Како и каде да продадам книга која ја напишав јас?

Ја отворам темата за оние кои имаат повеќе информации како оди целиот процес на продавање книги. Бидејќи напишав книга и оваа недела ќе биди испечатена, но не знам како се продаваат во книжарниците? Ако некој знае нешто ве молам пишете!

 

Каде да продавам книга која ја напишав јас?

Како прво треба да имаш промоција на книгата, да знаат луѓето дека ти си напишала книга. Промоцијата најдобро е да биде во библиотека и цел настан да се снима и фотографира. Исто така треба и на некоја тв да кажеш дека си издала книга и дека ќе имаш промоција,па сето тоа тие да го објават.
Секако дека на таа промоција ќе кажеш нешто повеќе за книгата, а и за тебе, и каде с’е може да ја најдат таа книга.
А на промоцијата ќе ги повикаш некои другарки,роднини,професори.

btw Честито за напишаната книга.

 

Каде да продавам книга која ја напишав јас?

Благодарам! Но, веќе ми е договорена и промоција и се само ми треба место за продавање на книгите па да можам да кажам на промоцијата каде можат да ја купат книгата и ме интересира ако знаеш како е процесот за продавање во некоја книжарница, дали се потпишува договор, како ќе ги добивам парите и слично . . .

 

Каде да продавам книга која ја напишав јас?

Епа ќе одеш во некоја книжарница и они таму ќе ти кажат што како.

 

Каде да продавам книга која ја напишав јас?

Ако си од Скопје имаш поголем избор на книжарници, стапи во контакт со сите па ќе ја одбериш таа понуда што најмногу ти одговара. Инаку честитки за книгата! Од каков жанр е книгата?

 

Каде да продавам книга која ја напишав јас?

Па, ти треба многу упорност, многу добар маркетинг и малку карактер од типот се буткам во секоја каша.

Зошто ?!

Вака, значи во Македонија, шансите за книгата да ти стане бестселер и ти да заработиш од тоа се минимални. Јас, за почеток, би ти препорачала да направиш страна на фејсбук со името на книгата. Направи некоја наградна игра со собирање лајкови и подари бесплатно неколку книги. Нека видат луѓето што нудиш, ако е навистина добра, ќе привлече читатели.

Второ, најисплатливо ти е да ја продаваш од дома, преку интернет. Пример земи ги Сакамкниги, девојката од ништо успеа да направи нешто. Само, распрашај се убаво како оди тоа, да не ти дојде некоја казна дека нелегално имаш фирма.

Понуди ја книгата по некоја промотивна цена, објавувај секој час нешто ново, некои цитати итн итн. И за крај, биди свесна и самокритична кон самата себе и кон книгата. Не сакам да те разочарувам, стварно браво за тебе, но ова е Македонија. Книгата треба да биде нешто УАУ за да ме натера да ја купам. Биди горда затоа што си напишала нешто и си објавила, а за продавање...

 

Каде да продавам книга која ја напишав јас?

И јас да додадам да не претеруваш со цената. Не ти го оспорувам трудот во никој случај, браво за тебе, неможе секој да напише книга. Ама мора да имаш во предвид дека светските бестселери можат да се најдат по многу ниски цени и факт е дека 90% од луѓето за тие пари би избрале таква некоја книга од колку некој наш нов писател. Дури и да си далеку понапред во квалитет

 

Каде да продавам книга која ја напишав јас?

Благодарам за информациите, од Битола сум и досега знам само една книжарница каде се продаваат книги па ќе прашам таму овие дена да видам како оди цела работа.
Инаку книгата се вика Ангел Чувар и обработува повеќе теми:
- Кога ќе изгубиме нешто гледаме колку ни значело навистина
- Гордоста е најголемата препрека на патот кон љубовта, а некогаш и причина за пропуштање на вистинска љубов
- Пријателство ( Вистинско, но и личности кои најмалку очекуваме да не повредат најмногу не повредуваат)
Во суштина е љубовен роман со некои поуки за животот, има 13 глави и околу 130 страни, се работи за една девојка Доротеа и започнува со смртта на нејзиното куче кое било цел живот со неа а го запоставила и тогаш започнува да размислува за се во нејзиниот живот. Подоцна се развива приказната за Доротеа и едно момче кои се сакаат но се премногу горди да признаат и губат многу скапоцено време поради тоа. Има и за другарството и исто така за значењето на животот и за тоа како оние кои имаат се и се презадоволени не можат да ја видат вистинската вредност на животот и да се радуваат на ситници. Има ново девојче кое доаѓа од место каде има војна и учи заедно со Доротеа и им раскажува што се имаат сите тука и не ценат, а колку само други деца посакуваат да го имале сето тоа. . .
Еве еден цитат од почетокот:

Уште еднаш ќе ве прашам:
- А дали некогаш ви се случило да добиете се што ќе посакате, а да сфатите откако се ќе изгубите?

Јас сум Доротеа. Се се случи минатата година. Тогаш широко ги отворив моите сонливи очи и ја видов реалноста . . . И тогаш ја затворив мојата душа и ја заробив довербата, нечиста што излегуваше од луѓето.

 

Секоја чест,драга моја,ти посакувам многу успех на полето на литературата.
Инаку,и јас се занимавам со творење,издадов книга на 10 годишна восраст и постојано пишувам,но оттогаш ,за жал,не се најде некој кој би сакал да ги спонзорира моите книги (воглавно стихозбирки) ,такашто сеуште трпеливо чекам некој да ми излеле во пресрет...
Секое добро!

 

Благодарам! И јас издадов стихозбирка во 2008 се пријавив на еден конкурс но сепак требаше да се плати одредена сума и барав спонзори но литературата за жал не е ценета толку колку што вреди во нашата држава па не најдов спонзори и сама си платив. Ти посакувам многу среќа во потрагата по спонзори, се надевам дека за брзо ќе најдиш!

 

Tи благодарам и јас тебе ,и навистина ми е мило што сеуште постои некој кој ја почитува моќта на литературните дела и кој се труди да ја продолжи лозата на македонските творци.
Поздрав и се надевам дека ќе дојдам до твојата нова книга,искрено ме заинтересира.

 

По која цена би ја продавала книгата ??

 

Се уште не знам точно бидејќи зависи од местото каде што ќе ја продавам како се движат цените на книгите таму и процентот кој ќе го бара книжарницата, но мислам дека од прилика би требало да биде 150 денари до 200 најмногу.

 

И јас сум од Битола и навистина има мал број на книжари, и нема некој голем избор на книги. Се надевам дека ќе склучиш договор со некоја. Кога ќе ти биди промоцијата? И дали имаш рзмислено да ја има твојата книга и во библиотека или ќе оди само во продажба?

 

Промоцијата мислам дека ќе биди при крајот на јули, и не сум сигурна ама мислам дека ќе ја има и во библиотека, ќе те известам за неколку дена се поточно како ќе биди.

 

[mod-reklama:u85zlvau][/mod-reklama:u85zlvau]

 

Мене искрено книгава ми привлече внимание ...
Би ја земала да има начин .
Инаку Мариуциа да ти честитам за книгава ти посакувам уште мнооогу успеси ...


И уште нешто колку можеш биди поактивна на форумов осеќам има што да кажеш интересна си и твоите постови само би го збогатиле форумов

 

Благодарам Кажи ми од кој град си и ќе најдиме начин да ја земиш книгата

 

Честитки за напишаната книга ти посакувам уште многу успеси , да ти кажам право и мене ме заинтересира ептен и би сакала да ја прочитам, во која книжарница се продава ако може да ми кажеш?

 

Од Скопје сум. но во август ќе одам накај Битола така да ќе си ја купам сама