Гелот од Авене е одлучен, јас го имам користено. Но сигурно ке ти треба и хидрантна крема за преку ден, затоа што Скинорен кремата ја суши кожата.
Да и јас тоа го забележав но, го прашав дерматологот дали може друга крема да користам ми рече најдобро не засега или на деловите каде ми е сува кожата само. А од Скинорен ставам само на акните не на цело лице.
Јас до пред извесно време не пиев ни чаша вода на ден, но сега почнав да пијам по три литри на ден и забележав дека на лицето ми се појавија многу црнки, дури и на челото каде некои се воспалија што не се случило со години. Секогаш повеќе со образите сум имал проблем. И сега се мислам дали ова може да е од водата? Нешто во стил да ми ги вади сите нечистотии од кожата преку црнки? Бидејќи воопшто не се потам, дури и кога правам нешто, немам проблем со прекумерно потење. Не барам никакви продукти за секојдневно користење, имам премрсна кожа, а кога ставам нешто секојдневно ми се суши и ме чеша. Може само црната маска ќе ја пробам од ДМ. А за флеки на лицето, јас користев масло од кантарион. Баш мислам дека некој порано на темава го имаше препорачано и навистина помага, само треба да сте упорни. @Mishela, дали кокосовото масло е она од ДМ во тегличка со бела текстура? И каков ефект ти дава?
Можеш да го земеш тоа кокосово, убаво е. Моето кокосово масло е од Зегин. Го користам само за подготовка на маски за лице и за тело како крема. Важи за комедогено масло, но јас лично не сум имала никаков проблем дури и кога сум го користела директно на лице. Ни одговара многу, но внимавај сепак. А за масно лице, најдобро ми се покажа маслото од јојоба. Го има во Биокулт, околу 350 мкд и одлично го регулира масниот сјај.
Внимавај со маслото од чајно дрво затоа што мене ми останаа дамки на лицето од него. Ставав дирекно само на црвенилото и извлекува гној но откако се исуши целосно мозолчето ми останаа модри крукчиња. Веројатно не е за сите типови кожа.
Искрено, не приметувам нешто вакво во последно време, но сепак фала ти што пиша, зашто можеби некоја друга се соочува со нешто вакво па да знае и да биде претпазлива. Иако јас мислам дека е скроз нормално ова, особено ако акната била поткожна и голема (да не речам, преполна со гној). До некаде и нормално е да остане флека, ама тие би требало да се повлекуваат кратко откако местото сосема ќе заздрави. Сепак, штом кожата вака реагира внимавај си штом си го приметила ова. Можеби е поосетлива па маслото неразредено е премногу јако. Каква кожа имаш? Можеби би било добро (ако кожата е осетлива нели) да го разредиш со некое друго масло. На пример, ако имаш масна кожа, да направиш смеса од масло од јојоба + неколку капки масло од чајно дрво.
Искуство некој со овие креми? Ми ги препорача дерматолог како хидрантни дека биле добри и некоја на Себамед ..
Ова се креми со заштитен фактор, ги немам пробано. Јас користам Еуцерин oil control spf 50, го матира лицето, мислам дека сеуште е на попуст во Зегин.
Како крема за секој ден - не, ја користам само кога излегувам на сонце. Ти каков тип на кожа имаш? Проблеми со акни, комедони, митисери?
Јас имам комбинирана/ мрсна кожа, склона кон акни, комедони, митисери, имам пишувано веќе во темава, разлистај ако те интересира подетално. Кога ке го измијам лицето, кожата ми е сува, ама по одредено време се масти. Јас го користам ова масло од Хаушка, околу 1200-1300 денари е. Органска козметика, ако ти значи нешто.
Девојки, некоја да ми каже крема или било што за Флеки на лицето? Ретко користам пудра, но последнава недела затоа што сум нашминкана скоро по цел ден приметив некои флекички :/
Здраво девојки, штотуку почнав да користам гел адапален со бензол пероксид, кој го нанесувам само навечер, во комбинација со дневна крема себиум глобал на биодерма, а за миење го користам гелот на ефаклар. Забележав дека лицето ми е доста суво по само неколку дена употреба, па се мислам дали треба дополнитено да користам хидратантна крема? Доколку некој има слично искуство би била благодарна да сподели
