Како до чисто лице?

Јас почнав да ја користам кремата од Саше па прочитав лош коментар па ја баталив, после 4-5 дена пак почнав.
Да не должам, кај мене супер делува, ми го чисти лицево да не се урочам но скоро ми е исчистено.
Без пумпање и преувеличување ама кремата е ТОП , а и Саше се убаво си објаснува мислам дека најмалку пола сат одели човекот и се утепа од објаснување и од зборење .
Имало спас и за мене

 

Девојки ај д ве прашам нешто.
Бидејќи влегувам во пубертет почнуваат да ми излегуваат многу мозолчиња. Можете ли да ми предложите со што да ги мачкам за да ми исчезнат???
Впрочем имам 13 год. така да неможам да користам креми кои се за возрасни.

 

Пробај со Young Derm лосион и кремче, не се скапи, а тоа е дефинитивно колекција наменета пред се за твоја возраст, а после и за повозрасни. Ако нема некој ефект пробај исто лосион и гел Lea. Јас памтам дека овие работи доста добро дејствуаа на мене кога имав пубертетски бубуљички. И гледај да ја собираш косата, да не ти се допира многу до лице особено сега кога е топло.

 

Благодарам многу. Да купам па ќе ви ги кажам резултатите.

 

А јас да прашам, што ставате после стискање бубулици, за смирување на црвенило нешто
На ништо не личам, сакам побрзо да ми поминат.

 

Мене ми помага ако држам мраз на местото, го намалува отокот колку да не ме нервира и да ме тера да го докопам, зошто чепкало сум најголемо. И после тоа откако ќе спадне отокот ставам густ слој Здраве и за некој саат ми поминува.

 

Јас користам еден гел на докторс го купив од аптека со камилица бил и со ментол и го чисти лицето од акни и откако ќе го измијам лицето си го чувствувам свежо

 

Special.Someone а колку пари го купуваш тој гел?

 

Околу 100 денари.

 

А на поткожните моззолчиња што им правите,како ви поминуваат?
Мене ми се појавија така како бели топчиња на образите,се гледаат само кога ќе ја оптегнам кожата,ама страшно многу ме нервираат.
Некој лек?

 

епа на авон и орифлеим тониците и кремовите им се убави на другарками многу и помагаат имаш од нив пробано?

 

Нешто што досега најмногу делувало за моето лице, и за чистење на бубулиците кремот здраве. Првин се мијам со Clear Skin лилјаков гел од авон за намалување на црвенилото на мозолчињата и ставам подебел слој Здраве...Кај мене навистина има резултати...

 

Супер, а го има во прилеп? ...

 

До чисто лице се стигнува само со секојдневна рутина на нега и чистење, секако приспособена на типот на кожата. Нема универзален производ кој на сите им одговара (освен можеби Здраве ). Неизбежно е тестирање на многу препарати за нега пред да се пронајде оној кој најмногу ни одговара. Секоја кожа е индивидуална приказна за себе и секоја бара соодветна нега. Всушност, треба да се обидеме што подобро да ја запознаеме кожата, во смисла да знаеме да препознаеме што и’ одговара, а што не.

После толку години експериментирање со различни производи, мислам дека сум блиску до пронаоѓање на вистинските за мене. Почнав да применувам рутина на чистење и нега секоја вечер (преку ден само крема, и ако излегувам - шминка), а навечер темелно чистење на лицето, лосион, крема за мојот тип на кожа, ако имам некоја акна ставам Здраве врз неа, и крем за околу очи. И тоа е тоа - разликата е очигледна после редовна примена на рутината 3 месеци континуирано. И ниту еден ден не сум пропуштила, колку и да сум уморна, колку и да ми се спие, додека не ги направам сите горенаведени чекори не легнувам. Ама затоа, кожава и лицево никогаш не ми биле поубави, а и во последно време добивам комплименти за изгледот И да напоменам, еднаш неделно ставам маска (Неутрогена, Афродита, Гарниер или домашно подготвена, сеедно).

 

Абе, откривте топла вода со секојдневнава редовна темелна хигиена.
Не сакам никого да навредам, убаво од вас што се помачивте да напишете ама општо познато е дека треба редовна хигиена на лицето за здрава и колку толку чиста кожа. Арно ама, јужно од Светот на бајките, не е се така розово. За некој што мака мачи со акни, не е само до хигиената, а повеќето на темава се такви. Не дека ја ве хејтам нешто, ама кога ќе прочитам ова дека за чисто лице требало редовно миење на лицето, ми доаѓа да си приплачам од смеење. Да беше така сите убави и мазни ќе шетавме. Мислам дека темава е повеќе ориентирана кон лекови, иљачи и такви работи, а не „редовно миење на лицето“. Да, допринесува за чиста кожа, ама дека е решение за акни, лузни и слично, да ми каснете од газов. Не го сфаќајте буквално ова „како до чисто лице“, сапун и вода се најочигледниот одговор, сите го знаеме тоа.

 

Nymeria алал да ти е за коментарот!
Иначе после милион работи што сум пробала, од Здраве најголеми резултати имам, не дека сега ми е лицето стакло, али за разлика од тоа што ми беше сега е мн подобро

 

Абе какви глупости се тоа редовно да го мијаш лицето?Јас само со вода се мијам 1 во ден,а по цел ден се шлакам на лице со студена вода па и во МПС кога сум ,чисто ми е лицето,ама ми е чуствителна кожата и секогаш сум црвена на лице ,ама ако да не ставам руменило , да не го трошам Да треба хигиена мислам дека мојата е на најниско ниво за лице ,ако се земе предвид секако сите оние тоници,маски,гелови,кремови,што се во шкафов зад мене моментално,а јас само со вода се шлакам(ме мрзи да ставам маски и гелови и незнам уште што, не за нешто дрруго) Така да зависно од гените,и од кожата и типот на кожата а и секако кремот кој се користи треба да биде според типот на кожата, а ако не може точно да го одреди типот на вашата кожа,треба да се побара стручна помош...

 

За време на пубертет ме мачеше Т зоната и тоа најмногу на челото и на брадата..
јас лично имав и постојано по некоја Акна( читај бубуљица)..
во тоа време го користев Ассо Дерм сапунчето ( кое се уште го има по некој шопови)
па почнав со лосионот на Јанг ДЕРМ и секако нивната пудра...
Никако и никогаш не сум ставала помада кога ке си легнев да спијам само наутро
(така да кожата од Т зона ми стана нормална )
никогаш не експирементирав со креми за лице ( тоа и ден денес го правам)
користев бекутанче ( синото и најнормалното) или нивеа класичната
...сметав и се уште сметам дека сепак јанг дерм е пудра за млади и не развиени лица
пошто гледам некој мои познат лицето им е како карта се се познава и имаат мнн брчки
а пудрите од мајките или од некој повозрасни им беа главни за користење...( да не се фалам мене никој не ми ги погодува годините секогаш сум со минус 5 години )

Спојлер

не правам реклама за ништо кажувам јас како сум се справила со моето лице и краерите кои ги имам ( во оној период и секако кога сум мнн нервозна)

според мене оние кои имаат мнн мннн проблеми со акни треба да одат да се консултираат со козметичар... оние кои добиваат само за време на период или од патување или од прљаштини не се толку опасни и мислам дека нема да се во класификација ПРОБЛЕМИ со лице....

 

Темата е како до чисто лице и редовното чистење на лицето се однесува за сите, тоа е општа хигиена. Нормално дека доколку некој има посериозен вид на акни, црвенило итн. треба да посети дерматолог, има причина зошто постојат дерматолози. Никој овде не измислува топла вода, туку се труди колку толку да помогне. Ако немате нешто паметно да кажете, подобро не пишувајте. А редовното чистење е важно и за чиста и за нечиста кожа (акни) зошто само така се отстрануваат нечистотиите кои доведуваат до поситни или поголеми неправилности.