Јас пред неколку месеци почнав да го користам тоникот со чај од ројбос што го има препорачано @Biodevojka на нејзиниот блог. Тоникот мислам дека има длабок прочистувачки ефект врз кожата. По недела дена од неговото користење, забележав многу црнки по лицето кои беа лесни за отстранување. И сега имам црнки, но се многу полесни за чистење. Пред да почнам да го користам тоников, се мачкав само со чај од магдонос наутро и навечер. Чајот од магдонос почнав да го користам со намена за избледување на флеките што настануваат од бубулички, но приметив дека има и смирувачки ефект врз нив. Со тоникот приметив дека има побрз ефект, а и општо кожата полека приметувам како се смирува. За лавандата која ја содржи тоникот, имам читано дека има бавно лековито дејство, така да не се сомневам дека кожата ќе ми биде во уште подобра состоја за одреден период. Сакам да пробам и некој рецепт со етеричното масло од рузмарин, но тоа понатаму. Засега овие две работи ми се одлични и не планирам да престанам да ги користам.
Дали некој има испробано производ против флеки од акни кои навистина ви помогнал?Неколку месеци користев лосион кој сама го направив од бело вино и хидроген и навистина ми помогна,но сакам некоја крема да си купам од Bioderma.
Отвори на страниците кои ги напишав и можеш да видиш која цена е, како се порачува итн . Јас лично немам порачувано до сега и не знам точно како иде тоа.
Дали може некој да ми каже конкретно каде можам да го најдам активниот кислород и цена?И ме интересира дали мириса навистина толку лошо.
Го има во ДМ околу 300 денари беше, не се сеќавам точно. Јас го купив со арома на алое вера но мирисот е чуден и благе везе нема со наведеното. Имаше и со нане, и обичен т.е без никаков мирис.
За црвени флеки ти го препорачувам eucerin even brighter има дневна, ноќна крема и некој серуми. Јас го користев дневниот кој е и со заштитен фактор и ми ги избледи црвените флеки.
Дали ќе може да ми го пишеш рецептот/соодносот на лосионот што си го правела? Може и ло ЛП ако не сакаш тука.
Искрено не се сеќавам точно на рецептот но го пронајдов овде на форумов од една девојка на која и го дале на кожно.Стануваше збор за бело вино,неколку капки 3% хидроген,лимон,дури мислам дека имаше и стопен шеќер во составот.Се надевам дека ти помогнав.
Она што мене ми помогна и што би сакала да го препорачам на сите вас кои посакувате да имате чисто лице преку користење на евтини методи, е кокосово масло. Јас моето кокосово масло го купив од ДМ, 200 денари за 300 мл кокосово масло во тегличка. Ставам од него насабајле и навечер, откако ќе го измијам лицето со бебешки сапун Бекутан. И тоа е тоа. Евентуално, кога сум во период на ПМС, доколку забележам акни, ставам и Здраве, кое го купувам од ДМ, и кошта околу 60 денари. Кокосово масло ставам и пред да ја нанесам шминката, а откако ќе се упие ставам и крема за сончање. Моментално користам крема за сончање од Леа козметика, со фактор 30, но истата ја добив на поклон па не знам да ви кажам цена. Кога вадам шминка, сенката и маскарата ја бришам со мицеларна вода, потоа го мијам лицето со бебешки сапун и се пребришувам со мицеларна вода повторно. На крај доаѓа кокосовото масло секако. Кога сум расположена ставам домашна маска од белки од јајце (белката ја размачкуваш на лицето, ја оставаш да се стврдне и го миеш лицето со топла вода), или кокосово масло и сода бикарбона како пилинг. И тоа е тоа девојки, искрено сум задоволна, не се затрупувам со многу хемикалии и скапи продукти а лицето сепак ми е чисто. Се надевам дека на некој ќе му користат овие информации.
Кокосовото масло затвора пори. Кај тебе имало позитивен ефект, но не е препорачливо за лица со мрсна кожа и тие кои патат од акни. Контра ефект ќе имаат бидејќи е комедогено масло. Не секоја природна состојка може да помогне затоа внимавајте што експериментирате на кожата.
И кај мене имаше позитивен ефект од кокосовото масло ко за чудо, но тешко ми е за секојдневна употреба.
Се согласувам, зависи од типот на кожа. Сестра ми секојдневно го користи и е многу задоволна, а јас веднаш добивам поткожни.
Ако веќе купуваш активен кислород купи го овој. Во Зегин го има, околу 450-500 ден е. Има слаб, речиси неприметен мирис на кисело.
Јас го имам овој од ДМ, без мирис, и не ми мириса лошо. Како што рече членката погоре, има слаб мирис на кисело, но скроз е подносливо. Мене едно време многу ми помогна за акните, но потоа како да престана да функционира. Спојлер
@Oxymoron @Avery @Emy867 Девојки, за што се користи активниот кислород? За каква кожа и кои се придобивките?
И јас немам акни, а го користам како хидролат пред да нанесам масло на лицето и после пилинг. Во првиот случај прскам обилно, па ставам масло, а во вториот прскам и чекам лицето само да се исуши. По 10 мин ставам крема. Исто така, ако ми излезе некоја бубуљичка. Супер е и за зараснување на рани, изгореници, за дезинфекција после депилација, за афти во устата... Има голема примена, ние дома многу го користиме.
