Како до чисто лице?

Ај ве молам препорачајте ми некој лосион, пена што и да е, за сува кожа.
Досега некои што користев чистат убаво ама уште повеќе ми ја досушуваат кожата.

 

Може да пробате од сапунот за лице на Clinique. Станува збор за течен гел, има посебна формула за секој тип на кожа, не суши а кожата останува сосем чиста. Може да отидете во Космо, таму ќе ви кажат кој препарат е за вашиот тип на кожа а воедно ќе ги погледнете и тестерите. Производот се исплати бидејќи се користи мала количина и ако го земете големото пакување ќе ви потрае доста време. Ако сте во дилема тогаш може да земете од сетчињата кои се составени од производи со мали грамажи, ги содржат основните потребни производи за нега на кожа, односно, гелот за миење, тонер и крема за лице. Во овој случај ќе имате шанса да пробате три производи од линијата која ќе ја одберете, па што ви одговара да си купите последователно. Мое мислење е дека доколку го одберете соодветниот гел за вашата кожа(производите се означени со бројки; секој тип на кожа има свој број и тоа го проверувате на интернет страната на Клиник или на лице место каде што ќе купувате. Во тој случај гледајте да најдете продавач кој има познавање од производите.) а имате крем за лице кој си го користите и немате потреба да го смените, да не трошите пари на сет производи и да си го земете сапунот без дилема.

 

Фала ти многу, ќе поминам после да видам.
Не те разбрав само, дали даваат тестерче од лосионот за да видам каков ефект ќе ми покаже дома при чистењето на лицето ?

 

Исто така.. можеби ова требаше прво ..не ве прашав дали сте пробале некоја мицеларна вода? Ако не сте, и особено ако не користите тешка шминка, водоотпорна или во големи количини, тогаш можеби е најдобро пред другите производи кои ќе ви ги препорачаат, да пробате со мицеларна вода. Јас би ви ја препорачала таа на Garnier за осетлива кожа, розева линија. Чисти убаво а секако, не ја суши кожата. Гледам препораки за некои други производители но моето лично искуство ми покажа дека разликата е најмногу во цената а не во ефектот. Може да пробате со ова па доколку сметате дека сепак имате потреба од подлабоко чистење тогаш земете го гелот за кој ви пишав или друг производ по ваш избор.

 

Се гледа дека ги разбираш работиве )))
Фала тиии, уште после ќе земам нешто од овие две што ми ги препорача.

 

Мислам дека тестерите се достапни само во продавница, за жал. Служат најмногу за да имате основна слика за производите. Затоа ви ги спомнав мини сетчињата, кои би послужиле како еден вид тестер пред да земете големо пакување од некој производ.

 

За чистење на лице користам Нивеа шампон за лице (со гранули). 220 денари е, го има скоро секаде (Тинекс, ДиеМ, Веро, Аптеките...). Одличен е и убаво го чисти лицето.

 

Имам сува кожа и кај мене гелов доста добро си ја врши работата, не ми ја суши дополнително, а чисти многу

 

Ве молам препорачајте ми нешто за црвени дамки после акни. Имав многу акни и ги исчистив после 1-2 месеци,но ми останаа црвени дамки.

 

Со самото стискање некои ситни капилари ослободуваат крв и се појавува боја, недај боже трајна поткожна лузна. Можеби на темава е разговарано за тоа но за жал, решение за тие лузни сѐ уште нема.

 

Чај од магдонос помага за црвените дамки после акни. Можеби бавно, но помага.
И лузните се лечат на природен начин, само треба многу труд, финансии и трпение.

 

Јас имам мрсна кожа, но сепак имам позитивно искуство. Можеби вреди да се проба со друга марка, сепак има разлика и од марка до марка. Земав едно од зегин до пред некое време, ама ова од ДМ дефинитивно ми е подобро, затоа и истото го препорачав.
Како и да е, мислам дека вреди да се проба, земајќи предвид дека е природно и евтино, а ако ништо друго, функционира како добра маска за коса па ќе може да се употреби секако

 

Искрено јас со 100% чувствителна кожа и долг процес на лечење акни не би пробала, голем ми е ризикот да експериментирам. Сите што пателе од акни знаат како е, не се сакаш да ставиш на кожа и да пробаш.

Тие што немаат драстични проблеми со кожа можат да пробаат, можеби како тебе и на некој друг ќе му се погоди маслото.
А за коса не се сомневам, многу е фалено и следно ми е на листата.

 

Јас со комбинирана кожа не можам да кажам дека ми помогна.
Ретко го употребувам и за коса.
Што се однесува до марката мислам дека нема врска, производот е ист а фирмата различна.

 

Би те замолила да ми кажеш како го користиш чајот? Доколку правиш како домашен лосион ако може да споделиш како да го приготвам.

 

Јас имам комбинирана кожа и немав баш некое убаво искуство со кокосовото и го оставив, па после реков ај да правам маски за косата со тоа и добивав акни и целиот скалп ме чешаше невидено и прекинав да го користам. Сега го користам или за трепките веѓите како стимулант да растат или во некој домашен пилинг. Во главно ретко кој не има негативни реакции од тоа масло и нормално на тој што му одговара слободно нека си продолжи да го користи затоа што на крај краева се разликува организмот на секој.

 

Во половина шоља врела вода (најдобро деминерализирана) потопете две лажички чај од ројбос и оставете да кисне околу 30 мин. Процедете го и префрлете го во чисто шишенце (кое може да биде спреј или обично) и додадете му една лажичка јаболков оцет (најдобро ако имате органски) и 3 капки етерично масло (јас секогаш користам лаванда). Протресете го добро шишенцето и нанесете го тоникотна лицето со помош на памук или дискета на исчистено лице. Вака подготвениот тоник се чува во фрижидер и трае од 2 до 3 недели. Сетете се убаво да го протресете шишенцето пред секоја употреба со цел етеричните масла да се спојат со течноста.

 

Може ли предлог за препарат за сушење што се става директно на акната? Освен масло од чајно дрво. Нешто од ДМ на пример...
Имам две акни што никако не ми поминуваат, а кожата инаку ми е доста чиста.

 

Скоро сите си ја вршат работата, мене на Балеа ми беше ок. Гледај да пишува spot treatmant. Помали тубички се и поконцентрирани, не се за цело лице. Мене истo ми помага Сона кремата.