Прочитав некаде дека за мрсна кожа и акни добро било маслото од лешник. Има некој користено? И јас имам проблем со мрсна кожа. Кога го мијам лицето со Алверде пената од зелен лимон, потоа образите затегнати ги чувствувам. Ставам гел крем и треба неколку пати да намачкам за да осетам хидратација. Сеуште во потрага по добар хидратантен крем или масло за мрсна кожа...
Мене ми препорачаа да ставам кокосово, но ми искочија неколку мозолчиња, а го ставав превентивно, пошто ми беше чисто лицето периодов. И се зезнав. Имам комбинирана кожа, но во зима ми се суши.
Мешај го со арганово (кокосовото масло е комедогено, затоа ти се појавиле можеби мозолчиња, мене ми одговара кокосово многу а имам масна Т-зона и нормална кожа на остатокот од лицето). Или пак користи арганово, ете можеш и масло од јојоба. Мислам дека и тоа е добро за твојот тип на кожа. Мене навистина многу ми се погоди маслото на Алверде со дива роза. Прв пат после циклус лицето да не ми се унакази, маслото го користам од Нова година. Со него третирам подочници, врат и деколте, а со остатокот што останува по прстите го третирам и лицето. Не ми треба многу затоа што имам доста масна Т-зона, но вака со остатоци е одлично. Кожата ми е многу нежна и мека и ситуацијата со пост-циклусните акни е океј до некаде. Меѓутоа, секоја вечер редовно нанесувам и масло од чајно дрво на акните што се појавуваат или оние кои се „во процес“. Малку се, но имам чисто лице па ми сметаат и тие. Мислам дека тоа ми се покажа како најефикасно.
@Rebecca_R да сетот е за тестирање , го земав баш поради тоа , сакам да ја тестирам маската, тонерот и маслото (никаде не можам да најдам тестети само од маслото или од тонерот па мора вака.. Тогаш штом ти е лицето суво немој да ја земаш таа кремата на Гамард , убава е ама за масна кожа е тебе лицето ќе ти го пресуши. Кремава Мелиса што јас ја користам наменета е за комбинирана до мрсна кожа, го осеќам убаво лицето со неа ниту го масти ниту ми го суши. Жената во аптека ми спомна дека ги хидрира сувите делови на лицето , а таму кај што треба го регулира себумот. Ја имам и таа кремата за чистење лице од бадеми (по втор пат ја купив сега ) таа се користи два пати на ден , не е пилинг туку како густа паста да кажам лицето го остава многу меко. Општо сум изненадена позитивно од козметикава на Др.Хаушка порано зашто ги избегнував нивните производи не знам. Сега се сакам да пробам
Читав во една тема дека за црнките помагале ленти од нивеа за црнки. Дали има некоја членка искуство со лентиве, да кажи како се користат од каде ги зела по која цена и колку помагаат?
Мене Хаушка ми е на врвот, ниту еден производ не ме разочарал. Скапи се, ама вредат секој денар. И Николина вели дека се најдоброто од козметика, и Биодевојка истото го има кажано. Ама после кремата за чистење треба да ставиш крем? Или само со неа го миеш лицето и толку? Се мислам меѓу Мелиса и Маслото. Можеби сепак маслото ке го земам сега а Мелиса во пролет, таман кога ке ми се потроши маслото. Вака ориентационо, не се којзнае колку поскапи од други производи кои се квалитетни. Проблем е што треба да дадеш поголема сума во еден момент. Пример, оваа крема ја користев месец и пол - два, не повеќе, Хаушка маслото цело лето 3-4 месеци секој ден по два пати. Маслото од Хаушка е 1200 денари, кремата 400, кога да видиш тука некаде е. Добро сега, не може да се спореди со цените на Алверде, ама кој може да си дозволи, ич нека не мисли.
@IM.TMKQ Ова е кремата Мелиса за помасна кожа Гамарде е добра крема цената на Гамарде е околу 900 ден а на Др.Хаушка околу 1100 ден ама често има попуст по Зегин и Еурофарм. @Rebecca_R наместо сапун за лице ја користиш пастата, и потоа лосион па крема. Јас моментално немам никаков лосион па по миењето на лице ставам крема. Исто и кремата под очи нивна ја имам и многу ми се допаѓа. Инаку како сакаш , можеш и така да направиш сега земи го маслото па подоцна можеш кремата да ја пробаш
Таа е цената. И бавно се троши, трае. Не го ставам секој ден. Од кај го купуваш ти? Сакам и јас пак да си го земам.
Здраво девојки јас сум пресрекна и морам да споделам со вас , веќе подолго време барав лек за акни и чисто лице , имав комплекси да излезам без шминка и плачев секоја вечер . Бидејќи го знам чувството на незадоволство од сопстеното лице сакам да споделам со вас искуство со дерматолог кој многу ми помогна . Докторката се вика Марија Недева од Неготино . Резултатот е за 1недела
Епа тогаш нема да ми одговара, за миење на лице користам Хип, ако имам шминка ја вадам со мицеларна вода, мијам со гел и на крај ставам од маслото или ноќен серум. Пастата плус би ми била обврска, така да испаѓа од план. Дефинитивно ке купам масло па кога ке го потрошам ке ја пробам кремата. Фала.
многу ми е мило за тебе ќе можи да ми кажиш каде има ординација докторкава? Скоро една година имам многу сува кожа и до сега немам најдено лек, а ни дерматолозите кај шо бев :/ Да си пробам среќичката и кај неа...
Јас сакам да прашам за витамин Ц серумот што го рекламираат секаде..Дали е функционален за намалување на акни,на лузни од истите пошто одреден период во лицето сум хаос,не паметам полошо да ми било..Акни насекаде и не исчезнуваат никако..Имам комбинирана кожа,земав дермогал,се мијам со Нивеа scrub имам и од балеа некој гел дирекно на акните што се нанесува и бадијала.. Не знам веќе што да направам,сте препорачале масло од чајно дрво,ќе пробам и тоа али стварно не знам што да користам за дневна и ноќна нега на лицето.. Преосетливо ми е станато во последно а никогаш сум немала проблем..
Да , земи си масло од чајно дрво , ставај само на акните , ќе ти помогне. Општо со негата на лицето , пробај со по природни работи , другиве производи горе што ги спомна имаат силикони , нафтени деривати итн што дополнително ти прават проблем на кожата. Незнам која крема за лице ја користиш ама штом имаш проблематично лице земи ја кремата на Гамард себо контрол , ќе ти помогне доста и во врска со акните
Дали има кај нас производи за лице од Sebactase освен апчињата? Почнав да ги пијам пред некој ден, па сакав во коминација со некое средство или крема.
Почнав да користам една крема, за акни, флеки и брчки. Ми ја препорача тетка ми, не ја земав од тука, но ја има во Грција и Србија. Се работи за оваа крема Има некое дејство како хемиски третмани што прават по салоните. Да напоменам дека е строго забранета ако планирате бременост или сте бремени. Изложување на сонце никако. Резултати јас имам за неполни 2недели. Си направив таква беља од завеса во автобус, буквално за 2 часа ми бувна само еден дел од образот.Со години неможев да го оправам, уплав имам од автобуси. Не дека ми беше ужас, далеку од тоа, но јас сум ситничар и за најмала флекичка се фаќам. Нема што не пробав, не знам колку пари фрлив. Кремава е многу агресивна, кожата се лушти слој по слој, но ефектот е зачудувачки. Од акни до флеки, трага нема да остане.
