бев, ама пред спиење ја нанесував подолг период и веќе немам никакви лушпички и целото лице ми е освежено. Преку ден ставав една хидратантна крема од орифлејм, royal jelly face cream... за сува кожа е. У суштина барај си пудри, креми, и све остало за твојот тип на кожа и не би требало да имаш проблем.
Бекутан е една од најголемите грешки што многу девојки ја прават. Како може една иста крема да биде соодветна за нега на лицето на бебе и за нега на кожа на девојка која е во пубертет или девојка која е 20+? Настрана тоа што составот не и е баш најсјаен, има многу други опции за соодветен тип на кожа. @maaraa96 барај крема за сува кожа, ете кокосово масло ако не ти ствара комедони, слободно користи го. Исто, купи пудра за сува кожа, или пред да купиш нареден пат, оди во Cosmo, стави на дел од лицето и види до утре како ти одговара на кожата. Прочитај низ темите, за сува кожа има и ББ крема, ако не ти треба многу голема покривност.
Ако сакаш крема што е природна и за масно лицеи ќе помогне за акните ти ја препорачувам на Гамарде себо контрол. Плус има од истата линија и пена за миење на лицето.
Најдобро да најдеш добра хидратантна крема која ке ја нанесуваш на претходно пилингувано лице, за да се остранат лушпите и кремата подобро да се абсорбира во кожата.
Ако си од Скопје, па и да не си, оди кај др. Ирена Димитровска во градска болница „8-ми Септември“ на дерматологија, многу е добра посебно за случаи со акни.
Јас како со прилично обемно искуство во врска со акните и досадната борба со нив да ви предложам неколку совети кои би можеле да ви помогнат. Внимавајте на храната. Не станува збор за држење диети, едноставно исклучете ги или намалете ги на минимум нездравите работи, брзата храна, пржената и премногу зачинетата храна, газирани сокови и слично. Пијте многу вода и течности. Покрај надворешната хидратација, на кожата и е потребна и внатрешна хидратација. Вадете ја шминката темелно и мијте го лицето длабински. Не е доволно само да ја избришете шминката со влажни марамици или лосион. Нечистотијата и шминката се задржуваат во порите при што ги затнуваат и настануваат акните. Користете благ сапун или гел за миење лице, четките за миење лице ќе ви се најдат премногу бидејки убаво ја чистат кожата. Можеби четката мене ми беше еден од клучните моменти да ми се потсреди лицево. Правете редовна детоксикација на организмот. Задржувањето на сите отрови во организмот влијае на проблемот со акните. Исто така, доколку имате нередовна столица може да ви има гооолемо влијание. Пробајте да пиете наутро топла вода со лимон и ѓумбир. Не се прејадувајте. Не го тормозете организмот со премногу храна одеднаш, внесувајте почесто ако треба, но помалку количински. Ова го прочитав некаде дека посебно допринесува за акни на образите (како во мојот случај). Навлака за перница. Секогаш, секогаш нека ви биде чиста, испеглана и менувајте ја редовно. Исто така дезинфицирајте го мобилниот, има премнооогу бактерии кои секојдневно несвесно ги лепиме на лицето преку него. Земете си антибактериски марамици или некое средство. Стрес. Еден од главните причинители за акни. Знам дека е невозможно целосно да се избегне стресот во денешново окружување, но обидете се да го намалите и да не се нервирате премногу. Правете си и маски со зелена глина. Доколку имате посериозни проблеми тогаш направете алерго-тест за да се уверите дека одредена храна не е причинителот за исфрлањето. Ќе пишам подоле и за дерматолозите. Spoiler Како некој што мака мачи за да стигне до чисто лице, можам да кажам дека ако сметате дека имате посериозен проблем, веднаш отидете некаде каде што пред сé ќе ви испитаат и крвна слика и хормонален статус и сите останати работи што можат да влијаат на исфрлањето, па потоа да се одреди соодветна терапија. Најчесто ваквите проблеми доаѓаат одвнатре, вие проблемот може да го намалите делумно, но тој сеуште ќе си постои. Не прифаќајте никакви терапии и третмани додека не ви се испитаат сите работи претходно, верувајте само ќе си го арчите времето, парите, нервите и ќе си го оштетувате лицето беспотребно. Одев и кај Николина од Медикоз каде што ми се среди до некаде лицето но не целосно и за флеките ми даваше креми наместо третмани и само ми викаше супер си, чиниш дијаманти ми искачаат од него. Одев и кај Коста од Дермаплус кој уште од старт е незаинтересиран и за погледот што ќе ти го фрли на лицето од 15 секунди и останатите минута ипол ќе ти препише креми кои него му носат пари, ќе ти наплати 1000ка, а уште 5 пати повеќе ќе се изнадаваш и за кремите и за третманите понатаму. Си викав, лице е, не ги жалам парите, само нека има резултат. Но, резултат немаше, или ако имаше беше краткотраен. Никој од нив ниту еднаш не се сети да каже: Ајде да испитаме да не има некој проблем. Ама се сети да закаже третман од 2000 и да ти даде креми од 1000 секоја посебно. Сега крајна дестинација ми е др. Ирена Димитровска од 8ми септември, која од препораки знам дека претходно прави испитувања и без резултатите не препишува ништо. И последната каде што ќе отидам за да си го барам лекот. Се надевам дека можеби кај неа конечно ќе се средам, па ќе пишам дополнително.
Се мачам со акни уште од пубертет...скоро 5 години од кога ми почна тој проблем. Не ми се којзнае што грозни, или премногу, но постојано си ги имам. Пред 2 недели отидов кај една докторка во Аеродром. Ми одржа предавање околу 30 мин сигурно. Ми кажа се да си јадам и дека ова нема врска со храната. Ми препиша антибиотици во вид на маст. 24 часа ми стојат на лице, едниот е како пудра за по надвор, а другиот е малце грозен и многу мрсен (за по дома). Утре ќе одам на преглед и ќе видам што ќе ми каже. После секое излегување, кога ќе се вратам ми кажа да се мијам сапун и пак од мастите. Исто ми кажа и да бегам од сонце, или ако морам да бидам на сонце додека се движам, да ставам заштитен фактор. Инаку за лечењето на лицето ми кажа дека ќе го лекуваме во неколку фази. Најпрво со антибиотиците, па после нешто ми спомна за чистење на порите и на крај третман за чистење на лузни од акни.
Вака, бев на дерматолог и ми препорачаа некои гелови и креми меѓу кои е и Скинорен. Значи правам се според упатствата на докторот, арно ама, откако ќе ставам од Скиноренот лицето ужасно почнува да ме чеша. Не обично чешање, туку како да ме штипе некој. Дали имал некој искуство со кремава? Што да правам?
Јас ја користев. Исто како тебе многу, премногу ме чешаше дури неиздржливо и ене ја си стои фаќа прашина.
Има еден крем и машки и женски можат да го користат се вика здраве и е од бугарско производство ефтин е збогатен со цинк баш тоа му треба на лицето и го суши лицето мислам суши све што е на лицето од бубулици и го подмладува лицето и убав ќе им е на многу еве слика од тој крем https://beautycosmetic.biz/images/kremzdrave40ml.jpg
Срцка ако не ти е исчистено лицето од внатре ако ти е полно со бактерии надвор само ги суши ама проблемот е уште под кожа.Ка имам користено затоа препорачувам чистење на лицето па потоа ставање креми лосиони и слично.
Јас сум многу задоволна од Виши. Купив пена за миење и пилинг од термалната колекција, а надополнив со дневна крема за хидратација. Сега размислувам и за ноќна, но и дневнава ми врши доста работа. Со години лицето не ми било толку хидрирано, некогаш кога ќе станам наутро и откако ќе го измијам лицето, немам никаква потреба од дополнителна хидратација. Многу ми се стегна лицето, ми светна со здрав сјај... шминката и претходно ми стоеше убаво, ама сега едноставно спие. Е сега, имам флеки од едно исфрлување пред 3-4 недели. Станува збор за хормонални акни, прво одвај минеа (една мислам и 10 дена ми стоеше), а сега откако КОНЕЧНО поминаа, оставија темна пигментација. Како некој што имал чисто лице со години, прилично трауматично го поднесувам ова и се нервирам секојпат кога ќе се погледнам во огледало. Прашав во аптека и аптекарката ми рече дека додека не се излупи кожата слој по слој, не верува дека ќе има некоја крема што ќе може да помогне. Гледам на Интернет да нарачам нешто, ама не знам од каде да почнам и што би зела. Искуство некој? Купив активен јаглен во капсули со надеж дека ќе помогне, @Mishela ја тагнувам затоа што знам дека сигурно има искуство со ова. Ќе ги избели ли флеките или џабе ќе се мачкам? Инаку хормоните се сега под контрола, барем моментално.
za odvnatre ako e problemot za liceto ima 2 vida na kozi mrsni lice mrsna koza i suva koza hranata e najbiten faktor treba da se jadi zdrava hrana da se pije voda za da se sredi liceto i od nadvor posle ke se regulira so kremovi
И јас неодамна имав такви акни предизвикани од хормонски проблеми и те разбирам, многу ме иритираат тие неколку флеки околу брадата, ама верувај дека советот на фармацевтот е ептен на место. Aко не станува збор за дупчиња од насилно стискање акништа, тогаш не се секирај зашто навистина ќе избледат со тек на време. Еве кај мене една тура флеки замина и затоа сега дојдоа нови. Хормоните ми се во ред, ама потребно е време за да заздрават сами по себе. Мачкав Лала, во зима мачкав не знам какви креми со овошни киселини, сода, медови, лимони...попусто. Си пројдоа сами од себе и кожата си е онаква каква што си беше и пред да ми се појават флеките. Не им се секирај, сепак не станува збор за флеки предизвикани од сонце или некој друг тип на пигментација. Ќе си пројдат. Јагленот е добар како пилинг, немам истражувано како и дали може да делува против флеки, ама мислам дека нема некоја таква моќ. Ставај масло од чајно дрво директно на флеките, од сите можни продукти кои ги ставив на лице, мислам дека тоа имаше најголем удел во процесот на заздравување. А и многу е фино за кожата, ќе ти се допадне.
