Мислам дека проблемот со затегнатоста се должи на потребата од хидратација. Најчест проблем е погрешно третирање, користење јаки абразивни препарати за миење кои го сушат површинскиот слој на кожата или користење на богати, мрсни креми за потхранување кои не хидрираат. Мислам дека би требало да пробаш да го исклучиш кокосовото масло на некое време и да си земеш хидратантен крем за лице. Пробај нешто со хијалуронска киселина.. спомна дека не си во Македонија, ако си некаде каде што климата е сува, внимателно и со кремите со хијалурнска бидејќи во случај на сува клима може да имаат контра ефект и да ја извлечат влагата од кожата. Се на се, барај хидратантен крем.. Не знам каков тип на кожа имаш, гледај да си најдеш нешто соодветно за миење на лицето и гледај тоа да не ти ја остава кожата пресушена. Може да пробаш да го чистиш лицето со мицеларна вода(Гарние се одлични, земи розева линија за осетлива кожа) но не штеди, избриши го и два пати за да си сигурна дека кожата е убаво исчистена и нема потреба од друг производ за миење. Веднаш после тоа, во првата минута после чистењето гледај да ја нанесеш кремата. Ова е доколку рутината ти се состои од два чекори, односно миење и крема. Доколку сакаш може да си земеш некој хидратантен серум(Vichy имаат добар со хијалуронска). Во тој случај прво е мицеларната па серумот и на крај крема за лице која во овој случај може да биде побогата бидејќи серумот ќе заврши работа во поглед на хидратацијата. Ако земеш мицеларна Garnier, од истата розева линија има и крем за лице со природна основа и екстракт од роза. Производиве сум ги користела затоа ги препорачувам.
Здраво девојки Се зачленив на форумот за да најдам спас за мојата кожа со акни од кои веќе сум во очај. Па како што пребарував нешто во врска со лечење на акни , ми излезе искуство од членки од форумот од 2011 год. за некоја маст од кај некој Саше што многу помагала. Ако може некој да ми каже дали таа маст уште постои и контакт ако има некој да ми даде. Поздрав до сите ❤️
Времето овде е променливо и често дождливо. Така да ќе треба од гарниер да земам ..значи м.вода розева и кремот е од гарниер исто? Розата
Девојко не пробувај свашта најдобро би било кај доктор моето лице беше хаос сега е супер со некоја флека, користам биодерма мицеларна розева за чистење, а навечер ставам аирол крем користам биодерма крем за хидратација и виши пудро и секако најглавното да се исфрли шеќерот, белиот леб... се што е нездраво
Како се користи кремата Имекс против акни. Дали се размачкува само на акните, колку време треба да дејствува. После ништо не смее да се става пудро шминка или?
Имам читано рецензии за овие овде http://yourlowcostmakeup.blogspot.com/2018/02/fancy-handy-review.html имаат пишувано за скоро сите продукти кај нас што се достапни Горе доле се океј, само за тие пари као си можела да купиш поквалитетно т.е. со поприродни состојки кои не штетат.
Ова се производите, се надевам ќе ти завршат работа. Сепак пробај да го најдеш и Vichy серумот или било кој друг со хијалуронска киселина бидејќи тоа ти е најважно за кожата да се хидрира и да се изгуби затегнатоста.. Oваа крема ти ја препорачувам со серум за хидратација кој би одел пред неа. Ако не го земаш серумот тогаш подобро побарај некој друг хидратантен крем. Значи гледај да пишува HYDRATING во описот, не е потребно да е скап крем или со многу додатоци. Ако најдеш некој поефтин тогаш земи го и овој па комбинирај ги, со тоа што секогаш прво ќе го ставаш хидратантниот па овој во многу мала количина, доволно за кожата да добие што и е потребно. Ако случајно најдеш Hada Labo производи, тоа ти е најдобра опција. И во тој случај, барај ознака Hydrating. Не знам каков тип на кожа имаш и колку е паметно да направиш ексфолијација .. можеш да пробаш да направиш пилинг со талог од кафе, тоа е наједноставна варијанта. Но тоа нека биде многу нежно, како масажа на лицето, без многу агресивно стругање со талогот. Чисто колку да падне мал површински слој од насобрани мртви клетки и да и се даде простор на кожата да дише и полесно да апсорбира од кремите.
има ли некој купено хада лабо од дм македонија? ме знам дали се еднакво добри како во странство ..(се мислам за лосионот/серумот)
Смени го шампонот,од него ти е,исто ми се случува кога користам појаки шампони.Не мора да е скап,само гледај да е без многу хемија.Во аптека побарај на билна база некој,би требало да се среди пределот од акни.
Треба прво да се одреди каков тип на кожа имаш...Дали целото лице ти е суво или само на места? Дали Т-Зоната ти е масна? Дали имаш црвенило и каде имаш црвенило? Каде ти се лупи кожата и колку? И најважно дали секогаш си го имала овој проблем или не? Сите овие прашања се важни бидејќи треба да се диференцира тип на кожа од некоја друга состојба(на пример себореичен дерматит,екцема итн)ако не се знае точно џабе ќе фрлиш пари... Мое мислење е да изградиш базичен режим на чистач,тоник,крема за лице и масло за лице.Еден продукт нема да ти помогне,треба целиот режим да биде насочен кон проблемот.Иначе цело време ќе се вртиш по круг.По твојот опис имаш комбинирана кожа со доминантна сува компонента,евентуално чуствителна. Не знам каде живееш и кои продукти ти се достапни така да ќе ти препорачувам работи кои можеш да ги најдеш и онлајн.Концентрирај се претежно на продукти кои содржат церамид,глицерин,хијалуронска киселина како додадок што не содржaт сапуни значи да не биде пенлив,што не содржат алкохол и други тешки хемикалии и идеално без мирис. 1 чекор- Шминката секогаш вади ја со нежна мицеларна вода или остранувач на маслена база(розевата на Bioderma и Garnier се океј) 2 чекор-Многу нежен чистач.Немој да го миеш лицето со жешка вода,туку со млака.Пешкирот да биде чист и немој грубо да триеш.Препораки:CeraVe, Cetaphil ги имаш на iHerb,La Roche Possay Toleriane Hydrating gentle Cleanser ,слични имаш и на Eucerin,Avene,од drugstore Neutrogena.Ако не си чуствителна на органска козметика препорачувам и Dr.Hauschka Cleansing Cream. 3 чекор-Тонер или спреј за лице.Барај препарати кои би содржеле алое вера,розова вода без алкохол.Препораки:Thayers Alcohol Free Toner with Aloe Vera and Rose Petal го имаш на iHerb,Mario Badescu Aloe Vera Toner и Face Spray with Aloe Vera,Rosewater and Herbs,Holika Holika Ceramide Toner ги имаш на BeautyBay,Clinique Clarifying Lotion for Dry Skin,Avene Thermal Water Spray,Lush Eau du Roma spray. 4 чекор-Крема за лице.Clinique Moisture Surge и Dramatically Different Moisturizing Cream.Кремите од горенаведените линии се исто така препорачани La Roche Posay Toleriane,Avene,Eucerin,CeraVe Moisturizing Cream,HolikaHolika Good Cera Ceramide cream,Kiehl's Ultra Facial Cream.Во периодите кога ти е многу сува кожата и ако не си чуствителна на органска козметика и мириси ти ја препорачувам Weleda Skin Food Cream. 5 чекор масло за лице.Можеш да користиш само преку ноќ или и преку ден,зависно од состојбата на кожата.Dirty Works Facial Oil и The Ordinary имаат многу голем избор.За твојата кожа ти ја препорачувам Marula Oil или B oil која е мешавина на повеќе масла. На овој режим можеш да додаваш и различни серуми со хијалуронска киселина за хидратација.Ти препорачувам и често да користиш sheet masks со горенаведените состојки.
здраво девојки дали ќе може ваш совет ? Пред 2 месрци ми се направија по неколку акни на долниот дел на образите, (проверив хормони се беше во ред, од стрес ми се) Околу 25 јануари почнав да ги користам лосионот и гелот ЛЕА и СОНА крем и сеуште ги користам,бидејќи 3-4 акни кој се на самата коска не сакаат да исчезнат, мноогу бавно оди аа веќе месец и пол ги користам. Исто имам и неколку дамки не дефинирана боја, кафеави црвени розеви.. Како да ги избледам дамките?? Имам нормална кожа Ве гушкам сите Ми препорачаа третмани со овошни киселини?? Ваше мислење??
Тоа се практикува во зимски месеци. Не е препорачливо да се изложуваш на сонце по третманите. Кожата ќе ти се лупи. Помагаат но не се трајно решение. И обавезно кај некој кој саглам знае да ги направи, не да те изгори во лицето.
Драга единствено беше она на Баре Оригин кое за жал го повлекоа од пазарот заедно со сите други нивни производи. Така да за жал нема веќе масло од шипка во Мк. Поздрав
Витаминот Ц исто така може да е од помош за избледување на дамките. Ама тоа си бара процес на пробување различни производи за да најдете што ви одговара. Производите со в.Ц се доста сложени и дефинитивно не одговараат на секого. Темните дамки се должат на хиперпигментација.. кожата на тоа место била оштетена а изложена на сонце. Најважно е да користите висок фактор за заштита од сонце. 30spf и нагоре. Со тек на време дамките ќе избледат а нови нема да се создаваат. Што се однесува на овошните киселини, јас ги користам и можам да кажам дека си ја работат работата за која се препорачани. Точно дека доаѓа до лупење на кожата но тоа е единствен начин да се ослободите од наталожените мртви клетки кои стојат на површината на кожата и спречуваат да се види убавата кожа која е под нив. Да не заборавиме дека и пилинзите кои се од физички карактер, било да се тоа гелови со гранули или некакви ракавици и сл. имаат иста функција- да се ослободат од мртвите клетки. Споредено со овие, со кои може да се направи дополнително оштетување на кожата, хемиските пилинзи се многу понежни, доколку правилно се користат. Моја препорака е да почнете со најслабата концентрација од производот кој ќе го најдете и постепено според потребата да преоѓате кон поинтензивен производ. Лупењето на кожата(кое не трае долго) не треба да е причина за загриженост, секако, доколку истото не е инстант реакција на производот, доколку не е проследено со појава на пликови и ранички и доколку не станува збор за лупење на здрави слоеви кожа. Последното е најмалку веројатно дека би се случило бидејќи за тоа е потребно многу голема концентрација на киселини и може да биде како резултат на неправилно користење на производ. Значи, очекувајте реакција со пецкање, можеби чешање.. се додека е подносливо нема причина за загриженост. Впрочем, секој производ си има упатство за употреба од кое не смеете да отстапувате. Најважно е да знаете дека овие производи се користат навечер, а преку ден е задолжително да се заштитите со висок фактор, како што ви спомнав и претходно. На крај да спомнам дека со оглед на тоа дека ви препорачале производи кои содржат о.киселини, значи дека можеби и нема да имате никаква реакција бидејќи едно е производ да содржи некоја состојка а сосем друго е да се користи таа состојка одвоено. Ова што ви го пишав се однесува на користење на формула со киселини за пилинг а не на производ, пр. гел за миење лице или можеби ноќна крема која содржи мал процент од киселините.. Се на се, немате причина за загриженост доколку секогаш пред се, кога користите производ, главен ориентир ви е тоа како вашата кожа реагира и секако, да сте добро информирани околу тоа како правилно да го користите и што да очекувате.
Здраво, ќе може ли некој да ми каже како да си го исчистам лицето. Немам некои страшни акни ама имам прилично многу мали и ситни на челото. Преферирам да ги стискам затоа што не можам да ги гледам но знам дека тоа не е добро решение...
Не знам каква кожа имаш, мене ич не ми се погодија. Ја купив цела колекција: лосион, крема за околу очи и оној најпродаваниот хидратор во Јапан. Јас имам мрсна Т-зона, но ужасно дехидрирана кожа на цело лице и многу ми е тешко со пронаоѓање на крема што ќе ми даде целосна хидратација без да ми го измасти лицето, а особено од кога дознав дека не ми ни треба серум на лицето или било какво природно масло (јојоба, арган, рицинусово) бидејќи истите ми ги затвараат порите и ми искачаат акни. Е сеа, од 4 девојки до сега што ги користат и сме коментирале (2 сме со мрсна, 2 со сува кожа) само на едната со сува кожа и одговараат, и по нејзина препорака уствари ги купивме и ние производите. Морам да напоменам дека нејзината кожа е сува, ама има фантастичен ген и природно убава кожа. Така да, мислам дека е многу индивидуално, како и за секоја крема, или било што за нега на лице. Сума сумарум.....: / Серумот има некоја леплива структура. Мислам дека од овој производ сум најмалку задоволна, со оглед на тоа што по 3 недели користење не забележав никаква промена на моето лице, само полошо изгледаше. / Кремата за лице (дневна и ноќна своевремено) е гел крема (има некои тапа состојки, како силикони). Оваа крема мене делумно ми го хидрира лицето, но не доволно, и т-зоната ми светнува за околу 2 часа макс. / Кремата за околу очи ми дава убав, освежувачки филинг по нанесување. Се' уште ја користам, ама мислам дека нема да ја купам повторно, би преминала на друг продукт. Јас ги користев сите производи заедно, ги купив како колекција бидејќи на амбалажите им пишува дека најдобар ефект има ако се користат истовремено. Ништо од тоа кај мене. Оценка: 5 / 10
