Не би ти ја препорачала. Ми го сушеше лицето многу и ми се појавуваа нови акни на места каде што никогаш сум немала. Исто, околу устата ми се направија флеки црвени и рапави (не знам дали беше до мојата, да не и беше поминат рок) ама цел месец го лечев, одев на дерматолог, не можев ни да се нашминкам, ни да се допрам тука. Можеби е само до мене, не знам .
Фала ти, да не ја купувам залудно. Штом ми одговори, да те прашам од која крема воглавно си задоволна? Долго време барам крема за масна кожа склона кон акни, не во голема мера но често пред циклус.
И јас имам чувствителна кожа склона кон акни, најчесто пред циклус, исто како тебе. Користам кремата Здраве, ставам само на акните и презадоволна сум. И како тинејџерка имав проблем со пубертетски акни и единствено само Здраве ме спаси, а што се немав пробано. Кремата чини смешни 55 денари, ја има во сите маркети .
Имам многу проблематично лице склоно кон акни и неможам да си најдам соодветна крема па сега сакам да пробам на природна база. Дали ја има некој пробано или слична на оваа и како е задоволен? Состав:Ладно цедени масла:Арганово,јојоба,макадамија,шеа путер,ланолин,природна свила,алое вера,Е витамин
Пред се користи го сапунот на dove од млеко многу е добар помага за акни,го прави мазно,чисто и меко лицето ,акните ги смирува така што го губат побрзо нивното црвенило и побрзо здравеат со тек на време ќе осетиш дека ќе почне да ти се чисти лицето.Баш братучед ми имаше многу акни наследно од тие крупните,мрсна и проблематична кожа и користејќи ваков сапун му се исчисти лицето.Исто така и јас го користам, имам сува кожа и ми го хидрира лицето,немам акни но само пред менструација ми излегуваат по неколку и кога го користам сапунов ни тие ги нема многу чисто ми е лицето,а сум птиметила кога ќе го запоставам веднаш се појавуваат,едноставно неможам без него се навикнав.А за крема незнам бидејќи сум немала такво искуство со акни
Јас се справувам со акни веќе 5-6 години и не се сеќавам лицето да ми било скроз чисто но, веќе неколку месеци го третирам така што минутата кога ќе дојдам дома, ја вадам шминката и го мијам лицето со Asso derm сапун, и секоја вечер пред спиење користам Young Derm крема. Најважна од се е исхраната. Исфрлив зачинета храна, кечапи мајонези што можно повеќе, и престанав да јадам после 18 часот. Овој период ми е најчиста кожата после 5-6 години, но сепак не е сосема, ама не можам да кажам дека не сум задоволна.
Одамна ја имам исфрлено храната што може да предизвикува акни, или некои работи ми се сведени на минимум и џабе. Ги испитав хормоните и во ред се, нема ништо над нормалата. Не е страшно, се покриваат со пудра и малце коректор, али не е тоа тоа, ми се смачи веќе.
Како јас да сум го пишела.. Еве 4 месеци и јас како јадам само здрава храна, без млечни производи, чоколади и брза храна и немам никаква промена во лицето. Испитав хормони и јајници се е одлично но гинекологот сепак ми препиша Диане само заради пустите акни. Испив 3 дози и немаа никаков ефект па по препорака на една другарка која ги пиеше Јасмин и лицето и стана стакло отидов да ми ги препиши тие. Штотуку ги почнав па се надевам дека тие се последниот спас, стварно немам сили веќе. Минатиот месец потрошив 5000 денари во аптека, купив полно препарати кои уште толку ме исфрлија, ги баталив во фиока. Пудра ставам многу ретко, еднаш неделата. Пијам милион витамини и пак ништо. Не знам во што е проблемот..
Пределот околу брадата последните 10 дена ми е катастрофа..Значи на др места немам акни но брадата болни големи акни секој божји ден излегува нова
Знам и јас девојки што после два три месеци пиење на Јасмин им се средило лицето скрос, само не сакав да пијам пошто резултатите не покажаа ништо. Али изгледа ќе и побарам на докторката ако се согласува и таа да ми препише.
Гинекологот ми рече дека се сосема безбедни и дека понекогаш иако наодите не покажуваат промена во хормоните можно е да постои нешто многу минимално што создава акни. Диане се многу појаки од Јасмин ама мене ете не ми помогнаа. Инаку Јасмин се дупло поскапи (530ден.) од Диането (230ден.) што мене ми е малку чудно. Можеби требаше да ја продолжам дозата и да почекам ама мене стварно ми е преку глава од чекање да поминат, ги имам од 15 години и нема што не сум пробала. Друга варијантна ми беше да пробам со Роакутан но тие се премногу штетни, па затоа избрав преку контрацепција. Консултирај се со гинеколог и кажи му дека ништо досега не ти помогнало па нека ти ги препише, не губиш ништо. Но внимавај да пиеш витамини заедно со нив, ради некоја сигурност бидејќи тие го намалуваат дефицитот на витамини во телото. Јас пијам Витамин Ц, Цинк, А+Д3 и Магнезиум..
Фала ти многу што одвои време убаво да ми објасниш. Јас секако Вит. Ц, цинк и во зима останативе, па ќе си продолжам. Јас за Роакутан имам читано за доста нус појави, па не би земала нешто толку јако, колку и да помага за овај проблем.
Јас мислам дека голем удел во состојбата на лицето има и загадувањето. Колку и да не сакаме да признаеме, сепак е многу значаен фактор и тоа. Тргнувам од себе - штом моето лице почна да станува чудно, а сите хормони и општо здравствената состојба ми е во ред, се хранам здраво и не јадам брза храна ниту благо, значи навистина нешто друго е во прашање. Не е ниту генетика во прашање понекогаш - мајка ми имала голем проблем со акни додека била студент, а јас отсекогаш имав чисто лице со по некоја акна пред циклус. Сега појавата на акните ми е измешана - час се појавуваат за време на овулација, па непосредно пред или после циклус, дури и за време на циклусот. Не гледам некој ред. Неодамна имав толку чудна појава на лицето, што отидов дури и да испитам хормонски статус и правев гинеколошки преглед. Сè беше во ред, а лицето пуздер. И тоа не обични бубулици, туку баш акни кои немаат ниту бел врв. Како планини, тврди, црвени и болни. А исто така приметувам и дека почесто ми се прават црнки, т.е. порите почесто ми се полнат со нечистотии иако во живот си немам легнато без да исчистам лице темелно. Тестирав и имав периоди со/без пудра и да ви кажам - сфатив дека едноставно не е ниту до пудрата, ниту до мојата исхрана, ниту пак до некој зравствен проблем. Надворешните фактори си влијаат и тоа како. Некое универзално решение не знам, јас како и обично посегнав по цинк, магнезиум, витамин Ц, витамин Е и „неизбежниот“ Далацин Ц. Секоја вечер нанесувам масло од чајно дрво на секоја акна што ја приметувам. Забележав дека со негова помош полесно „пробива“ акната и не е толку болен процесот на заздравување, плус побргу минуваат. Засега ситуацијата е под контрола, а до кога - немам поим. Размислував и на опција контрацепција, ама сепак отстапив.
Во последно време го користам тоникот на byphasse како тоник и како остранувач на шминка. Прво како тоник ми се допаѓа бидејќи темелно ми го чисти лицето и приметувам разлика во намалувањето на мрснотијата. А како остранувач на шминка - ја остранува шминката од очите( сенки, туш ) и остатокот од лицето, но како што забележав тешко ја вади маскарата. Мене не ми е некој проблем после тоа си се измивам со млака вода па користам пена/гел за чистење на лице од Балеа. Иако имам комбинирана кожа овој тоник е за чувствителна кожа, сепак ми одговара. Мислев дека ќе ми прави проблеми. Денес го земав млекото и пусто срце не издржа го пробав и сега лицето ми е мазно и се чувствувам убаво во своја кожа. Оваа марка ретко ја сретнував на форумов, но мислам дека за таа цена што ја има на пазарот е прениска за ваков убав производ.
