А што му фали на продуктов? Нема алкохол, нема парфеми, многу едноставен состав има. Сличен како еден прескап, не ми текнува брендот.
Не дека му фали нешто, ако имаш едноставна рутина и го користиш умерено и со ваков производ би имала добар ефект. Ова ми делува на некој тонер, поентата ми е доволно е само еден активен производ а во тој случај би се одлучила за серум наместо тонер со БХА.Доколку користиш други активни производи, ова би било само чекор вишок во рутината што би можело да ти ја уништи кожната бариера. Мислам дека мислиш на Paula's choice. Имав цистични акни, бев очајна па разговарав со дерматолог и гинеколог на тие теми за акутан и Спиронолактон. Е сега Спиронолактон се препишува ако имаш покачени андрогени хормони, не ако хормоните ти се во ред, и ако не пиеш доволно вода би можела да имаш проблеми со бубрезите. Разговарај со гинеколог или ендокринолог, провери хормони па види дали ќе ти одговора Спиронолактон. Многу луѓе што го користеле а имале покачени андрогени хормони не им помогнало, додека на други им помогнало. Не се препишува на секого и различно делува на секого.
Конкретно го немам, но имам правено третман со него во козметички салон за чистење на лицето. Реално има разлика, се осеќа освежување на лицето. Не е болно воопшто, благи вибрации. Имаш чувство дека вистина ти излегла и таа нечистотија што не се вади со козметиката за чистење. Според мене не е за честа употреба (истото и од студиото ми го рекоа). Не знам за што би го користела ако го купиш, освен за чистење на носот. Не мислам дека вреди да го купиш, така ќе ти стои. Тоа што сакаш, се постигнува и со само еден третман.
Има ли некој што ги користел производите на Biologique Recherche? Како сте задоволни посебно од лосионот?
Здраво, сакам да побарам совет конкретно за затворени комедони. Веќе година дена се борам ја мразам текстурата што ми се прикажува шминка кога ставам. Од третмани имам пробано и уште правам: класичен третман, хемиски пилинзи, дермапен, радиобран, од скинкер нема што немам пробано. Џабе фрлени пари искрено. Сигурна сум дека некое хормонче е криво за ова 20 години имам. Знам другарка одеше во “Дерма клиник”, беше задоволна. Ако некој знае да сподели како се движат таму со цените или било каков совет за мојов случај
Ако мислиш дека имаш проблем со некој хормон, најдобро е да си испиташ хормони прво. Џабе фрлаш пари по третмани и производи за лице. Особено на 20 години не ти требаат толку третмани кој ти рекол сето ова да го правиш.
Затворени комедони често знаат да се направат од несоодветна козметика - креми, тоници, чистачи. Oсобено маслените чистачи знаат да направат такви затворени комедони. Важно е какви состојки имаат затоа што потешките масла впарени со некои критични состојки, или состојки на кои си приметила дека кожата реагира, и те како може да ти направи инвазија на комедони. Проверувај го убаво составот, за да видиш дали има некоја состојка која би тригернала нешто такво. Не мора да значи дека хормони се во прашање.
Јас пиев подолго време поради покачени андрогени хормони. Многу брзо ми делуваше без да ми направи некаков проблем. Бев на него неколку години и еве сега при прекинот, после подолго време повторно почнаа акните да ми се појавуваат! Затоа само консултација со доктор, на своја рака не е ок а и еве од искуство нема секогаш долготраен ефект.
Третиноин во Грција каде да најдам? Прашав во две три аптеки, немаа. @koritsaki случајно да не знаеш?
Можеби хормоните не ти се во ред, па ти се лачи повеќе себум и ти се полнат порите. Јас го имам овој проблем, и освен тоа што правам хормонални проверки и пијам лекови, гледам да не ставам тешки пудри и козметика на лице. Гледај се што ставаш да е некомедогено и темелно чисти ја шминката навечер.Еве конкретно за маслен чистач би ти го препорачала Uriage Hyseac Oil и подле обавезно со некој гел за чистење лице. Ставај салицилна 2% или азелаична 10% 2-3 пати неделно и користи лесна хидратантна крема без масла. Главно избегнувај козметика со масла, било каква, дали се пудри, течни бронзери, руменила и сл. И ставај потенки слоеви, оставај ја кожата да дише. И секако ако ни ова не помогне, земи упат и провери ги сите хормони
Да да , порано имаше и такви креми сега ги повлекоа од продажба. Само рецепт од дерматолог прифаќаат па можат така да ти подготват. Инаку за во Мк , Марија гален фарм прават третиноин крема јас се имам допишувано со нив на инстаграм , но немам купено се уште.
Дали некој знае колку пари чини преглед во “Дерма нова” кај доктор Верче? За проблеми со акни конкретно
Го немам ова од сликава, имам од Тему. Го користам повремено за чистење на носот и брадата. Задоволна сум.Немам нерви и време за да се поминувам со другите 2 опции Мое мислење не вреди да дадеш 3000.
