Како се справувате со дамки (флеки)?

Мене денеска ми прсна зејтин на тренерките и јас флеката ја натопив со алкохол и нарисав сода бикарбона и за едно чудо флеката исчезна

 

Да пробаш со сапунот за флеки од ДМ. Со него да ги намачкаш, пред да ги переш.

 

Ako moze da mi kazes kako se vika da poracam da mi go kupat.

 

Сапун за флеки. Само, што го има во продавниците на ДМ.

 

Женски ве премолувам дајте ми ефикасен совет за вадење на мастика од фармерки.Се испотресов целата,ова ми е трет ден кај што ги облекувам, уште на ново мирисаат.Пробав со пегла, дел излезе а тој дел што остана никако не можам да го извадам.Што да направам очајна сууум.

 

Нова облека перена намерно на 30‘ од фарбања и триста други глупости , кога ја видов со огромна црна дамка, земав едно средство од дм маркет не се сеќавам на името, италијанско производство се втријува на облеката и се остава да постои извесен период , и се покажа како ефикасно се отстрани дамката.

 

Да ве прашам..Имам една бела блузичка што ја накапив со сок од боровница летото.Пробав дома да ја исперам не излезе,ја однесов на хемиско ми ја вратија со жолти дамки на местото каде што беа лилавите.Што да и направам?

 

Од каков материјал ти е. Ако е памук, да пробаш со варикина.

 

Здраво девојки, на внука ми и се истури сок од портокал на блузичката. Со оглед на тоа што веднаш не можевме да ја испереме флеката малку се подзасуши и кога можевме да ја испереме ја ставив веднаш во машина со останатиот веш мислејќи дека веднаш ќе се извади. Кога ја извадив флеките стоеја не сакаат ни да слушнат да се повлечат. Па си реков добро Вики ти си биодевојка или не??? Ајде земај природни средства за вадење на флеки како предперење. Земав бел оцет и го посипав врз флеката и го оставив да отстои половина час. Потоа со сапун и ладна вода (природен сапун од маслиново масло или таканаречен Марсиља) ја миев блузичката на местото каде имаше флека и верувејте ми флеката излезе. Повторно ја ставив во машина за да се испере убаво и за да излезе мирисот на оцет (иако оцетот го користам и како омекнувач со етерични масла и кога се суши вешот не мириса), ама сепак требаше да вклучувам машина за други алишта па ја ставив . Блузата е како нова, ни трага ни глас од флеката. Само сакав да споделам со вас доколку и вие си имате проблем со ваков вид на флека. Поздрав.

п.с. еве ви други природни методи за отстранување на некои видови на флеки.

Во текот на изминативе години открив многу начини на отстранување на флеките, истражував по интернет и читав. Многу од тие природни методи лично ги пробав и затоа сакам да ги споделам со сите вас во оваа статија. Навистина се скономични и доста функционални и ќе заштедите пари на скапи хемиски производи кои во некои случаи и не функционираат добро. Во продолжение ќе ги разгледаме најчестите флеки и методите со кои може многу лесно да ги отстраниме. Природата има решение за сѐ.

1. Црвено вино



Доколку за време на вечерата дома со гости некој истури несакајќи малку црвено вино на вашиот нов бел чаршаф, најдобар метод е да сипете одозгора веднаш (додека флеката е мокра и тазе) бело вино. Белото вино го неутрализира црвеното и како што ќе испари алкохолот така со себе ќе го однесе и црвеното вино. Ќе остане само мала бледа трага која лесно се вади со перење.

Доколку флеката од црвено вино е стара и засушена, во тој случај врз неа најнапред ставете обична сол, па потоа оцет или сок од лимон (доколку материјалот е деликатен ви советувам оцет затоа што лимонот е многу агресивен) и оставете така да отстои околу саат време пред да преминете со перењето. Истово важи и доколку се искапете со црвено вино на облеката.


2. Кафе

Флеките од кафе може да ги отстраниме со оцет доколку се стари флеки. Врз флеката намачкајте малку оцет и оставете да стои така околу саат време пред да ја перете како што обично правите.

Во случај на свежа флека од кафе има еден метод со жешка вода, односно во едно ѓезве се загрева вода и кога ќе почне да врие се зема облеката или чаршафот и се става во мијалникот и од поголемо растојание се излива водата директно врз флеката. Овој метод е познат како жешка вода под притисок која моментално ќе ја отстрани флеката.

3. Доматен сос



Доколку сме дома и несакајќи на чаршафот или пак на кошулата ни капне малку сос од домати, може флеката многу лесно да ја отстраниме додавајќи врз неа (додека сеуште е свежа, значи не се исушила) малку минерална (односно кисела) вода. По една минута нежно поминете со една чиста крпа врз флеката за да ја отстраните и таа многу лесно ќе излезе. Ќе остане сосема бледа трага, која потполно ќе исчезне кога ќе ставиме чаршафот во машина за перење на алишта. Истава постапка може да се примени и доколку сме во ресторан и се искапеме врз нашата омилена кошула.

Доколку станува збор за стара флека од доматен сос која веќе се засушила, во тој случај пред да го ставите чаршафот или кошулата во машина за перење на алишта, ставете одозгора малку оцет и оставете да делува саат време. Потоа ставете ја да се пере и флеката потполно ќе исчезне.

4. Чоколадо

Знаеме дека децата обожаваат да јадат чоколадо и откако ќе го изедат обавезно се бришат од чаршафот или пак од сопствените маици. И што да правиме? Земаме една коцка лед и со неа ја поминуваме флеката се додека, под дејство на ладното, убаво не се заледи и потоа лесно ја отстрануваме гребејќи ја со ноктот.

5. Масло



Доколку чаршафот го искапете со масло, во тој слушај веднаш врз него ставете многу бебешка пудра. Оставете го чаршафот или облеката врз која сте истуриле масло заедно со пудрата од 8 до 10 часа. Потоа, со помош на една четка за облека полека отстранете ја пудрата (која веќе го впила маслото) и флеката ќе излезе заедно со неа. Потоа секако материјалот може да го исперете во машина или рачно, како што обично правите.

 

Како да исчистам флеки од кафе?

 

Флеките од кафе може да ги отстраниш со оцет доколку се стари флеки. Врз флеката намачкај малку оцет и остави да стои така околу саат време пред да ја переш како што обично правиш.

Во случај на свежа флека од кафе има еден метод со жешка вода, односно во едно ѓезве се загрева вода и кога ќе почне да врие се зема облеката или чаршафот и се става во мијалникот и од поголемо растојание се излива водата директно врз флеката. Овој метод е познат како жешка вода под притисок која моментално ќе ја отстрани флеката.

 

Некој совет за вадење флеки од восок? Се изначитав статии на интернет, ама повеќето се однесуваат на тоа како да го извадите восокот без да го оштетите материјалот. Јас восокот го извадив, само што уште има мрсни флеки на чаршафот. И не се вадат со ниеден детергент што го пробав

 

Да пробаш со ДМ сапунот за флеки.

 

совет за вадење на дамка од тиква од тепих

 

Izvinete za latinicata, pisuvam od telefon. Imam nekoi somnitelni damki na postelninata, ne znam od sto se, cimerkata ima zamesano prsti. Ja prasav da ne i se isturilo nesto slucajno i rece deka imala gosti i im se isturilo Pepsi i nekogas drugpat i se isturilo koncentriran omeknuvac. Zarem e mozno da ostane tolku tvrdokorna damka od sok i omeknuvac? Dali postoi nekoj univerzalen lek za damki? Damkite se svetlo kafeavi, vekje ja isprav postelninata so detergent vo masina dvapati, no ne izleguvaat. Sega staviv aris vrz damkata, no nema znacajno podobruvanje.

 

Ha hemijsko gi nosam alishtata...u petok poslem rabota obichno.

 

Тврдокорна дамка, нешто наилик мрсно и обелено стои од омекшивач ако се стави дирек у машината у бубањаот врз алиштата и тешко се вади

 

Понекогаш на тепихот може да ми се истуре нешто чоколадо,такви работи,со малку сјај и ВАНИШ(исчезнува)

 

Како да ја исчистам дамката на мојата јакна пропуштена од друга јакна ?

 

Женски хелп.
Имам пантолони од полиестер, онакви што не се гужваат. Па пред една недела бевме на пат, и кога гледам на газот олкава флека, не знам од што е, прво си помислив можда е од пот, ги исправ флеката е иста, со што би можела да излезе?