Како до чисто лице?

Некаде пишува 12 месеци, но најдобро провери, на самото паковање треба да има ознака

 

Мислам дека беше три или шест месеци ако зборуваме за тој на ординери.

Имаш многу мрсна кожа односно acne prone blemish skin. Две во едно. Порите ти се многу видливи.

Почни со гел за мрсна кожа како за почеток на true alchemy protein за да го намалиш себумот што го лачиш и воедно да ја хидратираш кожата.

Потоа ќе земеш нијацинамид серум, хијалуронска киселина, потоа крема за лице. Ти ја препорачувам на Ла Рош ефаклар или ако ти е скапа од Натура Сиберика колекцијата со мед и тиква мат кремата ( одличен производ за оние со мрснс кожа), и крема со спф. Спф кремата може да биде било која, но внимавај да не е премногу густа бидејќи нема да ти легне.

На мрсна кожа одговараат лесни креми кои веднаш се впиваат.

Навечер ќе користиш салицилна киселина и хијалуронска која потоа ќе ставиш крема можеш таа од денската рутина,а можеш да си земеш и друга.

Важно е редовно да ги користиш,малку да отстапуваш ден два за хидратантни маски, можеш да земеш исто така рол он мини стикче од Белина со салицилна киселина што се нанесува директно на акните.

Мора редовно да се одржува лачењето на себумот не може вечно да отстапуваш од одредена храна.

 

Дали некој ја има пробано онаа метода со масирање на лицето со лед за да исчезнат црвените брунчиња и да биде мазно? Имам видено неколкумина кои пробале и се задоволни.

 

Внимателно со ледот. Да не ставам овде слики од нет, ама многу девојки си направиле и ice burn/cold burn на лице со триење на коцки мраз. Звучи апсурдно, ама постои. Во најлесна форма, изгледа како сериозно вцрвување на лицето. Побарај на нет и прецени сама.

 

Често го правам тоа, го освежува изгледот и подочнаците ама нема некоја разлика во текстурата на кожата.

 

Се' земам до резерва и затоа прашав и овде. Може некогаш ќе пробам ама не пречесто. Баш ќе побарам да видам, а до сега видов многу позитивни коментари.
Не ми е многу осетлива кожата па затоа и сакам да пробам вакво нешто. Инаку, благодарам.

Колку пати неделно правиш масажа со лед и дали имаше некои проблеми?

 

Порано кога беше потопло правев секој 2 или 3ден и немав проблеми, преку зимата не го правам, немам навика дека ми е ладно.

 

Жени help
На лице почнав да ставам крем со SPF Factor-Еуцерин и на лице ми се појавија мали мозолчиња.
Како да го ичистам,како да постапам?

 

И мене исто ми се случуваше од Oil control, прекинав да го користам и се повлекоа.

 

После долг период оваа е мојот резултат
Сега сакав да ве прашам за овие флеки дупчиња дали има некое решение или ке морам со третмани
Секој совет ми е добредојден

 

Ke moram da najdam drug nacin na razubavuvanje.Maskara mozda samo

 

Ако не ти е тешко да споделиш како го постигна резултатов? Слично ми изгледа лицето, но само едната страна

 

Ц витамин да убациш во секојдневната рутина, за избелување и намалување на отворените пори. Но, сепак плазма лифт би ти препорачала, за избелување на лице, флеки од акни. И дермапен за намалување на видливоста на порите, исто и за избелување.
До тука штом си дошла, добро е. Си ги средила акните, но за жал освен што се сами по себе проблем додека ги има, оставаат и видливи траги ( флеки, дупчиња...) Сега само третмани и ако редовно ги правиш за отприлика 1 година ќе бидат избелени и намалени дупчињата/флеките.

 

Како иде процесот за земање брис од акна?

 

Има ли некој искуство со кремата за лице pantexol?

 

Здраво, барам Акнефуг oxid wash со бензоил пероксид и неможам да го најдам а само тој ми помага на моите акни. Дали имате некој предлог за друг продукт што би можел да ми помогне? Ви благодарам.

 

Добронамерен совет за тинејџерките кои што го читаат овоа и се уште немаат толку комплекси со лицето. Прво најубави сте какви и да сте, а уште поубави доколку се грижете за вас психички и физички. Имам пречисто лице бидејќи почнав со рутина од мојата прва менструација т.е 11 години, и сакам да ви кажам дека она што вие го конзумирате, тоа станувате. Се ви зависи од исхраната затоа внимавајте на неа(да не бидам тука нутриционист, доколку сакате совет ЛП) внесете повеќе витамин А, миете го лицето не повеќе од 2-3 пати дневно и тоа препорачливо со некој производ со нианцимид. Користете витамин Ц серум после миење, исто така е и добра подлога за шминка (замена за прајмер). Не го оставајте лицето суво. Користете СПФ секогаш но да не ви биде некој премногу тежок. За мозолчињата и црнките ви препорачувам салицилна киселина, наутро и навечер мачкање. За подочњаците апсолутно кофеин 5% на ревокс( недела дена и чуда прави), немојте да ги стискате вашите мозолчиња никако, а доколку имате хиперпигментација на кожата почнете со користење на некои нежни креми од Балеа и Алверде (вегански да бидат) . Мијте го лицето исклучиво со топла вода за порите да ви се отворат и убаво да го исчистите. Немојте да се стресирате, бидејќи стресот многу се покажува на вас. Внимавајте на шминката која ја користете да не биде со поминат рок. Редовна ексфолиација на лицето напр на 5 дена со шеќер и мед и малце вода за мртвите клетки да паднат.Доколку сакате подобри веѓи и трепки слободно со рицинусово масло, а за коса во жешка вода ставете неколку гранчиња рузмарин и после бањање истурете на косата, не мора да миете подоцна но мора да го искористите во рок од 3 дена и да стои во фрижидер бидејќи развива бактерија. Најосновни совети кои ми помогнаа многу, доколку треба помош на некој, тука сум за вас.
Тоа што е добро за мене не мора да значи дека е и зс некој друг така да ве молам внимателно, можам да препорачам добри производи да не се со астрономска цена.

 

На 11 години со јаки серуми?

Премногу рано..

 

Бидејќи никој не ти одговорил, со чепкалка долга ќе ти ја стиска акната за да се земе примерок, тоа е колку што се сеќавам а одамна беше.